Yoa. 15:16 - Ebaibul

¹⁶ Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 15:16 Iomraidhean Croise

Akisy. 18:18

ikwapei eraakar Aburaam ayeni ayoŋ atemar eruwor papa a ŋituŋa a ŋulu alalak ka ŋulu etirok, ido neni keŋ iterereŋere ŋituŋa a ŋakwapin a daadaŋ a?

Ŋikiru. 145:4

Elimori anyamet apei nanyamet ŋinace ŋuna idau iyoŋ akitiya; elimori iŋes ŋiticisyo kon ŋulu ka aumokin.

Ŋikiru. 71:18

Tari kamojoŋ ayoŋ kepena ŋakorwo, okoe Akuj, nyikiŋer ayoŋ, akitodol ŋina eseraa ayoŋ agogoŋu kon nanyamet ŋina ebunit ka apedori kon nanyamet ŋina etupakini ŋin.

Ŋakit. 11:30

Eauni akiyookino akiyar, nai elemari aryenyeo akiyar.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Mat. 21:22

Ŋuna daadaŋ iŋitasi iyes anakilip iryamunete, erae kiyakatar iyes anupit.”

Mat. 7:7

“Kiŋita, ikiinakinio; kiwara, iryamunete; kikoŋikoŋo, ikiŋaaryo;

Luk. 6:13

Ani iwalari, tonyarau Yesu ŋikeekasyomak, toseu ŋitomon ka ŋiarei, tonyara ikes Ŋikiyakia:

Yoa. 13:18

Nyerworo ayoŋ aŋuna kus a daadaŋ, ayeni ŋulu adau ayoŋ aseun; nai ikotere kiyookinotor ŋuna igiritae Nakigireta ebe, ‘Abu ituŋanan ŋini ikimori ka ayoŋ okoluki ayoŋ.’

Yoa. 15:19

Kerae toraakas iyes ŋituŋa ŋulu ka akwap a na, kikiminak iyes akwap na, anarakau ŋulu keŋ. Nai akaseu ayoŋ iyes anakwap a na, ka nyirae iyes ŋulu keŋ. Iŋes nai ikitidiŋitor iyes akwap na.

Yoa. 15:5

“Arae Ayoŋ ekitoe ŋolo ke epiini, irae iyes ŋaten. Ŋini iboi alotooma kaŋ ka ayoŋ alotooma keŋ, iŋes erauni ŋaraito ŋuna alalak; anerae emam idiobore ŋini itiyakinete iyes amam ayoŋ.

Yoa. 6:70

Toboŋok Yesu ikes tema, “Nyeseuna ayoŋ iyes ŋulutomon ka ŋiarei a? Nai, eyai kidiŋ kus ŋolo erae ŋolo a Satan!”

Ŋitic. 1:24

Tosodo kilipa temasi, “Ekapolon, iyeni iyoŋ etau a ŋinituŋanan, kitoodikinae tokona isua alokilyok a ŋuluarei a lu ŋolo iseu iyoŋ.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 10:41

Nyitatakanuna iŋes lotuŋa daadaŋ, nai neni kosi make a ŋulu aris Akuj kikiseu aruwor ŋisuudae. Isua ikipotu emuja ka omata daŋ ka iŋes, kedau ayarun alokatwak.

Ŋitic. 22:14

Tema nai iŋes, ‘Ikiseu iyoŋ Akuj ŋina atapapaa yok ayenun acamit keŋ, aanyun Eketiyan keŋ ŋolo iyookino ka akiirar iŋes irworo a etoil keŋ ke elope.

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋirom. 1:13

Acamit ayoŋ iyes ŋikaitotoi toyenut atemar eitanit ayoŋ ŋapakio ŋuna alalak abunore aanyun iyes, (nai akitodol tokona ekeretakinitae). Acamit kaŋ iŋes akitunup ŋituŋa alokidiŋ kus daŋ Ŋakiro a Yesu Kristo, ikwaŋina etunupya ŋuluce ŋulu nyerae Ŋiyudayan.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

Ŋirom. 9:21

Nyeyakar mono ekayan ŋamoti apedor ŋinakitiyaunet alolupe a epei ŋamoti ŋuna a ŋiticisyo a ŋulu apolok ka ŋace ŋuna a ŋiticisyo a ŋulucaryo a?

1 Ŋikor. 10:11

Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.

Ŋigal. 1:15

Nai abu Akuj tolakar okoseu ayoŋ eriŋa tari nyidouno, okonyar ayoŋ anajokis keŋ akitiyanakin iŋes. Abu iŋes eketoodik ayoŋ Lokoku keŋ, ikotere olimonok Ŋakiro ŋuna Ajokak ŋuna ikamunito iŋes lotuŋa ŋulu nyerae Ŋiyudayan. Apaki ŋina atakanuniata ŋun, abu ayoŋ nyecanican apaki alosit neni a idiotuŋanan aryamun ŋakiro ŋuna eŋarakinak;

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 1:6

Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

1 Tim. 2:7

Iŋes nai ekeyakuunere ayoŋ ikwapei ekeseran ka ekiyakia, akitatam ŋituŋa ŋulu nyerae Ŋiyudayan ŋakiro ŋuna ka anupit ka ŋuna a kire. Nyesudi ayoŋ ŋakiro; erworo ayoŋ ŋuna a kire!

2 Tim. 1:11

Iŋes nai ekeyakuunere ayoŋ ikwapei ekeseran ka ekiyakia akitatam Ŋakiro ŋuna Ajokak ŋun;

2 Tim. 2:2

Ŋakiro ŋuna ibu iyoŋ kiira eserae ayoŋ alokiŋaren ŋisuudae ŋulu alalak, kicikak ŋakiro ŋun lokilyok ŋulu ikinyoma ŋulu epedorete akitatam ejok ŋuluce daŋ.

Tito 1:5

Abu ayoŋ ekemyek iyoŋ alo Kirete, ikotere isubakini ŋakiro daadaŋ ŋuna etemokino tosubakinae aina ka aseun ŋikatukok ŋulu epolokinito ŋatukon a Ŋikristo alotooma ŋolotaun, ikwaŋina eketatamikinitor ayoŋ iyoŋ.

Ŋibur. 11:4

Anupit iŋes etelemuni Abel amuronot ŋina ajokan akilo ŋina a Kain. Anupit iŋes abunio Akuj tocamunia iŋes erae ŋolo iyookino, anerae Akuj alope abu kiteyenu ŋun anacamun ŋainakineta ŋuna ka Abel. Aŋuna ka anupit keŋ, eriŋa ŋakiro ŋuna abu iŋes kitiya irworosi neni yok, tari ketwanit iŋes.

Yak. 3:18

Ŋina itiyaata ŋulu esisilak aŋuna ke ekisil, eekinete ikes ŋikinyom ŋulu erayete akiyookino.

1 Pet. 3:15

Nai kipuro Kristo alotai kus ka kitopoloosi iŋes erae Ekapolon. Totenito ŋisaae daadaŋ aboŋokin ŋinituŋanan ikiŋisi iyes alimor akigeno ŋina eyai tooma kus;

1 Pet. 3:2

anerae iŋolikinete ikes ŋipitesyo kus ŋulu ajokak ka ŋulu ka akerit ikes.

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

1 Yoa. 4:19

Eyai iwon amina, anerae aris sek Akuj kikiminak iwon.