Yoa. 14:28 - Ebaibul

²⁸ Iirasi iyes ŋuna akalimokini ayoŋ iyes atemar, ‘Alosi ayoŋ, nai aboŋuni neni kus.’ Kerae itominasi iyes ayoŋ kire, kilelyana, anerae alosi ayoŋ neni a Papa a ŋolo epol akilo ayoŋ.

Yoa. 14:28 Iomraidhean Croise

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Ŋikiru. 68:9

Okoe Akuj, ibu iyoŋ tobuku akiru ŋina alalan nakwap; kitojoku nabo akwap kon ŋina sek abu toruwor akoŋinait.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Mat. 12:18

“Kiŋolikisi, erae lo eketiyan kaŋ ŋolo aseu ayoŋ, eminat kaŋ ŋolo eketalakarit ayoŋ nooi. Eyakuuni ayoŋ etau kaŋ bu neni keŋ, ikotere tolimokinia ŋituŋa ŋulu a ŋakwapin ŋakiro ŋuna ka atubokino.

Yoa. 10:38

Nai ani ketiyae ayoŋ ikes, tonupa ikes erae tari pa kikinupito ayoŋ; ikotere toyenuniata ayenunet apei jik atemar, eyai Papa tooma kaŋ ka ayai ayoŋ tooma Papa.”

Yoa. 13:16

Akalimokini ayoŋ iyes kire atemar, emam epito ŋolo epol akilo ekeekapolon, nabo daŋ emam ekiyakitono ŋolo epol akilo ŋolo iyakit iŋes.

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Yoa. 14:18

“Nyakaesikini ayoŋ iyes make ikokiyanito, aboŋuni ayoŋ neni kus.

Yoa. 16:7

Nai akalimokini ayoŋ iyes ŋuna a kire atemar, ikijoikini iyes kalot ayoŋ, anerae pa kalot ayoŋ aneni kus, nyebuni ekeŋarakiniton neni kus. Nai kalot ayoŋ, eyakuuni iŋes neni kus.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Yoa. 20:21

Tolimok nabo Yesu ikes tema, “Toyai ekisil neni kus. Ikwaŋinapei ekeyakitor ayoŋ Papa, ekeyaki ayoŋ iyes daŋ.”

Yoa. 5:18

Ani iirarete ŋikarikok ŋakiro ŋun, toŋoa tocamito tari akiar Yesu; meere aŋuna abunio iŋes tobilia ekisil ŋolo a Sabato bon, nai daŋ aŋuna abaakar iŋes erae Akuj Papa keŋ--iŋes atemar iriyan ka iŋes.

Yoa. 7:33

Tolimok Yesu ikes tema, “Ikiruki ayoŋ ka iyes adiotipei, oboŋo nai neni a ŋolo ekeyakuunit ayoŋ.

1 Ŋikor. 11:3

Acamit daŋ ayoŋ iyes toyenete atemar Kristo iŋes epolokinit ŋolokile daadaŋ ka epolokinit ekile aberu; nabo epolokinit Akuj Kristo.

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”