Yoa. 14:2 - Ebaibul

² Elalak ŋagulei alotooma akai a Papa kaŋ. Kerae nyikote neni, pa kakalimokinit ayoŋ iyes atemar alosi ayoŋ akitemokin akibois aŋuna kus.

Yoa. 14:2 Iomraidhean Croise

Luk. 14:22

Ani irikakini eketiyan ŋun daadaŋ, tolimok ekapolon keŋ tema, ‘Ekapolon, etiya ayoŋ daadaŋ, ikwaŋina ilimunitor iyoŋ, nai eriŋa iwace elolom.’

Yoa. 13:33

Ŋikaadwe, eriŋa ayoŋ ikirukit ka iyes adiouriyen. Ipote iyes akiwar ayoŋ, nai ikwapei abunio ayoŋ olimokinia Ŋiyudayan, akalimokini iyes daŋ tokona atemar, ‘Nyipedorete iyes aponare neni alosi ayoŋ.’

Yoa. 13:36

Kiŋit Simoni Petero Yesu tema, “Ekapolon, ai ilosi iyoŋ?” Toboŋok Yesu iŋes tema, “Nyikitupakini iyoŋ ayoŋ neni alosi tokona, nai ikitupuni iyoŋ ayoŋ ekaku.”

Yoa. 14:28

Iirasi iyes ŋuna akalimokini ayoŋ iyes atemar, ‘Alosi ayoŋ, nai aboŋuni neni kus.’ Kerae itominasi iyes ayoŋ kire, kilelyana, anerae alosi ayoŋ neni a Papa a ŋolo epol akilo ayoŋ.

Yoa. 16:4

Nai akalimok ayoŋ iyes ŋakiro ŋun, ikotere ani apaki ŋina itiyakinotor neni kus, totamut atemar aris ayoŋ kakalimok iyes. “Nyelimokina ayoŋ iyes ŋakiro ŋun anakisyakinet, anerae ikirukit iyes ka ayoŋ.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Ŋitic. 9:16

Etoodikini ayoŋ elope iŋes etyae ŋolo a ŋican a daadaŋ a ŋulu itemokino iŋes toryamu aŋuna ke ekiro kaŋ.”

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

1 Ŋites. 5:9

Pa ikiseuni iwon Akuj aryamun ŋican ŋulu ka anyunyura keŋ, nai aryamun aiuno alotooma Ekapolon yok Yesu Kristo.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

Ŋibur. 11:10

Anerae edarit Aburaam anakigeno etaun ŋolo etemunit ka adukunit Akuj, etaun ŋolo erubakini eyai jik.

Ŋibur. 13:14

Anerae emam iwon ere anakwap a na ŋolo epedorere iwon akiboiyo ŋikaru ka ŋikaru; nai ikiitanit iwon nooi aryamun ere ŋolo ebuni rwanu.

Ŋibur. 6:20

Akibois ŋin iŋes ŋina adau Yesu alosit ikwapei ŋolo aberar aŋuna yok, kedau aruwor Esacaradoti ŋolo Apolon nooi ŋoloruba lopite ŋolo ke Esacaradoti a ŋolo anyaritae Melekisedek.

Ŋibur. 9:8

Ikitatami iwon Etau ŋolo Asegan anakiro a ŋun daadaŋ atemar eriŋa nyeŋaara erot ŋolo elomarere nagule ŋina a ŋaarei, ŋina erae Akibois ŋina Asegan nooi, erae keriŋa agule ŋina esyaunan eyai.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.

Akis. 3:12

“Iŋes ŋini ilouni, eturuwori ayoŋ iŋes epir alo Kai ka Akuj kaŋ; nyelomuni nabo iŋes kiŋa jik. Egirakini ayoŋ neni keŋ ekiro ŋolo ka Akuj kaŋ ka ekiro ŋolo ke etaun a ŋolo apolon, Yerusalem ŋolokitete, ŋolo ebunit anakuj aneni ka Akuj kaŋ; egirakini daŋ ekiro kaŋ ŋolokitete neni keŋ.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.