Yoa. 16:2 - Ebaibul

² Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

Yoa. 16:2 Iomraidhean Croise

Isa. 65:5

a ŋituŋa a ŋulu ebasi, “Kiboi bon ai na, nyibu diyete kaŋ, anerae aseg ayoŋ nooi akilo iyoŋ.” Erae ŋituŋa ŋulu ikote ŋul ŋikoŋinae aneni kaŋ ikwaan ka apuru a ŋikumes, ikwaan ka akim ŋina enoki apaaran daadaŋ.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Dan. 11:33

Itatamete ŋulu aosok alotuŋa ŋituŋa ŋulu alalak toyenut ŋakiro, tari daŋ keponio akiar ikes a ekileŋ, kori akicuny ikes, kori akikamar ikes, kori aŋatar ikes.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Mat. 24:9

“Ikikamunete ikes iyes ikisican ka itaari; ikiremokinosi iyes ŋituŋa daadaŋ aŋuna ke ekiro kaŋ.

Luk. 6:22

“Irereŋ iyes ŋina ikiremokinotor iyes ŋituŋa, ikikotasi, ikisolokis ka kirworotor ŋikusirorwa aŋuna a Lokoku a Ituŋanan!

Yoa. 12:42

Tari kikote neni, apotu tari ŋikapolok ŋulu a Ŋiyudayan ŋulu alalak tonupa Yesu. Nai aŋuna akeritotor ikes Ŋiparisayon, nyelimut ikes ŋakiro ŋun epupete ŋituŋa, ikotere nyiritar ikes alosinagoga.

Yoa. 16:25

“Erwor ayoŋ ŋakiro ŋun daadaŋ a ŋakitadapeta. Ebuni apaki ŋina nyerworya ayoŋ a ŋakitadapeta, nai abuni akisileerekin iyes Papa.

Yoa. 16:32

Ebunit apaki, kire adolu apaki ŋina ikielarere iyes, ŋina elosyo ŋinituŋanan lore keŋ, okoesikin ayoŋ bon; nai nyedoŋi ayoŋ bon, anerae ikirukit Papa ka ayoŋ.

Yoa. 4:21

Tolimok nai Yesu iŋes tema, “Aberu, tonup ŋuna kaŋ, ebunit apaki ŋina nyilipyata iyes neni ka Akuj a Papa alomoru a lo kori alo Yerusalem.

Yoa. 4:23

Nai ebunit apaki ka iŋes napei na, ŋina ilipyata ŋikelipak ŋulu a kire neni a Papa alotooma Etau ka alorot a ŋolo a kire, anerae ikes ŋikelipak ŋulu iitanit Papa.

Yoa. 9:22

Alimunete ŋikauruunak keŋ ŋun aŋuna akeritotor ŋikarikok a Ŋiyudayan; anerae atukito sek Ŋiyudayan atemar, ŋini enupi ebe Yesu iŋes erae Kristo, ikisaryo alosinagoga.

Yoa. 9:34

Tolimokis ŋituŋa ŋul iŋes temasi, “Ikidounitoe iyoŋ irae ekasecan ka itusubuna iyoŋ eketataman isua a?” Kiritasi nai ikes iŋes alosinagoga.

Ŋitic. 5:33

Ani iirari Atukot ŋakiro ŋun, toŋo nooi, kiitan akiar ikes.

Ŋitic. 7:56

Tocelu Stepano tema, “Kiŋolikisi! Ete ayoŋ nakuj eŋaara ka Lokoku a Ituŋanan ewuoi alowae a ŋolo aloteten Akuj!”

1 Ŋikor. 4:13

ani ikiyanyo isua, ikiboŋokini ikes anarimao. Ikiruwor isua ŋatunyeny alotuŋa, tari tokona ikirae isua agasiya ŋina ka akwap!

Ŋipil. 3:6

ka ayai ayoŋ ekibure ŋolo ka akisican ŋikanupak a Kristo. Alotooma ŋuna ikamunito akiyookino anakiwuapit Ŋikisila a Ŋiyudayan, amam ayoŋ asecit.

Akis. 6:9

Ani eŋaari Imesek akipucet ŋina a ŋakan, abu eŋolik alokwap Namuroet ŋitai a ŋituŋa a ŋulu kearyo aŋuna ka alimonokin ŋakiro ŋuna ka Akuj ka aŋuna ka araakau ŋisuudae keŋ ŋulu ikinyoma.

Ŋikat. 6:30

Tolimokis nai ŋituŋa a etaun Yoas temasi, “Yau lokoku kon ne toarae, anerae kemunaa iŋes namuroet a Baal ka keritaki kwap epir ŋolo ke etal ŋolo sek eyai diyete namuroet.”