Yoa. 12:35 - Ebaibul

³⁵ Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Yoa. 12:35 Iomraidhean Croise

Ŋakit. 4:19

Ikwaan erot a ŋulu aronok ka akiryonut ŋina iryono cuc, nyeyenete ikes atemar nyo ikiguk.

Isa. 2:5

Okoe ŋituŋa a Yakob. potu ewuapa ŋuna ikilimokinit Ekapolon!

Yer. 23:12

“Aŋun, erae ŋuna iwuapito ikes nakou kec, ikwaanikin ŋuna iwuapito ikes ka akiwuapit erot ŋolo ecurut iryono akwap, emyaaryo ikes nen kibusokinos; anerae ayauni ayoŋ ŋican neni kec alokaru a ŋolo isicanere ikes.

Luk. 18:37

Tolimokinae iŋes temarae, “Yesu ŋolo a Nasaret iŋes itorunit diye ne.”

Yoa. 11:10

Ani elosi ituŋanan nakwaare, igukini, anerae emam akica aneni keŋ.”

Yoa. 11:9

Toboŋok Yesu ikes tema, “Nyerae mono ŋisaae ŋulu ka apaaran ŋitomon ka ŋiarei a? Ani elosi ituŋanan naparan, nyigukini, anerae ite iŋes akica ŋina ka akwap a na.

Yoa. 12:36

Ani eriŋa iyakatar akica, tonupa akica, ikotere toruworos iyes ŋituŋa ŋulu ka akica.” Kedau Yesu erwor ŋun, toesik ikes, toŋop aneni kec.

Yoa. 12:46

Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut.

Yoa. 16:16

“Apaki adio cicinyikianyuwarete ayoŋ nabo; apaki adiocici ekaku, ikianyuwarete ayoŋ nabo.”

Yoa. 7:33

Tolimok Yesu ikes tema, “Ikiruki ayoŋ ka iyes adiotipei, oboŋo nai neni a ŋolo ekeyakuunit ayoŋ.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

2 Ŋikor. 3:14

Apotu ŋatameta kec kiryokiata! Tari tokona daŋ, ŋina esyometa ikes ŋakiro ŋuna ka Acamunet a ŋina Ŋorot, eriŋa ŋatameta kec erapap ka akitambara a ŋinapei a ŋin. Elemanaryo akitambara ŋin apaki bon ŋina imorikinotor ituŋanan ka Kristo.

Ŋigal. 6:10

Aŋun nai, ani eriŋa iwon ikiyakar apaki ŋina ajokan, itemokino etiyata ŋuna ajokak neni a ŋituŋa a daadaŋ, akilo nooi neni a ŋulu erae ŋikanupak ikwa iwon.

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,