Yoa. 14:17 - Ebaibul

¹⁷ Erae iŋes Etau ŋolo irworo ŋuna a kire ŋuna ka Akuj. Nyepedori akwap akijaun iŋes, anerae nyite akwap iŋes, kori nyeyeni iŋes. Iyenete iyes iŋes, anerae iboiyuni iŋes neni kus ka eyakaun iŋes tooma kus.

Yoa. 14:17 Iomraidhean Croise

Ŋakit. 14:10

Eyeni ŋolotau ŋuna itoŋoito iŋes, mam ituŋanan emorete ka ŋinice alelyanu ŋina eyai lotau keŋ.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Mat. 10:20

Anerae meere iyes irworosi, nai Etau ŋolo a Papa kus iŋes irworo aneni kus.

Yoa. 14:16

Elipi ayoŋ Papa, ikiinakini iŋes iyes ekeŋarakiniton ece ŋolo irukyoto iyes jik.

Yoa. 14:23

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Yoa. 15:26

“Ebuni ekeŋarakiniton, ŋolo eyakuuni ayoŋ aneni a Papa. Erae iŋes Etau ŋolo irworo ŋuna a kire; ebuni iŋes akiteyenun ayoŋ.

Yoa. 16:13

Nai ani ebuni Etau ŋolo irworo ŋuna a kire, ikiyoori iyes nakiro daadaŋ ŋuna a kire; anerae nyirwori iŋes aŋuna ka apedor keŋ bon, nai ebuni iŋes akirwor ŋuna iirarit, nabo ikilimokini iyes ŋuna epote.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

1 Ŋikor. 14:15

Nyo nai erae ayoŋ etiya? Etiyae ayoŋ nuarei nu: elipi alotooma Etau ka Akuj ka a ŋatameta kaŋ daŋ; aeo alotooma Etau ka Akuj ka a ŋatameta kaŋ daŋ.

1 Ŋikor. 2:14

Ituŋanan ŋini emamukar Etau ŋolo ka Akuj, nyecamuni ŋakiro ŋuna ke Etau a ŋolo ka Akuj, anerae erae ŋun abaŋao aneni keŋ; ido nyepedori ayenun ikes, anerae epedorosi ŋun ayenun anakiŋarakinet a ŋina ke Etau a ŋolo ka Akuj bon.

1 Ŋikor. 3:16

Nyiyenete mono iyes atemar iraakasi iyes Akai ka Akuj ka eyai Etau ŋolo ka Akuj tooma kus a?

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

2 Ŋikor. 13:5

Toripiripas make toanyut kirubakinito ananupit kus. Torotas iyes make. Nyeanyuna mono iyes atemar eyai Yesu Kristo tooma kus a? Ani kemam, iŋes atemar kikipiyosi iyes ŋakikatanakineta.

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋigal. 4:6

Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!”

Ŋiep. 2:22

Alotooma akimorikina ka Kristo, ikidukokin iyes daŋ kaapei ka ŋuluce naduketait ŋina iboiyo Akuj alotooma Etau keŋ.

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

2 Tim. 1:14

Alotooma Etau ŋolo Asegan ŋolo iboi alotooma yok, kiyok Ŋakiro ŋuna Ajokak ŋuna adaun akicikakin iyoŋ.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.

1 Yoa. 3:24

Ikes daadaŋ ŋulu iricakinito Ŋakiciketa keŋ, iboiyete alotooma keŋ ka iboi iŋes alotooma kec. Epite lo iŋes ikiyenia iwon atemar iboi iŋes alotooma yok, aŋuna ke Etau a ŋolo ikiinak iŋes iwon.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.

1 Yoa. 4:6

Nai ikirae iwon ŋulu ka Akuj. Ŋini eyeni Akuj, epupi ŋakiro yok ka ŋini nyerae ituŋanan ŋini ka Akuj, nyepupi ŋakiro yok. Epite ŋol ikiyenunia iwon Etau ŋolo a kire ka ŋolo ka alyokonu.

1 Yoa. 5:7

Eyakasi ŋisuudae ŋiuni,

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.