Yoa. 15:2 - Ebaibul

² Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 15:2 Iomraidhean Croise

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Ŋikiru. 92:14

Ŋikito ŋulu erubakinete erayete tari kemojoŋ ka ŋikito ŋulu erubakinete elibak ka egogoŋ,

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Mal. 3:3

Ebuni iŋes atubokin, totyak ŋiletok ikwaŋina eliyere ŋasuwa kori esilipa ipoo, itojoki iŋes ŋisacaradotin, ido toliwae ikes ikwa egolid ka esilipa, akitodol ŋina eryamunia Ekapolon ŋituŋa ŋulu iyookino ŋulu epedorete ayaun ŋainakineta ŋuna ajokak neni keŋ.

Mat. 13:12

Anerae ituŋanan ŋini eyakar ibore, iyatakinio tolalaar, nai ŋini emam ibore eyai, elemaryo tari ŋinidio cici ŋini sek ayakar iŋes.

Mat. 13:33

Tolimok Yesu ikes akitadapet ace tema, “Ikoni Apukan ŋina anakuj ŋakinyalet ŋuna abu aberu tolemu, kinyalak ka ŋakirya ŋuna adolito ŋidepei ŋiarei, tomurak akitodol ŋina abuunioto daadaŋ.”

Mat. 15:13

Toboŋok Yesu ikes tema, “Ekitoe daadaŋ ŋolo nyerae papa kaŋ ŋolo anakuj edupakinit, erutoryo.

Mat. 21:19

Ani iŋolikini iŋes ebobore anawae, tolot neni keŋ, nai nyeryamu idiobore, mati ŋakwii bon. Tolimok iŋes ekitoe tema, “Nyiraii nabo iyoŋ jik.” Toono ebobore atipei.

Mat. 25:29

Anerae ituŋanan ŋini eyakar ibore, iyatakinio tolalaar akilo ŋini sek eyakar, ituŋanan ŋini emam ibore eyakar, elemaryo tari ŋini edit ŋini sek eyakar.

Mat. 3:10

Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio tocakakinae nakim.

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”

Mat. 7:19

Ŋolokitoe nyeraii ŋaraito ŋuna ajokak eyeparyo tocakakinae nakim.

Mar. 4:20

Nai ŋulu adoete nalup ŋuna ajokak, ikes ŋituŋa ŋulu ani kiirasi ŋakiro tocamut, toraa; ice ŋatomoniuni, ice ŋatomonikanikapei ka ice amiat.”

Luk. 8:13

Ŋikinyom ŋulu adoete loŋaro erae ŋituŋa ŋulu iirarete akirot kijaut ka alelyan, nai emamukatar ikes ŋataagor, enupete ca iwadio, nai ani edoli ŋirwa ŋulu itemere, tosodo topalikis.

Yoa. 15:1

“Arae Ayoŋ ekitoe ŋolo ke epiini ŋolo a kire, Papa kaŋ iŋes erae eketan.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 15:3

Adaun iyes akitesegun a ŋakiro a ŋuna adau ayoŋ akitatam iyes.

Yoa. 15:6

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

Yoa. 15:8

Itopolooritae Papa kaŋ ŋina irayata iyes ŋaraito ŋuna alalak; epite ŋol itopolooritere Papa kaŋ, ido itoodiunete iyes atemar, irae ŋikasyomak kaŋ.

Yoa. 17:12

Ani eriŋa ayoŋ ikirukit ka ikes, abu eyok ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ. Eyok ayoŋ ikes, emam ŋini aoliyo, mati ipei ŋini etemokino tooliyo--ikotere kiyookinotor Ŋakigireta.

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 11:22

Anakiro a ŋun ikiyenuni epite ŋolo erimaania Akuj ka epite ŋolo ededeŋia. Ededeŋ iŋes aneni a ŋulu adaut atwakiar, nai erimaana aneni kus--erae kirubakis iyes iyakasi narimaanut keŋ. Nai ani pa kirubakis, ikibilaryo iyes daŋ.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

1 Ŋikor. 13:1

Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!