Yoa. 14:6 - Ebaibul

⁶ Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 14:6 Iomraidhean Croise

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Yoa. 1:4

Ayai akiyar daadaŋ neni keŋ, arae akiyar ŋin akica aŋuna a ŋituŋa.

Yoa. 10:28

Ainakini ayoŋ ikes akiyar ŋina nyedaun, nyebukorosi ikes jik, emam daŋ ŋini ekopori ikes anakan kaŋ.

Yoa. 10:7

Aŋun, tolimok Yesu ikes nabo tema, “Akalimokini ayoŋ iyes kire atemar, Arae Ayoŋ epuke ŋolo a ŋamesekin.

Yoa. 10:9

Arae Ayoŋ epuke; ituŋanan ŋini elomuni kitoru neni kaŋ, eiun iŋes; elomuni iŋes tooma ka elomari kiŋa, toryamu akimuj.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Yoa. 15:1

“Arae Ayoŋ ekitoe ŋolo ke epiini ŋolo a kire, Papa kaŋ iŋes erae eketan.

Yoa. 18:37

Kiŋit Pilato iŋes tema, “Iŋes atemar irae iyoŋ erwosit a?” Toboŋok Yesu iŋes tema, “Iyoŋ ilimu atemar arae ayoŋ erwosit. Aponi ekedoun ayoŋ ka abunit ayoŋ nakwap na aŋuna a ipeibore: akiteyenun ŋuna a kire. Ituŋanan daadaŋ ŋini eyai tooma ŋuna a kire, epupi ŋakiro kaŋ.”

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 6:33

Anerae akimuj ŋina ka Akuj iŋes ŋina ebunit anakuj ainakin akwap akiyar.”

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Yoa. 6:57

Ikwaŋinapei ekeyakuunia ayoŋ Papa ŋolo eyari, nabo ayoŋ daŋ oyari aŋuna a Papa, ikwaŋinapei, ŋini ekemuji ayoŋ, eyari aŋuna kaŋ.

Yoa. 6:68

Toboŋok Simoni Petero iŋes tema, “Ekapolon, neni a ŋae ikilosi? Iyakar iyoŋ ŋakiro ŋuna ka akiyar a ŋina nyedaun.

Yoa. 8:32

Iyenunete ŋuna a kire ka ikilacakinete iyes ŋuna a kire.”

Yoa. 8:51

Akalimokini ayoŋ iyes kire atemar, ŋini iricakini ŋakiro kaŋ, nyetwani jik.”

Ŋitic. 3:15

Ido toara ekainakinan akiyar ŋolo abu Akuj kiteyaru alokatwak. Ikirae isua ŋisuudae ŋulu a ŋakiro a ŋun.

Ŋitic. 4:12

Emam aiuno aneni a ice a daadaŋ, anerae emam ekiro ece anakwap a daadaŋ ŋolo einit Akuj ŋituŋa, ŋolo epedoryata ŋituŋa aiunor.”

Ŋitic. 9:2

akiŋit ŋabaruwae ŋuna itoodiunito atemar ecamakinitae iŋes alosit losinagogae ŋulu alo Damasko, ikotere ani keryamu ituŋanan idio ŋini enupit Kristo, ekile kori aberu, kikama ikes, toen ya Yerusalem. (Anyaritae daŋ ŋikewuapak a Kristo, “Ŋulu ke Erot.”)

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋirom. 5:2

Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋikol. 2:17

Ŋiboro ŋul daadaŋ erae ca etorube a ŋiboro a ŋulu eponito; nai elope ŋolo ke etorube a ŋol iŋes Kristo.

Ŋikol. 2:9

Anerae eyai akujuwuanut daadaŋ ŋina ka Akuj Papa neni a Kristo alokuwane keŋ

Ŋikol. 3:4

Apaki ŋina etakanunia Kristo ŋolo erae akiyar kus, itakanunete iyes daŋ kaapei ka iŋes anapolou keŋ!

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Ŋibur. 9:8

Ikitatami iwon Etau ŋolo Asegan anakiro a ŋun daadaŋ atemar eriŋa nyeŋaara erot ŋolo elomarere nagule ŋina a ŋaarei, ŋina erae Akibois ŋina Asegan nooi, erae keriŋa agule ŋina esyaunan eyai.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Pet. 2:4

Potu neni ke Ekapolon, a ŋolo erae amoru ŋina eyari, ŋina aŋerete ŋituŋa ebasi erono, nai aseunit Akuj iŋes erae ŋina epol egyelit.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Yoa. 1:8

Ani kikitema iwon ebe nyikisecenene, ikimodyanakin iwon make, ido emam ŋuna a kire alotooma yok.

1 Yoa. 2:23

Anerae ŋini eŋerit Lokoku, eŋerit iŋes tari Papa; ŋini ecamuni Lokoku, ecamuni iŋes tari Papa.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.

2 Yoa. 1:9

Ituŋanan daadaŋ ŋini eoliyori ka nyiwuap akitatam a Kristo, emam Akuj aneni keŋ; ituŋanan ŋini iboi anakitatam a Kristo, eyai Papa ka Lokoku neni keŋ.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.