Yoa. 14:23 - Ebaibul

²³ Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Yoa. 14:23 Iomraidhean Croise

Akisy. 1:26

Tema nai Akuj, “Osubutu ŋituŋa eyakatar ŋasima yok, ikikwaan ka iwon; kipukata ikes ŋityaŋ ŋulu ka anam, ŋikyeny ŋulu alokidiama, ŋibaren ka ŋityaŋ daadaŋ ŋulu ka akwap ta ibore daadaŋ ŋini elyat alokwap.”

Akisy. 11:7

Potu oloto kwap, enyala aŋajep kec, ikotere tojoŋoto apupo make.”

Ŋikiru. 90:1

Ekapolon, irae iyoŋ neni iboiyere isua ŋinapei ananyameta a daadaŋ.

Ŋikiru. 91:1

Ituŋanan daadaŋ ŋini elosi aiuno neni ka Akuj a ŋina alokidiama nooi, erubakini eyai nakiuryaro ŋina ka Akuj a ŋina etiron.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Yoa. 10:30

Ikirae ayoŋ ka Papa ŋipei.”

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Yoa. 14:17

Erae iŋes Etau ŋolo irworo ŋuna a kire ŋuna ka Akuj. Nyepedori akwap akijaun iŋes, anerae nyite akwap iŋes, kori nyeyeni iŋes. Iyenete iyes iŋes, anerae iboiyuni iŋes neni kus ka eyakaun iŋes tooma kus.

Yoa. 14:21

“Ŋini ecamunit ŋakiciketa kaŋ, kiricakinite, iŋes akamina ayoŋ. Ŋini akamina ayoŋ, iŋes eminakini Papa kaŋ; aminakini ayoŋ daŋ iŋes ka esileereun neni keŋ.”

Yoa. 14:24

Ituŋanan daadaŋ ŋini nyakamina ayoŋ, nyiricakini ŋakiro kaŋ. Ŋakiro daadaŋ ŋuna ipupete iyes, meere ŋuna kaŋ, nai erae ŋuna a Papa a ŋolo ekeyakuunit ayoŋ.

Yoa. 15:10

Ani kiricakis iyes ŋakiciketa kaŋ, idoŋete namina kaŋ, ikwaŋina ericakinia ayoŋ ŋakiciketa a Papa kaŋ, edoŋitor namina keŋ.

Yoa. 16:27

anerae ikimina iyes Papa elope. Ikimina iŋes iyes, anerae ikiminasi iyes ayoŋ ka inupito atemar abunit ayoŋ aneni a Papa.

Yoa. 6:56

Ŋini imuji akaakuwan ka tomat ŋaokot kaŋ, iboi alotooma kaŋ, ayoŋ daŋ eboi alotooma keŋ.

Yoa. 8:51

Akalimokini ayoŋ iyes kire atemar, ŋini iricakini ŋakiro kaŋ, nyetwani jik.”

Yoa. 8:52

Tolimokis Ŋiyudayan Yesu temasi, “Kire ikidau isua tokona aanyun atemar eyai ekipye neni kon. Abu Aburaam totwan, totwaka tari ŋikadwarak daŋ; nai ibala iyoŋ ebe ‘Ŋini iricakini ŋakiro kaŋ, nyetwani jik.’

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

1 Yoa. 2:24

Kimyekisi ŋakiro ŋuna ipotu iyes kiirasi anakisyakinet kiboiyoto alotooma kus. Ani kiboiyoto alotooma kus ŋakiro ŋuna ipotu iyes kiirasi anakisyakinet, iboiyete nai iyes alotooma Lokoku ka alotooma Papa.

1 Yoa. 2:5

Nai ŋini iricit akirot keŋ, neni keŋ kire itemokinor amina ŋina ka Akuj. Aŋun, ikiyenuni iwon kire atemar, ikiya neni ka Akuj.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.

1 Yoa. 5:3

Epite lo iŋes erae amina Akuj: akiricakin Ŋakiciketa keŋ. Nyegogoŋ Ŋakiciketa keŋ,

2 Yoa. 1:6

Erae na amina: itemokino iwon ewuapa Ŋakiciketa keŋ. Akiciket ŋina ipotu iyes kiirasi ŋinapei anakisyakinet iŋes na: itemokino iyes daadaŋ iboiyete iminin.

Akis. 21:22

Nyiŋolikina ayoŋ Akai ka Akuj alotaun a ŋolo apolon, anerae Ekapolon Akuj ŋina etiron ka Imesek ikes erae Akai ka Akuj keŋ.

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.

Akis. 22:3

Emam ibore ŋini icenen aneni ka Akuj ŋini eyakaun lotaun ŋolo apolon. Eyakaun ekicoloŋ ŋolo ka Akuj ka ŋolo a Imesek lotaun ŋolo apolon, ilipete ŋiketiyak keŋ neni keŋ.