Yoa. 15:24 - Ebaibul

²⁴ Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

Yoa. 15:24 Iomraidhean Croise

Ŋikiru. 81:15

Eryamunio atemar erae ŋulu eremokino Ekapolon ŋikalyokonok, erubakini akisicanio kec ŋikaru ka ŋikaru.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 21:32

Anerae abu Yoana Ekebatisan bu neni kus akitoodikin iyes erot ŋolo itemokino iyes kiwuapa, ipotu iyes nyinupa ŋakiro keŋ. Nai apotu ŋikerirak ocur ka ŋamalaae tonupa ŋakiro keŋ. Tari kidaut iyes aanyuwar ŋakiro ŋun, ipotu nyikiwa alotai kus tonupa iŋes.

Mat. 9:33

Ŋinapei eritarere ŋipyan, togeu ekile erwor; toumokis ŋituŋa daadaŋ temasi, “Nyeanyuna ŋinapei koloŋ ŋakiro ŋuna ikote nu alo Isirael!”

Mar. 2:12

Tonyou nai iŋes atipei, tolema adaket keŋ iteete ŋituŋa daadaŋ. Toumokis ŋituŋa ŋakiro ŋun nooi kipuro Akuj ebasi, “Okoe, nyeanyuna ŋinapei koloŋ ŋakiro nu!”

Luk. 24:19

Tema Yesu iŋisi ikes, “Anukiro?” Toboŋokis ikes temasi, “Ŋakiro ŋuna etiyakin neni a Yesu a ŋolo a Nasaret. Arae iŋes kire ekadwaran ŋolo ka Akuj, ŋolo etiyae ŋakujuwuanisya, nabo etatami ŋakiro ŋuna apolok alokiŋaren Akuj ka alokiŋaren ŋituŋa.

Yoa. 10:32

Tolimok Yesu ikes tema, “Eketoodik ayoŋ iyes ŋiticisyo ŋulu alalak ŋulu ajokak, ŋulu eponito aneni a Papa. Ali aloticisyo a ŋul icamitotor iyes akimasya ayoŋ a ŋamoru?”

Yoa. 10:37

Ani pa ketiyae ayoŋ ŋiticisyo ŋulu a Papa kaŋ, nyikinupa ayoŋ.

Yoa. 12:10

Aŋun, totukut ŋisacaradotin ŋulu apolok akiar Lasaro daŋ,

Yoa. 12:45

Ŋini ekeŋolik ayoŋ, eŋolik iŋes tari ŋolo ekeyakuunit ayoŋ.

Yoa. 14:9

Tolimok Yesu iŋes tema, “Pilipo, ikirukit iyoŋ ka ayoŋ ŋinapei, nai eriŋa iyoŋ nyeyenuna ayoŋ a? Ŋini adau aanyun ayoŋ, aanyu Papa kaŋ daŋ, kaanukiro nai ibaakar iyoŋ, ‘Kitoodikinae isua Papa?’

Yoa. 15:21

Nai itiyakinete ikes ŋun daadaŋ neni kus aŋuna kaŋ, anerae nyeyenete ikes ŋolo ekeyakuunit ayoŋ.

Yoa. 15:22

Kerae nyabunit ayoŋ, esirwor ikes, kemam ikes asecit; nai tokona emam epite ŋolo etemaryata ikes, ‘Nyikisecit.’

Yoa. 15:23

Ŋini eketidiŋit ayoŋ, itidiŋit Papa kaŋ daŋ.

Yoa. 16:9

Itunupi ŋuna ka asecit, anerae nyakanupito ikes ayoŋ.

Yoa. 3:2

Abu iŋes tolot nakwaare neni a Yesu tolimok tema, “Eketataman, ikiyeni isua atemar irae iyoŋ eketataman ŋolo ibunit aneni ka Akuj, anerae emam idiotuŋanan epedori akitiya ŋakujuwuanisya ŋuna itiyae iyoŋ, mati erukito Akuj ka iŋes.”

Yoa. 5:36

Nai ayakar ayoŋ akiteyenunet ŋina iloit tari ŋina a Yoana; anerae ŋiticisyo ŋulu akainaki ayoŋ Papa kaŋ akirikakin, ikes ikiteyenunito atemar Papa iŋes ekeyakuunit ayoŋ.

Yoa. 6:36

Aris ayoŋ kakalimok iyes atemar tari daŋ kikianyunito ayoŋ, nyenupa iyes ayoŋ.

Yoa. 7:31

Nai tonupa ŋulu alalak anatukot iŋes temasi, “Ŋina moi ebunio Kristo, kire ebuni iŋes akitiya ŋakujuwuanisya ŋuna alalak akilo ekile lo a?”

Yoa. 9:32

Ŋinapei koloŋ kisyakinia akwap, emam ituŋanan eirar, ebala etekienyu idiotuŋanan ice ŋini idounitoe emudukana.

Yoa. 9:41

Tolimok Yesu ikes tema, “Kerae tomudukaka iyes, kemam iyes asecit; nai aŋuna irworotor atemar ‘Ikite,’ irubakinito iyes irae ŋikasecak.”

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 2:22

Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Ŋirom. 1:30

Itoroniarito ŋuluce alorworisya kec make, eŋerito Akuj, itoŋoyeneneete ŋuluce, isupaka, ituroko, etamete ŋarwa ŋuna alalak akitiya aronis, nyekerito ikes ŋikecekauruunak.

Ŋikis. 5:9

Nyiryediko kilipa neni kec, anerae ayoŋ Ekapolon Akuj kus arae Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

2 Tim. 3:4

eruworosi ŋikalukinok, ŋulu enyamete ŋakiro emwaka, ŋulu ileleba akituro, ŋulu eminasi ekibure ŋolo ka akuwan bon, akilo amina Akuj;

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.