Yoa. 15:11 - Ebaibul

¹¹ “Adau ayoŋ alimun ŋakiro ŋun, ikotere alelyan kaŋ eyakaun neni kus jik ka ikotere alelyan kus ilelebikin.

Yoa. 15:11 Iomraidhean Croise

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Isa. 62:4

Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Luk. 15:23

Toramutu itaok ŋini atuman toarakis, onyama olakaros!

Luk. 15:32

Nai itemokino iwon olakaros; anerae lokaato kon lo, atwanit, nai tokona ayaru; aolit, nai tokona atakanu!’ ”

Luk. 15:5

Ani eryamuni, elelyani iŋes nooi, toryoŋak amesek ŋin loseket keŋ.

Luk. 15:9

Ani eryamuni, enyarauni ŋakeekonei ka ŋikidunyet iwapei tema, ‘Olelyana kaapei ka ayoŋ, anerae aryamu ayoŋ esilipa kaŋ ŋolo acakara!’

Yoa. 16:24

Akitodol tokona nyiŋita iyes idiobore alokiro kaŋ; kiŋita iryamunete, ikotere alelyan kus ilelebikin.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 17:13

Nai tokona abunit ayoŋ neni kon, adau ayoŋ akirwor ŋakiro ŋun anakwap, ikotere eryamunete ikes alelyan kaŋ ilelebikina alotai kec.

Yoa. 3:29

Ŋini eyakar ateran, iŋes erae ekeitan; nai ekone ŋolo ke ekeitan ŋolo eyai nen, elelyani nooi aŋuna epupyo etoil ŋolo ke ekeitan. Erae alakara na ŋina kaŋ ka elelebun lotau kaŋ.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

2 Ŋikor. 1:24

Nyikicamit isua akitiŋakin iyes ŋuna itemokino tonupa; ikiyeni isua atemar icasito iyes ananupit kus. Akilo ŋun, ikitiyae isua kaapei ka iyes aŋuna ka alakara kus.

Ŋiep. 5:18

Nyimerakinosi a ŋagwe a ŋuna epedorete amunaar iyes, nai tocamakisi Etau ŋolo ka Akuj kilelebikin neni kus.

Ŋipil. 1:25

Aŋuna anupitor ayoŋ ŋun, ayeni atemar arubakini ayari ekeŋarak iyes daadaŋ, ikotere kiyatakinor anupit kus ka alelyan ŋina ebunit ananupit.

1 Ŋites. 5:16

Tolelyanete jwi jwi;

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

1 Yoa. 1:4

Ikigirakinit isua nu neni kus, ikotere itemokin alelyan yok.

2 Yoa. 1:12

Tari keyakasi ŋuna alalak ŋuna acamit ayoŋ akigir neni kus, nyitemokino egir, nai egeno ayoŋ abunore neni kus erworo ka iyes kaapei, ikotere ilelebikin alelyan yok.