Yoa. 15:7 - Ebaibul

⁷ Ani kiboiyoto iyes alotooma kaŋ, nabo kiboiyoto ŋakiro kaŋ alotooma kus, kiŋita ibore daadaŋ ŋini icamito, ikiinakinio.

Yoa. 15:7 Iomraidhean Croise

1 Ŋirw. 3:5

Ani eriŋa iŋes eyai Gibeon, totakanu Ekapolon nakwaare neni keŋ anakiruja. Tema Akuj neni keŋ, “Kiŋitae ayoŋ ibore ŋini icamit iyoŋ okoinak ayoŋ iyoŋ.”

Yob 22:26

iryamuni nai iyoŋ alakara aneni ka Akuj a ŋina etiron, ido iyarikini iyoŋ neni ka Akuj.

Yob 23:12

Nyimyekina ayoŋ akiwuapit ŋuna ekecikit iŋes ayoŋ akiwuap, ericakinit ayoŋ alelakinit nooi ŋakiro ŋuna abu iŋes okolimok ayoŋ.

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 37:4

Kikinyoma Ekapolon, ido ikiinakini iŋes iyes ŋuna iitanito ŋitai kus.

Ŋakit. 10:24

Ebuni neni a ŋulu aronok ibore ŋini ekerito ikes, nai einakinio ŋulu iyookino ibore ŋini iitanito ikes.

Ŋakit. 4:4

abu papa kaŋ eketatam ayoŋ tema, “Kiric ŋakiro kaŋ alotau kon; kiwuap ŋakiciketa, ido iyari iyoŋ.

Isa. 58:8

Kitiyata iyes ŋun, ijokyata iyes ikwa akoloŋ elomuni taparacu ka ikitaŋaleunio iyes atipei, ido ikiŋarenikini iyes akiyookino kus, ikiyoki apolou a Ekapolon iyes alokaku.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Mat. 7:7

“Kiŋita, ikiinakinio; kiwara, iryamunete; kikoŋikoŋo, ikiŋaaryo;

Yoa. 14:13

Ŋinibore daadaŋ iŋisete iyes alokiro kaŋ, etiyakini ayoŋ, ikotere kitopolooroe Papa aneni a Lokoku.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 16:23

“Ani ŋina edolunio Akoloŋit ŋin, emam idiobore ipote iyes akiŋit ayoŋ. Nai akalimokini ayoŋ iyes kire atemar, ibore daadaŋ ŋini iŋitasi iyes alokiro kaŋ, ebuni Papa kaŋ ainakin iyes.

Yoa. 8:31

Tolimok Yesu Ŋiyudayan ŋulu anupito iŋes tema, “Ani kiricakis iyes ŋakiro kaŋ, iraakasi kire iyes ŋikasyomak kaŋ.

Yoa. 8:37

Ayeni ayoŋ atemar irae iyes ŋiletok ka Aburaam; nai iwarito bo iyes akiar ayoŋ, anerae nyelomarito ŋakiro kaŋ tooma kus.

Ŋigal. 4:2

Ani eriŋa iŋes edit, eyakasi ŋikilyok ŋulu iyokiyete iŋes, topolokinito ŋakiro keŋ daadaŋ akitodol apaki ŋina itemokinit papa keŋ.

Ŋigal. 5:16

Ŋakiro ŋuna erworo ayoŋ ikes nu: kimyekisi Etau ŋolo ka Akuj kipuka akiyar kus, nyikipuka nai iyes ekibure ŋolo ka aseconu a ituŋanan.

Ŋikis. 6:6

Kiricakisi alotai kus ŋakiro nu ŋuna akalimok ayoŋ iyes nakoloŋit na.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

1 Yoa. 2:14

Ŋidwe, ekegirakinit ayoŋ iyes, anerae iyenete iyes Papa. Atapapa, ekegirakinit ayoŋ iyes, anerae iyenete iyes ŋolo eyai ameun anakisyakinet. Ŋisorok, ekegirakinit ayoŋ iyes, anerae igogoŋ iyes ka iboi akirot ŋina ka Akuj alotooma kus ka idaut akiloun ŋolo Aronon.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.

1 Yoa. 3:22

Ikiryamuni iwon ŋinibore daadaŋ ikiŋisi iŋes, anerae ikiricakinit iwon Ŋakiciketa keŋ ka ikitiyae ŋuna italakarito iŋes.

1 Yoa. 5:14

Ikiyakar iwon atitinyu alokiŋaren Akuj, anerae ikikinyomit iwon atemar, ani kikiŋit iwon ibore daadaŋ ŋini ejok anacamit keŋ, ikiirari iŋes iwon.