Yoa. 13:8 - Ebaibul

⁸ Tolimok Petero Yesu tema, “Mam jik nyilotari iyoŋ ŋakaakejen!” Toboŋok Yesu iŋes tema, “Ani pa kelota ayoŋ ŋakejen kon, nyikiruki iyoŋ ka ayoŋ nabo.”

Yoa. 13:8 Iomraidhean Croise

Akisy. 42:38

Nai toboŋok papa keŋ tema, “Nyelosi lokoku kaŋ nyetiyaar kaapei ka iyes kwap ama, anerae atwana lokaato keŋ, iŋes bon idoŋit. Ani kewani iŋes analosit a ŋina eapi iyes akisyakin, ikitolomarete iyes ayoŋ kwap aŋuna ikisiyaloloŋioto.”

2 Sam. 20:1

Ayai nen Ebenjaminait ece ŋolo aronon ŋolo anyaritae Seba. Arae iŋes lokoku a Biciri. Abu iŋes tokutak abureryaŋ a emesek, ido tocelu tema, “Mam ibore yok eyai neni a Daudi, Mam ibore ikiryamuni iwon aneni alokoku a Yese! Ŋisirael potu daadaŋ oboŋosi, ŋinituŋanan toboŋo lore keŋ!”

1 Ŋirw. 12:16

Ani eyenunete Ŋisirael daadaŋ atemar aŋer erwosit akiirar ŋakiro kec, toboŋokis ikes erwosit temasi, “Nyo mono yok kona ejok eyai neni a Daudi? Mam ibore emaikina eruwor ŋini yok aneni a lokoku a Yese. Iyes Ŋisirael, emaikina ŋinituŋanan toboŋo lore keŋ! Okoe Daudi kite tokona ŋituŋa a ekal kon ke elope!” Aŋun, apotu Ŋisirael toboŋosi lorerya kec.

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Isa. 4:4

Ani kedau Ekapolon akitesegun ŋaberu ŋuna a Sion anasiilyo kec, italeuni ikes anakiar ŋituŋa alo Yerusalem. Italeuni iŋes ikes a etau a ŋolo etubere ŋakiro ka a etau a ŋolo ka akim.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Mat. 16:22

Tonyaraiya Petero Yesu nawae togeu akisibura iŋes ebala, “Meere ikoŋina Ekapolon! Nyiryamasi ca ka ŋuna!”

Mat. 21:29

Toboŋok edya tema, ‘Nyalosi ayoŋ.’ Nai ekaku apotu toronikis ŋuna abu iŋes tolimu, ido tolot.

Mat. 26:33

Tolimok Petero Yesu ka agogoŋu tema, “Nyekemyekini ayoŋ iyoŋ jik, tari kikimyekis iyoŋ ŋuluce daadaŋ!”

Mat. 26:35

Tolimok Petero iŋes tema, “Nyapegi ayoŋ jik, tari ketemar akaaryo ayoŋ ka iyoŋ!” Apotu ŋulucekasyomak daadaŋ tolimut ŋunapei ŋun.

Yoa. 13:6

Ani edoluni iŋes neni a Simoni Petero, kiŋit Petero Yesu tema, “Ekapolon, iyoŋ ilotari ŋakejen kaŋ a?”

Yoa. 13:9

Tolimok Simoni Petero Yesu tema, “Ekapolon, ani kikote neni, meere ŋakaakejen bon, ŋakan ka akou daŋ!”

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Ŋitic. 22:16

Nyo nai tokona eriŋa iyoŋ idarit? Tonyou, ikibatisae ka kilip alokiro a Yesu, ido kisyoni ŋasecisya kon.’

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

Ŋikis. 12:12

Tosodi ilelyanete iyes alokiŋaren Ekapolon, iyes kaapei ka ŋidwe kus ŋulusapa ka ŋulupesur, ŋipi ka ŋapi kus ka ŋilepi ŋulu iboiyete alotaunio kus ŋulu emam akwap ekorakinitae ikes, kori eruwor ŋina kec.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 2:23

Nai kire ŋikisila ŋulu ikote ŋul, etakanete esibito ŋulu ka aosou alopite a ŋolo itiŋakinitotor ikes ŋituŋa akilip neni a ŋimalaikan ka akitiditeuna ŋina ka alyokonu ta akisican akuwan; nai emamukatar ikes ajokis adio daŋ ŋina epolokinitotor ekibure ŋolo ka akuwan.

Tito 3:5

abu iŋes ikiu iwon. Pa arae aŋuna a ŋiticisyo a ŋidi a ŋulu ajokak a ŋulu ikitiyat iwon, nai arae aŋuna ka akisyon keŋ ka alope abunio iŋes ikiunia iwon. Abu iŋes ikiu iwon, ikitesegu iwon anakidouno a ŋina a ŋaarei ka ikituruwo iwon ŋulu kitet aneni ke Etau a ŋolo Asegan.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.