Yoa. 15:12 - Ebaibul

¹² Akaakiciket iŋes na: tominin make, ikwaŋina akaminar ayoŋ iyes.

Yoa. 15:12 Iomraidhean Croise

Mal. 1:2

Ebala Ekapolon neni a Ŋisirael, “Adau ayoŋ amina iyes jwi jwi. Nai iŋitasi iyes ibasi: ‘Alipite ikiminakinia iyoŋ isua?’ ” Iŋita Ekapolon ebe, “Pa mono arae Esau lokato a Yakob a? Abu robo ayoŋ ominak Yakob,

Yoa. 13:34

Akainakini tokona akiciket ŋina kitete: tominin make; ikwaŋina akaminar ayoŋ iyes, iyes daŋ tominin make.

Yoa. 15:17

Ekecikakini ayoŋ iyes nu: tominin make.

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

1 Ŋites. 3:12

Nai aŋuna kus, ikilipit isua Ekapolon atemar kiyatak amina kus ŋina imininia iyes make ka ŋina iminatar iyes ŋituŋa daadaŋ, tolalaar iŋes kikok ŋina ikiyakar isua aŋuna kus.

1 Ŋites. 4:9

Nyitemokino ayoŋ ekegirak iyes ŋakiro ŋuna ikamunito amina alokidiŋ kus ŋikanupak, anerae adau Akuj akitatam iyes ŋilopeyek epite ŋolo ipedoryata aminanar make.

2 Ŋites. 1:3

Ŋikaitotoi, itemokino isua olakaros neni ka Akuj ŋapakio daadaŋ aŋuna kus. Iyookino ŋun, anerae iyata anupit kus nooi ka daŋ epoloe amina ŋina iyakatar iyes alokidiŋ kus make.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.

1 Yoa. 3:23

Akiciket ŋina ka Akuj iŋes na ebe, itemokino iwon onupa alokiro a Lokoku keŋ, Yesu Kristo ka ominin make, ikwapei ikicikakinitor iŋes iwon.

1 Yoa. 4:21

Erae na akiciket ŋina ikiira iwon aneni keŋ: ŋini emina Akuj, itemokino tomina lokaato keŋ daŋ.

2 Yoa. 1:5

Ekemaimai tokona ayoŋ iyoŋ toto: ominin make. Meere akiciket na ŋina ekegirakinit ayoŋ iyes ŋina kitete aneni kus; erae akiciket ŋina ikipotu iwon eirasi ŋinapei anakisyakinet.