Yoa. 13:20 - Ebaibul

²⁰ Akalimokini ayoŋ iyes kire atemar, ŋini ijauni ituŋanan ŋini eyakit ayoŋ, ekejauni ayoŋ, nabo ituŋanan ŋini ekejauni ayoŋ, ijauni ŋolo ekeyakuunit ayoŋ.”

Yoa. 13:20 Iomraidhean Croise

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mar. 9:37

“Ituŋanan daadaŋ ŋini ijauni ŋidwe ŋulu cicik ikwa en alokiro kaŋ, ekejaunit ayoŋ daŋ; ka ŋini ekejaunit ayoŋ, ijaunit iŋes tari ŋini ekeyakuunit ayoŋ.”

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Luk. 9:48

tolimok ikes tema, “Ŋinituŋanan ijauni ikoku ŋini cici ŋini ikoni en alokiro kaŋ, ekejauni ayoŋ; a nen ŋini ekejauni ayoŋ, ijaunit tari ŋini ekeyakuunit ayoŋ. Anerae ŋini itiditeuna alokidiŋ kus, iŋes epol nooi.”

Ŋigal. 4:14

Nai tari ŋina abunio apalagu ŋina ka adyak kaŋ yau ŋatyokisyo neni kus, ipotu iyes nyikijamuwasi kori nyikiŋero ayoŋ. Akilo, ipotu iyes ikijaut ayoŋ esibit emalaika ŋolo ka Akuj; ipotu iyes ikijaut ayoŋ esibit ijaunito Yesu Kristo.

Ŋikol. 2:6

Ikwapei nai icamuniata iyes Yesu Kristo erae Ekapolon kus, torubakisi iyarete anakimorikina ka iŋes.

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.