Yoa. 14:27 - Ebaibul

²⁷ “Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Yoa. 14:27 Iomraidhean Croise

2 Ŋakiro a ŋirwa 20:30

Abu nai ekisil min nakwap a Yeosapat, anerae abu Akuj inak iŋes akinapakina alowaetin ka akwap keŋ a daadaŋ.

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Ŋikiru. 11:1

Neni ke Ekapolon iŋes aryamunia ayoŋ aiuno; kaanukiro ikilimonokiniata iyes ayoŋ ebe, “Tosi kidiama ŋimoru ikwa ikenyit,

Ŋikiru. 112:7

Nyemini akuryanu neni kec apaki ŋina iiraryata ŋuna aronok; erubakinete ŋitai kec pa iryaŋiryaŋasi, ikinyomito Ekapolon.

Ŋikiru. 27:1

Ekapolon iŋes akica kaŋ ka aiuno kaŋ, ŋae nai akeri ayoŋ? Neni ke Ekapolon iŋes ayakaun ayoŋ aiuna; ŋae nai akuryaniaror ayoŋ?

Ŋikiru. 28:3

Nyikitubok ayoŋ ka ŋulu aronok kaapei, nyikitubok ayoŋ ka ŋulu itiyaete ŋuna aronok, ŋulu irworosi ŋuna ke ekisil neni a ŋikidunyet kec, toyai bo amoitanut lotai kec.

Ŋikiru. 29:11

Einanakini Ekapolon agogoŋu neni a ŋituŋa keŋ; iterereŋi Ekapolon ŋituŋa keŋ a ekisil.

Ŋikiru. 56:11

ekinyomit ayoŋ Akuj; mam ŋuna eketubulete. Anukiro epedori ituŋanan akitiya neni kaŋ?

Ŋikiru. 56:3

Ani apaki ŋina akabuli ayoŋ, ekekinyomi ayoŋ iyoŋ.

Ŋikiru. 72:2

Elipit totubonok iŋes ŋituŋa kon anakiyookino, ido kipuka ŋulu a ŋican anakiyookino.

Ŋikiru. 72:7

Elipi tolalaar akiyookino alorwa a ŋulu ipukator iŋes, elipi torubak ekisil ŋirwa daadaŋ ŋulu ipukator iŋes.

Ŋikiru. 85:10

Eyakaun amina ka Akuj neni a ŋulu ikinyoma, einakini Akuj ekisil neni a ŋulu iyookino,

Ŋikiru. 91:5

Nyikuryaniar iyoŋ aŋuna a ŋatyokisyo a ŋuna ka akuwar, kori aŋuna a ŋijiesyo a ŋulu etakanunete naparan,

Ŋakit. 3:25

Nyikuryaniar aŋuna a ŋican a ŋulu epote pa sek etamakinitae atemar epote, kori aŋuna ka amunyaro a ŋina epyaari ŋulu aronok.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Isa. 57:19

Eyakaun ekisil neni a ŋulu eapiyete ka ŋulu elwaka, etaŋaleuni ayoŋ ikes.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 1:8

Nyikuryaniar aŋuna kec, anerae ikirukit ayoŋ ka iyoŋ aŋuna ka aiun iyoŋ.”

Aum. 3:17

Alemar ekisil aneni kaŋ; ekemuryak ayoŋ ibore ŋini erae alakara.

Esek. 2:6

Nai iyoŋ lokoku a ituŋanan, nyikuryaniar aŋuna kec, kori nyiker ŋakiro kec tari kiyai iyoŋ nakitukuruworeta ka kepipil ŋakiro kec ikwa ŋikukwa, kori kiboi iyoŋ alokidiŋ ŋituŋa ŋulu ikote ŋitwania. Nai nyikuryaniar aŋuna a ŋakiro kec ka nyikitubulo ikes iyoŋ iŋolikini, anerae erae ikes ekal ŋolo aŋeron.

Dan. 4:1

Erae nu ŋakiro ŋuna abu erwosit Nebukadinesar keserau neni a ŋituŋa a daadaŋ: Neni a ŋituŋa a daadaŋ, neni a ŋakwapin a daadaŋ ka neni daadaŋ a ŋulu irworosi ŋaŋajepa ŋuna egelegelya a ŋulu iboiyete anakwap a daadaŋ. Abu iŋes tema, “Elipi toryamut iyes ebari ŋolo alalan.”

Dan. 6:25

Ekaku aŋun, abu Darius kigirak abaruwa neni a ŋituŋa a ŋakwapin a daadaŋ ka nakwapin daadaŋ ka ŋuna irworosi ŋaŋajepa ŋuna egelegelya tema neni kec, “Elipi toryamut iyes ekisil!

Sakar 6:13

Erae iŋes edukokini Akai ŋina ke Ekapolon, ido einakinio iŋes apolou ŋina ailiilon, iboikin iŋes kipuka alokicoloŋ a ŋolo ka apolou. Eruwor iŋes esacaradoti anapukan keŋ. Itiyaete ikes ŋiarei kaapei alotooma ekisil ka akimorikina.’

