Yoa. 16:33 - Ebaibul

³³ Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 16:33 Iomraidhean Croise

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Mika 5:5

Iŋes eyauni ekisil. Ani kepotu ŋituŋa ŋulu ka Asiriya nakwap yok, kitorut naduketa ŋunajiet, iyakiyaryo iwon ŋikarikok yok ŋulu egogoŋ kitijikis ikes.

Mat. 9:2

Kilepuleput ŋituŋa ŋice ekile ŋolo aŋwalit iperikinitoe naperyet keŋ. Ani eanyuni Yesu atemar anupito ikes nooi, tolimok ekaŋwalan tema, “Lokoku, toen etau! Esyoni ŋasecisya kon.”

Luk. 19:38

“Erereŋ erwosit ŋolo ebunit alokiro ke Ekapolon! Toyai ekisil nakuj ka akipuro neni ka Akuj alokidiama nooi!”

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 12:31

Adol tokona apaki ŋina etubere ŋakiro ŋuna ka akwap a na; imasaryo tokona ekepukan ŋolo ka akwap a na.

Yoa. 14:1

“Nyiyaloloŋo, tonupa Akuj, tonupae ayoŋ daŋ.

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Yoa. 16:11

Itunupi ŋuna ka atubokino, anerae adaun ekepukan ŋolo ka akwap a na atubokin.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 23:11

Ani nakwaare, towo Ekapolon Yesu alodiyete Paulo, tolimok iŋes tema, “Toen etau! Idau iyoŋ akisuuda ŋakiro kaŋ a ne alo Yerusalem ka itemokino kitiya ikwaŋinapei alo Roma daŋ.”

Ŋitic. 27:22

Nai tokona akadyekit ayoŋ iyes, toena ŋitai; anerae emam ipei daŋ alokidiŋ kus ŋini etwaniari akiyar, nai ameeli bon etwakiaryo.

Ŋitic. 27:25

Aŋun, ŋikilyok, toena ŋitai! Anerae anupit ayoŋ ŋakiro ŋuna ka Akuj atemar ikokinete nenipei akalimokinitere ayoŋ.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

2 Ŋikor. 1:3

Epuro ayoŋ Akuj ŋina erae Papa ke Ekapolon yok Yesu Kristo, Papa ŋolo esyonon, Akuj ŋina ebunitor akiŋarakinet daadaŋ!

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

2 Ŋikor. 2:14

Olakaros neni ka Akuj! Anerae ikiŋarenikinit iŋes iwon jwi jwi anakiloun a ŋina a Yesu Kristo! Ikisitiyae iŋes iwon akielakin nakwap daadaŋ eure ŋolo akukunyon ŋolo ka ayenut keŋ.

2 Ŋikor. 4:7

Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok.

2 Ŋikor. 6:4

Akilo, aloticisyo a daadaŋ a ŋulu ikitiyae isua, ikitoodiunit isua atemar ikirae ŋiketiyak ŋulu ka Akuj, aŋuna ikidaŋidaŋia ka atitinyu: alotooma ŋican, ŋatyokisyo ka ŋiburasinei.

2 Ŋikor. 7:4

Ekekinyomit ayoŋ iyes nooi, eketuror ayoŋ iyes nooi; ileleba neni kaŋ atitinyu nooi ka alocan yok a daadaŋ, ilapara aneni kaŋ alelyan.

Ŋigal. 1:4

Abu Kristo tojal akiyar keŋ, ikotere isyoniyo ŋasecisya yok, ido itolacak iwon anakwap a na a ŋina ipukat ŋolo Aronon. Arae ŋin acamit ŋina ka Akuj Papa yok.

Ŋigal. 6:14

Nai aneni kaŋ, nyacamit jik akiturokin aŋuna a ŋacekiro, mati ŋuna ke emusalaba bon a ŋolo ke Ekapolon yok Yesu Kristo; anerae aŋuna ka atwanare keŋ alomusalaba, etwanit akwap alokiŋaren kaŋ ka atwanit ayoŋ alokiŋaren akwap.

Ŋipil. 4:7

Epedori ekisil ŋolo ka Akuj ŋolo iloit ayenut ŋina a ituŋanan akiyok ŋitai ka ŋatameta kus anakimorikina ka Yesu Kristo.

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

1 Ŋites. 3:4

Anerae, ani eriŋa isua ikirukit ka iyes, aponi isua itolimokin iyes eriŋa apaki atemar ikilosi iwon aryamun ŋican; erae kire ŋunapei ŋun apotu totakanut ikwaŋinapei iyeniata iyes.

1 Ŋites. 3:7

Aŋakiro a ŋun ŋikaitotoi, abu epite ŋolo inupitotor iyes ikisimukek isua anatyokisyo ka alocan kosi.

2 Ŋites. 3:16

Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

2 Tim. 3:12

Kire, ŋulu daadaŋ ecamito akiboi anakiyar a ŋina ecamit Akuj anakimorikina ka Yesu Kristo, eryamunete ŋakisicaneta.

Ŋibur. 11:25

Abu iŋes tocamu atemar oryamu ŋican kaapei ka ŋituŋa ka Akuj akilo aryamun alakara apaki ŋina euruwuana alotooma asecit.

Ŋibur. 7:2

Inak Aburaam iŋes atutubet apei anatomon aloboro a daadaŋ a ŋulu aŋatuni iŋes. (Apolou ŋina ke ekiro a Melekisedek iŋes atemar, “Erwosit ŋolo ka akiyookino;” nabo ikwapei araakar iŋes erwosit ŋolo a Salem, apolou ŋina ke ekiro keŋ ace iŋes atemar, “Erwosit ŋolo ke ekisil.” )

1 Pet. 5:9

Kitepega iŋes; togogoŋ ananupit kus, anerae iyenete iyes atemar, eryamunito ŋikaitotoi kus alotooma Kristo anakwapin a daadaŋ ŋican ŋulu ikwaan ka ŋulu kus.

1 Yoa. 2:13

Atapapa, ekegirakinit ayoŋ iyes, anerae iyenete iyes ŋolo eyai ameun anakisyakinet. Ŋisorok, ekegirakinit ayoŋ iyes, anerae igogoŋ iyes ka iboi akirot ŋina ka Akuj alotooma kus ka idaut iyes akiloun ŋolo Aronon.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.

1 Yoa. 5:4

anerae ŋini daadaŋ erae ikoku ka Akuj, eyakar apedor ŋina kilounet akwap. Naga iŋes erae apedor ŋina elounan akwap--anupit yok.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.

Ŋikat. 3:2

(Etiyae Ekapolon ŋun ikotere ŋanyameta a Ŋisirael ŋuna epote ekaku eyenunete ejie kitatama ŋulu sek nyeyenete ejie ajiore.)