Yoa. 17:11 - Ebaibul

¹¹ Abunit ayoŋ neni kon; nyeriŋa ayoŋ ayai nakwap, nai eriŋa ikes eyakasi nakwap. Papa ŋolo Asegan, kiyok iyoŋ ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ, ikotere eruworosi ikes ŋipei, ikwaŋina ikiraakar iwon ŋipei.

Yoa. 17:11 Iomraidhean Croise

Ŋikiru. 79:9

Kiŋarakinae isua, okoe Akuj akaiunan kosi, ikotere itopolooryo ekiro kon, tolakunae isua ka kisyoni ŋasecisya kosi; ikotere itopolooryo ekiro kon.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 27:3

“Ayoŋ Ekapolon arae eketen emanikor a epiini, a ŋinapaki abuki ayoŋ iŋes ŋakipi. Ete ayoŋ iŋes nakwaare ka naparan, ikotere nyinyasu ituŋanan idio iŋes;

Isa. 64:2

Totiyaun lopite ŋolo itiriraunia akim amoni ka lopite ŋolo itukulaunia akim ŋakipi; bua kitoodik apedor kon neni a ŋimoe kon, ikotere emaranikinete ŋituŋa a ŋakwapin ikiŋolikinete iyoŋ.

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Esek. 20:22

Nai abu ayoŋ emyek akisican ikes, abu ayoŋ aŋuna ekiro kaŋ etiya ŋuna nyepedorere akiyanya ekiro kaŋ alokiŋaren ŋituŋa ŋulu abu ayoŋ oyaunia ikes.

Esek. 20:44

Okoe Ŋisirael, toyenutu atemar arae ayoŋ Ekapolon abu ekeurya iyes nyimunaasi ekiro kaŋ, meere aŋuna itiyaata iyes aronis ka atuna.’ ”

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

Mat. 5:48

Itemokino iyes tojokak nooi, ikwaŋinapei eraakar Papa kus ŋolo anakuj ŋolo ajokan nooi!

Mat. 6:9

“Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei,

Yoa. 13:1

Ani eapuuni apaki ŋina a ŋasuban a Paska, toanyu Yesu atemar kedol apaki ŋina esikinet akwap na, toboŋo neni a Papa. Amina jwi jwi Yesu ŋulu keŋ ŋulu ayakasi nakwap, akitodol tari natwanare.

Yoa. 13:3

Ayeni Yesu atemar abu Papa kiwuak ŋiboro daadaŋ nakan keŋ; ayeni daŋ iŋes atemar abuni aneni ka Akuj, ido eboŋori nabo nenipei keŋ.

Yoa. 14:20

Akoloŋit ŋin, ipote iyes aanyun atemar ayai ayoŋ tooma Papa kaŋ, iyakasi iyes tooma kaŋ ka ayai ayoŋ tooma kus.

Yoa. 16:28

Abu ayoŋ aneni a Papa, abu nakwap, nabo aesikini ayoŋ akwap, oboŋo neni a Papa.”

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 17:23

Ayai ayoŋ tooma kec, iyai iyoŋ tooma kaŋ, ikotere toruworos ikes ŋipei jik, ikotere nai toyenu akwap atemar ikiyakuunit iyoŋ ayoŋ ka atemar imina iyoŋ ikes, ikwaŋinapei ikiminar iyoŋ ayoŋ.

Yoa. 17:25

Okoe Papa ŋolo ka akiyookino! Nyikiyeni iyoŋ akwap kire, nai akayeni ayoŋ iyoŋ; eyenete lu atemar ikiyakuunit iyoŋ ayoŋ.

Yoa. 17:6

“Adau ayoŋ akisileerekin ekiro kon lotuŋa ŋulu ibu iyoŋ ikiinak ayoŋ anakwap a na. Arae ikes ŋulu kon, ibu iyoŋ ikiinak ayoŋ ka ericakis ikes akirot kon.

Yoa. 7:33

Tolimok Yesu ikes tema, “Ikiruki ayoŋ ka iyes adiotipei, oboŋo nai neni a ŋolo ekeyakuunit ayoŋ.

Ŋitic. 3:21

Itemokino Kristo kiboi anakuj akitodol apaki ŋina ituruworya Akuj ŋiboro daadaŋ ŋikitet, lopite ŋolo koloŋ alimunitor iŋes alorwor a ŋikadwarak keŋ a ŋulu asegak.

Ŋirom. 12:5

Ikwaŋinapei, iwon daŋ tari kikilalak, ikirae akuwan apei anakimorikina ka Kristo, ido ikirucokina iwon daadaŋ iwapei ikirae ŋinerin ŋulu egelegelya ŋulu ka akuwan ka apei.

Ŋirom. 9:17

Anerae ebasi Ŋakigireta abala Akuj neni a Parao ebe, “Abu ayoŋ eketuruwo iyoŋ ekepukan aŋuna a ŋakiro a nupei a nu: akisitiya iyoŋ kitoodiu apedor kaŋ ka akiserakin ekiro kaŋ nakwap daadaŋ.”

1 Ŋikor. 1:10

Ŋikaitotoi kaŋ! Ekemaimai ayoŋ iyes alokiro a Ekapolon yok Yesu Kristo, atemar tocamunos make alorwor kus tomam atyakatyaka alokidiŋ kus, nai toraakas ŋulu imorikina anatameta ka ananupit kus.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋiep. 4:4

Eyai akuwan apei ka Etau epei ŋolo ka Akuj ikwapei eyakar akigeno apei ŋina adau Akuj anyarakin iyes.

Ŋipil. 2:9

Aŋun, abu Akuj kitopoloo iŋes nooi ka inak iŋes ekiro ŋolo epol akilo ŋirorwa daadaŋ,

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 9:24

Anerae pa alomarit Kristo Nakibois ŋina Asegan ŋina adukunete ŋituŋa, ŋina erae iŋes bon erae akisikwaanet ka Akibois a ŋina a kire. Nai nakuj abu iŋes toloma, neni tokona ewuar iŋes alokiŋaren Akuj aŋuna yok.

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

1 Yoa. 3:12

Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.

1 Yoa. 5:19

Ikiyeni iwon atemar ikirae iwon ŋulu ka Akuj, tari kipukat ŋolo Aronon akwap daadaŋ.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 19:12

Ekote ŋakonyen keŋ arira ka anapit ŋatoryet ŋuna alalak. Egiritae ekiro neni keŋ, nai amam ituŋanan ŋini ayeni, mati elope.

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”