Yoa. 13:14 - Ebaibul

¹⁴ Ikwapei elotarya ayoŋ ŋolo arae Ekapolon ka Eketataman ŋakejen kus, itemokino iyes daŋ kilosete ŋakejen a ŋuluce.

Yoa. 13:14 Iomraidhean Croise

Yoa. 11:2

(Arae Maria na ŋina eosakini akimyet ŋina akukunyon nakejen a Yesu, ido toninaiya a ŋitim keŋ. Lokaato keŋ Lasaro iŋes adyaka).

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Ŋirom. 12:16

Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.

1 Ŋikor. 12:3

Aŋun, acamit ayoŋ iyes toyenut atemar emam ituŋanan ŋini irworo a Etau a ŋolo ka Akuj epedori alimun ebe, “Itemokino kicenoi Yesu!” Nabo, emam ituŋanan epedori alimun ebe, “Erae Yesu Ekapolon”, mati erae Etau ŋolo Asegan erikit iŋes.

1 Ŋikor. 8:13

Aŋun, ani kerae akimuj iteseci lokaato kaŋ, nyanyami nabo akiriŋ jik, ikotere nyetesec iŋes.

2 Ŋikor. 10:1

Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋipil. 2:11

ka itemokino daadaŋ tocamut alimor atemar erae Yesu Kristo Ekapolon. Alopite a lo itopolooryo Akuj Papa.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

1 Pet. 4:1

Ikwaŋina abunio Kristo toryamunia ŋican alokuwane, itemokino iyes daŋ kitogogoŋos alopite a ŋolo atamya iŋes; ituŋanan ŋini aryamu ŋican alokuwane, amulen iŋes asecit.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”