Ekim. 6:26

elipi torimaaniar Ekapolon aneni kus ka ikiinak iyes ekisil.

Mat. 10:26

“Aŋun, nyikera ikes, anerae emam ibore ŋini erapitae ŋini nyisileereunio ka emam ŋini imunonitae ŋini nyeanyunio.

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 10:5

Ŋinakai daadaŋ ilomarete iyes temasi mono, ‘Toyai ekisil lore lo.’

Luk. 12:4

“Ŋikaakonei, akalimokini ayoŋ iyes atemar, nyikerito ŋulu earete akuwan bon, nai tomam ibore ŋini aronon ice ŋini epedorete ikes akitiyakin ekaku.

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 14:1

“Nyiyaloloŋo, tonupa Akuj, tonupae ayoŋ daŋ.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 20:19

Ataboŋ ŋinapei ŋin, ŋina ke Esabit, atukokina ŋikasyomak a Yesu tooma akai ŋina agolitoe ŋipukei, anerae akuryakito ikes aŋuna a ŋikarikok a Ŋiyudayan. Abu Yesu towo alokidiŋ kec tolimok ikes tema, “Toyai ekisil neni kus.”

Yoa. 20:21

Tolimok nabo Yesu ikes tema, “Toyai ekisil neni kus. Ikwaŋinapei ekeyakitor ayoŋ Papa, ekeyaki ayoŋ iyes daŋ.”

Yoa. 20:26

Kelunyar esabit epei, eboiyete ŋikasyomak nabo kaapei, torukito ka Tomas daŋ alokai a ŋina agolol ŋipukei. Totakanu Yesu neni kec tema, “Toyai ekisil neni kus.”

Ŋitic. 10:36

Iyenete iyes ŋakiro ŋuna abu iŋes kiyakik Isirael--alimonokin Ŋakiro ŋuna Ajokak ŋuna ke ekisil alotooma Yesu Kristo, ŋolo erae Ekapolon a daadaŋ.

Ŋitic. 18:9

Akoloŋit apei nakwaare, bu atakanikinet neni a Paulo, kisirworik Ekapolon iŋes tema, “Nyikuryaniar, nai torubak ilimonokini ka nyiesik jik,

Ŋirom. 1:7

Aŋun, ekegirakinit ayoŋ iyes daadaŋ alo Roma, iyes ŋulu ikimina ka ikinyar Akuj aruwor ŋulu keŋ. Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋirom. 8:6

Ani kikipukato iwon ŋipitesyo ŋulu ka aseconu, ikitwaki, nai kikipukat Etau ŋolo ka Akuj iwon, ikiinakini Akuj iwon akiyar ka ekisil.

1 Ŋikor. 1:3

Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋigal. 1:3

Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋigal. 6:16

Toyai ekisil, ka akisyon neni a ŋulu iwuapito ŋakitatameta ŋun anakiyar kec--ka neni a ŋituŋa a daadaŋ a ŋulu iwuapito Akuj, ŋulu erae Ŋisirael ŋulu a kire.

Ŋipil. 4:7

Epedori ekisil ŋolo ka Akuj ŋolo iloit ayenut ŋina a ituŋanan akiyok ŋitai ka ŋatameta kus anakimorikina ka Yesu Kristo.

Ŋikol. 1:2

ikigirit abaruwa na neni a ŋituŋa a ŋulu ka Akuj a ŋulu eyakasi Kolosae a ŋulu ikinyoma alotooma akimorikina ka Kristo. Toyai neni kus ajokis ka ekisil aneni ka Akuj Papa yok.

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

2 Ŋites. 1:2

Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

2 Ŋites. 3:16

Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

2 Tim. 1:7

Anerae pa abu Akuj ikiinak iwon Etau ŋolo ka akuryanu, nai abu ikiinak Etau ŋolo ka apedor ka amina ta akiyapara.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 7:2

Inak Aburaam iŋes atutubet apei anatomon aloboro a daadaŋ a ŋulu aŋatuni iŋes. (Apolou ŋina ke ekiro a Melekisedek iŋes atemar, “Erwosit ŋolo ka akiyookino;” nabo ikwapei araakar iŋes erwosit ŋolo a Salem, apolou ŋina ke ekiro keŋ ace iŋes atemar, “Erwosit ŋolo ke ekisil.” )

Akis. 1:4

Ayoŋ Yoana egirit emalas lo neni a ŋatukon a Ŋikristo a ŋunakanikaarei a ŋuna eyakasi Asia: Toyai ajokis ka ekisil neni kus ŋulu eponito aneni ka Akuj a ŋina erae ka arae, ka ŋina ebuni, ka aneni a ŋitai a ŋulukanikaarei, a ŋulu eyakasi kiŋaren ekicoloŋ keŋ,

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”