Yoa. 15:20 - Ebaibul

²⁰ Totamunito ŋuna adau ayoŋ alimokin iyes atemar, ‘Emam eketiyan ŋolo epol akilo ekeekapolon.’ Ani kekesicanito ikes ayoŋ, epote ikes akisican iyes daŋ; ani kiricakinito ikes ŋakiro kaŋ, iricakinete ŋuna kus daŋ.

Yoa. 15:20 Iomraidhean Croise

Esek. 3:7

Nai emam Ŋisirael ŋini ecamuni apupokin ŋakiro ŋuna irwori iyoŋ, anerae nyecamito daadaŋ akiirar ŋuna erworo ayoŋ aŋuna etogogoŋioto ŋakyes kec ka aruworotor ŋasyanisya alotai kec.

Mat. 10:24

“Nyepol ekasyoman alokiŋaren ekeeketataman, eketiyan daŋ nyepol alokiŋaren ekeekapolon.

Mar. 10:39

Toboŋokis ikes temasi, “Ikipedori.” Tolimok Yesu ikes tema, “Ekopo ŋolo a ŋican lo ŋolo amasi ayoŋ, imasete iyes daŋ; ebatisimu ŋolo ekebatisatere ayoŋ, ikibatisaere iyes daŋ.

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Luk. 6:40

Emam ekasyoman ŋolo iloit eketataman keŋ, nai ŋinituŋanan itatamitae ejok nooi, iriyanikin ka eketataman keŋ.

Yoa. 10:31

Kideput nabo Ŋiyudayan ŋamoru akimasya Yesu.

Yoa. 11:57

Aris nai ŋisacaradotin ŋulu apolok ka Ŋiparisayon kicika ŋituŋa atemar, ani ŋini eyeni neni eyai Yesu, itemokino kitaanyu ikes, ikotere kikamunae iŋes.

Yoa. 13:16

Akalimokini ayoŋ iyes kire atemar, emam epito ŋolo epol akilo ekeekapolon, nabo daŋ emam ekiyakitono ŋolo epol akilo ŋolo iyakit iŋes.

Yoa. 5:16

Apotu ŋikarikok kitidiŋa Yesu, anerae abu kitiya ŋun akoloŋit ŋina a Sabato.

Yoa. 7:32

Kiirasi Ŋiparisayon ŋituŋa iŋaiŋaatar Yesu, kiyakiyasi nai ikes ka ŋisacaradotin ŋulu apolok ŋiketeok Akai ka Akuj akikamun iŋes.

Yoa. 8:51

Akalimokini ayoŋ iyes kire atemar, ŋini iricakini ŋakiro kaŋ, nyetwani jik.”

Yoa. 8:52

Tolimokis Ŋiyudayan Yesu temasi, “Kire ikidau isua tokona aanyun atemar eyai ekipye neni kon. Abu Aburaam totwan, totwaka tari ŋikadwarak daŋ; nai ibala iyoŋ ebe ‘Ŋini iricakini ŋakiro kaŋ, nyetwani jik.’

Yoa. 8:59

Kideput Ŋiyudayan ŋamoru ecamito acakya iŋes, nai abu Yesu toŋop, tosi alo Kai ka Akuj.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

1 Ŋikor. 4:12

Ikilelenyit isua aŋuna ka akitiya etic ŋolo ikiyarya isua ŋilopeyek. Ani ikicenio isua, ikiterereŋi ŋulu ikicenete isua; ani ikisicanio isua, ikititinyikini;

2 Ŋikor. 4:9

Ikisicanitae isua, nai nyeesikina Akuj isua; ikiwanawanae isua, nai nyetwaka isua.

1 Ŋites. 2:15

Ikes apotu toara Ekapolon Yesu ka ŋikadwarak daŋ; nabo apotu ikisican isua. Nyitalakarito ikes Akuj, itidiŋito ikes ŋituŋa daadaŋ nooi.

2 Tim. 3:12

Kire, ŋulu daadaŋ ecamito akiboi anakiyar a ŋina ecamit Akuj anakimorikina ka Yesu Kristo, eryamunete ŋakisicaneta.

1 Sam. 8:7

Tema nai Ekapolon neni a Samuel, “Tocamu ŋakiro daadaŋ ŋuna irworosi ŋituŋa neni kon; anerae nyikiŋerito iyoŋ ŋituŋa aruwor Ekapolokiniton kec, nai ayoŋ akaŋero ŋituŋa araakau erwosit ŋolo epukat ikes.