Yoa. 15:1 - Ebaibul

¹ “Arae Ayoŋ ekitoe ŋolo ke epiini ŋolo a kire, Papa kaŋ iŋes erae eketan.

Yoa. 15:1 Iomraidhean Croise

Eete a Ŋie. 7:12

Ani eyakae iwon nen, ekyenyunio iwon eriŋa ataparacu, oloto eŋolikisi ŋimanikorin a epiini eŋolikisi kiminiaunito ŋatur alokito a epiini, kori keturounito ŋatur a ŋikito a epiini ka keturounito ŋikito ŋulu enyaritae Pomegranate. Nen, nai eketoodikinia ayoŋ iyoŋ atemar akamina ayoŋ iyoŋ.

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Yer. 12:10

Amunaasi ŋikeyokok ŋulu alalak emanikor kaŋ ŋolo a ŋikito a epiini, epudakis ikes emanikor kaŋ kwap, eturuwosi ikes akwap kaŋ ŋina amina ayoŋ aloŋisat ka ereŋorot.

Yer. 2:21

Torae bo abu ayoŋ okodupak iyes esibit epiini ŋolo ajokan nooi, ŋolo elemunitae anateni a ŋina ajokan nooi. Anukiro bo imunaarotor iyes, ikwaanikinotor ka ekitoe a epiini ŋolo ka ariet?

Esek. 19:10

Aponi tolimokinae iŋes atemar ekoni koloŋ toto kon ekitoe a epiini ŋolo eyai lomanikor a epiini, ŋolo edupakinitae diyete ŋakipi, ŋolo erai ejok nooi ka alalak ŋaten aŋuna ayakar diyete ŋakipi ŋuna alalak.

Osea 10:1

Ikwaan ŋituŋa a Isirael ka ekitoe a epiini ŋolo elyaarito ŋaten neni alwanan, ŋolo eraunene ŋaraito ŋuna alalak nooi, ani elalakunete ŋiletok kec, tolalata ŋamuroeta ŋuna edukete ikes. Ani elalauni abaru anakwap kec, kitalalata ikes ŋipirin ŋulu erae ŋakujo kec.

Sakar 3:8

Topupok tokona, iyoŋ Yosua ŋolo irae esacaradoti ŋolo Apolon nooi, iyoŋ kaapei ka ŋirukitos kon ŋulu iboiyete alokiŋaren kon, ŋulu erae akitoodiunet a ŋakiro a ŋuna ajokak a ŋuna eponito. Alosi ayoŋ ayaun eketiyan kaŋ ŋolo enyaritae Ateni.

Mat. 15:13

Toboŋok Yesu ikes tema, “Ekitoe daadaŋ ŋolo nyerae papa kaŋ ŋolo anakuj edupakinit, erutoryo.

Mat. 20:1

“Ikoni Apukan ŋina anakuj ekapolon ŋolo abu kisyokak taparacu anyaraun ŋituŋa ŋulutacan akitiya lomanikor keŋ ŋolo ke epiini.

Mat. 21:33

“Kiirasi akitadapet ace. Ayai ekapolon ŋolo abu kita emanikor ŋolo a ŋikito a ŋulu ecuyo epiini, towuak awuas kiryam, tobokak akipany ŋina cuet epiini ka todukok epemu; ido kicikak neni a ŋiketeok emanikor, tolot nai iŋes nakwap ace.

Mar. 12:1

Togeu Yesu akirworo neni a ŋituŋa a ŋakitadapeta ebala, “Abu ituŋanan todupak ŋikito ŋulu ke epiini, towuak awuas kiryam. Tobok akipany ŋina cuet epiini, todukok epemu, kicikak ŋiketeok emanikor, tolot iŋes acekwap.

Luk. 13:6

Tolimok nai Yesu ikes akitadapet tema, “Kedupit ekile ebobore lomanikor keŋ. Abu iŋes toroiya ŋaboboryo keraunito alobobore a ŋol, nai nyeryamu tari apei.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Yoa. 1:9

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 6:32

Tolimok Yesu ikes tema, “Akalimokini ayoŋ iyes kire atemar, pa arae Moses ikiini iyes akimuj ŋina anakuj, nai Papa kaŋ ikiinakini iyes akimuj ŋina a kire ŋina anakuj.

Yoa. 6:55

Anerae erae akaakuwan akimuj kire ka ŋaokot kaŋ ŋamatan kire.

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

1 Ŋikor. 3:9

Anerae ikitiyae isua kaapei ka Akuj. Irae iyes emanikor ŋolo ka Akuj. Iraakasi daŋ Akai ka Akuj.

1 Yoa. 2:8

Nai ekegirakinit ayoŋ iyes akiciket ŋina kitete, ŋina erae kire aneni a Kristo ka aneni kus; anerae elosi akiryonut alunyar ka adau akica ŋina a kire acaun.