Yoa. 12:48 - Ebaibul

⁴⁸ Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon.

Yoa. 12:48 Iomraidhean Croise

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Mat. 10:15

Akalimokini ayoŋ iyes kire atemar, Akoloŋit ŋina ka atubokino erimakinio ŋituŋa ŋulu a Sodoma ka ŋulu a Gomora akilo ŋulu ke etaun a ŋol.

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.

Mar. 12:10

Nyesyoma mono iyes Ŋakigireta ŋuna igiritae ebe, ‘Amoru ŋina koloŋ aŋerete ŋikadukok iŋes tokona itogogoŋit akai alokoona.

Mar. 16:16

Ituŋanan ŋini enupi kibatisae, eiunio, nai ŋini nyenupi, etubokinio.

Mar. 8:31

Togeu Yesu akitatam ŋikeekasyomak tema, “Isicanio Lokoku a Ituŋanan nooi ka eŋerete iŋes ŋikatukok, ŋisacaradotin ŋulu apolok ka ŋiketatamak a Ŋikisila. Nabo earyo, nai kelunyar ŋirwa ŋiuni iteyarunio iŋes.”

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Luk. 17:25

Nai itemokino mono iŋes kisicanae nooi, nabo toŋero ŋituŋa ŋulu a ŋirwa a lu.

Luk. 20:17

Kiŋolik Yesu ikes tolimok tema, “Nyo nai apolou a ŋakiro a ŋuna igiritae Nakigireta ikona? ‘Amoru ŋina koloŋ aŋerete ŋikadukok, iŋes tokona itogogoŋit akai alokoona!’

Luk. 7:30

Nai apotu Ŋiparisayon ka ŋiketatamak ŋulu a Ŋikisila toŋero ebatisimu ŋolo ayeunit Akuj aŋuna kec, aŋuna aŋeryoto ebatisimu ŋolo a Yoana.)

Luk. 9:22

Kiyatak iŋes erwor keŋ tema, “Itemokino Lokoku a Ituŋanan kisicanae nooi, toŋero ŋikatukok ka ŋisacaradotin ŋulu apolok ka ŋiketatamak a Ŋikisila. Earyo iŋes, nai kelunyar ŋirwa ŋiuni, eyaruni.”

Luk. 9:26

Anerae ŋini irumito ŋileec aŋuna kaŋ ka aŋuna a ŋakaakiro, irumete Lokoku a Ituŋanan daŋ ŋileec aŋuna keŋ ŋina ebunio anapolou a ŋina a Papa ta ŋina a ŋimalaikan a ŋulu ka Akuj.

Yoa. 11:24

Tolimok Marita iŋes tema, “Ayeni ayoŋ atemar iteyarunio iŋes Akoloŋit ŋina esidyon.”

Yoa. 5:45

Nyibasi robo kori ayoŋ ekesitakini iyes alokiŋaren a Papa kaŋ, nai Moses, ŋolo iwuakinito iyes akusikigeno neni keŋ, iŋes ebuni akisitakin iyes.

Yoa. 6:39

Acamit a ŋolo ekeyakuunit ayoŋ, iŋes na: nyitemokino ayoŋ etooliyo idiotuŋanan ŋini akainaki iŋes ayoŋ; nai akilo, eteyaru ikes Akoloŋit ŋina esidyon.

Yoa. 8:47

Ŋini ebunit aneni ka Akuj epupi ŋakiro ŋuna ka Akuj; nai nyiponito iyes aneni ka Akuj, iŋes nyipupyoto ŋakiro ŋun.”

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

Ŋitic. 3:23

Ituŋanan daadaŋ ŋini nyiwuapi ŋakiro ŋuna irworo ekadwaran ŋol, etyakaryo alotuŋa a ŋulu ka Akuj, kinyasunae.’

Ŋirom. 2:16

Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.

2 Ŋikor. 4:3

Ani tari kerapap Ŋakiro ŋuna Ajokak ŋuna ikilimonokini isua, erapap aneni a ŋulu ebukoro.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Ŋibur. 10:25

Nyikipalik acunanakin iwapei ikwaŋina apalikiniata ŋice. Nai orubakisi ikisimukekina make, nooi anapaki a na a ŋina aapuunia Akoloŋit ŋina ke Ekapolon.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

2 Pet. 3:3

Ŋuna eŋarenok, itemokino iyes toyenete atemar, alorwa a ŋulu esidyok a lu, etakanunete ŋituŋa ŋice ŋulu epolokinit ekibure ŋolo aronon ŋolo a ŋawat kec. Ikikienatar ikes iyes.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

1 Sam. 10:19

Nai iŋero iyes tokona Akuj kus, ŋina abu itoiu iyes anakiro a ŋuna aronok a daadaŋ ka alocan kus; nai tokona itemasi iyes, ‘Mam! Tosekinae isua erwosit ŋolo ikipukae.’ Aŋun nai, toloto kiŋaren Ekapolon a ŋikabilae ka a ŋatekerin kus.”

1 Sam. 8:7

Tema nai Ekapolon neni a Samuel, “Tocamu ŋakiro daadaŋ ŋuna irworosi ŋituŋa neni kon; anerae nyikiŋerito iyoŋ ŋituŋa aruwor Ekapolokiniton kec, nai ayoŋ akaŋero ŋituŋa araakau erwosit ŋolo epukat ikes.