Yoa. 13:21 - Ebaibul

²¹ Kedau Yesu alimun ŋun, kiyaloloŋ nooi alotau keŋ, kiteyenu ŋakiro nu pa imunonit tema, “Akalimokini ayoŋ iyes kire atemar, ebuni ipei alokidiŋ kus alukin ayoŋ.”

Yoa. 13:21 Iomraidhean Croise

Mat. 26:21

Ani eriŋa ikes imujete tolimu iŋes tema, “Akalimokini ayoŋ iyes kire atemar, akalukini ayoŋ epei alokidiŋ kus.”

Mat. 26:38

Tolimok nai ikes tema, “Iyaloloŋi ekaatau nooi esibit eapi atwanare. Kiboikinos nege, tokienyete kaapei ka ayoŋ.”

Mar. 14:18

Ani eriŋa ikes imujete, tolimok Yesu ikes tema, “Akalimokini ayoŋ iyes kire atemar, akalukini ayoŋ epei alokidiŋ kus; ŋol, iŋes ŋolo ikimuji ka ayoŋ.”

Mar. 3:5

Kitek Yesu ikes daadaŋ eŋoit, kitiilito daŋ aŋuna ka aniniku a ŋakecetameta. Tolimok nai ekaŋwalan tema, “Toriyo akonikan.” Toriyo iŋes, toŋaleu akeekan.

Yoa. 11:33

Ani iŋolikini Yesu Maria igworo ka igworosi tari Ŋiyudayan ŋulu arukito ka iŋes, tonomosi iŋes ŋakiro etau, kiyaloloŋ,

Yoa. 11:35

Kigwor Yesu.

Yoa. 11:38

Tolot nai Yesu nalyal emarani ekeetau nooi. Arae alyal aturukan, togolokinitetei amoru lopuke.

Yoa. 12:27

“Eryeba ekaatau iyaloloŋi nooi. Okoe, atemari ayoŋ ai? Atemari, Papa toiunae ayoŋ anapaki a na a? Nai arae aŋuna ka apaki a na abunio ayoŋ, ikotere onaikinia ŋican ŋulu ka apaki a na.

Yoa. 13:18

Nyerworo ayoŋ aŋuna kus a daadaŋ, ayeni ŋulu adau ayoŋ aseun; nai ikotere kiyookinotor ŋuna igiritae Nakigireta ebe, ‘Abu ituŋanan ŋini ikimori ka ayoŋ okoluki ayoŋ.’

Yoa. 13:2

Ani imujete ikes eboŋ, keris Satan, aŋuna ka alukinio Yesu, keloma lotau a Yuda Isikariot, a ŋolo arae lokoku a Simoni.

Yoa. 13:22

Kiŋolyanakinos ŋikeekasyomak make eumokinito, pa ayenete ŋolo erworor Yesu.

Ŋitic. 17:16

Ani eriŋa Paulo idarit Silas ka Timoteo alo Asen, toronik iŋes nooi epite ŋolo alalaata ŋakujo alotaun a ŋol.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.