Yoa. 16:27 - Ebaibul

²⁷ anerae ikimina iyes Papa elope. Ikimina iŋes iyes, anerae ikiminasi iyes ayoŋ ka inupito atemar abunit ayoŋ aneni a Papa.

Yoa. 16:27 Iomraidhean Croise

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Mat. 10:37

“Ituŋanan ŋini emina papa keŋ kori toto keŋ akilo ayoŋ, nyitemokino aruwor ekewuapan kaŋ; ŋini emina lokoku keŋ kori nakoku keŋ akilo ayoŋ, nyitemokino aruwor ekewuapan kaŋ;

Yoa. 14:21

“Ŋini ecamunit ŋakiciketa kaŋ, kiricakinite, iŋes akamina ayoŋ. Ŋini akamina ayoŋ, iŋes eminakini Papa kaŋ; aminakini ayoŋ daŋ iŋes ka esileereun neni keŋ.”

Yoa. 14:23

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Yoa. 16:30

Ikiyeni tokona isua atemar iyeni iyoŋ ŋakiro daadaŋ, iŋes nai nyiitanitor idiotuŋanan akiŋit iyoŋ akirot. Ikitunupa nu isua atemar, ibunit iyoŋ aneni ka Akuj.”

Yoa. 17:23

Ayai ayoŋ tooma kec, iyai iyoŋ tooma kaŋ, ikotere toruworos ikes ŋipei jik, ikotere nai toyenu akwap atemar ikiyakuunit iyoŋ ayoŋ ka atemar imina iyoŋ ikes, ikwaŋinapei ikiminar iyoŋ ayoŋ.

Yoa. 2:11

Arae ŋin akujuwuanut ŋina esyaunan ŋina etiyae Yesu alo Kana, anakwap a ŋina a Galileya. Alopite a ŋol kisileerek iŋes ikes apolou keŋ, tonupa ŋikasyomak keŋ iŋes.

Yoa. 3:13

Emam ituŋanan ipei daŋ adol nakuj, mati Lokoku a Ituŋanan bon ŋolo ebunit anakuj.”

Yoa. 7:29

nai ayeni ayoŋ iŋes, anerae abunit ayoŋ aneni keŋ, ekeyakuunit iŋes ayoŋ.”

Yoa. 8:42

Toboŋok Yesu ikes tema, “Kerae torae Akuj Papa kus, kikiminasi iyes ayoŋ, anerae abunit ayoŋ aneni ka Akuj. Pa abunit ayoŋ aŋuna kaŋ, nai iŋes ekeyakuuni ayoŋ.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

1 Ŋikor. 15:47

Adam ŋolo eŋarenon, ŋolo asubunio analup, erae ekaakwap. Adam ŋolo a ŋiarei ŋolo erae Kristo, erae ekanakuj.

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

2 Ŋikor. 5:14

Amina ŋina a Kristo iŋes ikipukat isua, anerae ikiyeni isua atemar abu ituŋanan ipei totwan aŋuna a daadaŋ, iŋes atemar emorete daadaŋ atwanare keŋ.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

Ŋibur. 12:6

Anerae ituŋanan ŋini emina Ekapolon, iŋes pei ebuni Ekapolon akisican. Ibuŋae ŋini daadaŋ ecamuni iŋes araakau ikoku keŋ.”

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

1 Yoa. 4:19

Eyai iwon amina, anerae aris sek Akuj kikiminak iwon.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.