Yoa. 12:32 - Ebaibul

³² Ani kedaun akikyaar ayoŋ kidiama anakwap, eriuni ŋituŋa daadaŋ neni kaŋ.”

Yoa. 12:32 Iomraidhean Croise

2 Sam. 18:9

Kiryamun Abusalom apaki ŋin ka ŋirukitos a Daudi. Adokit iŋes aŋole-sigirya, toloma aŋole-sigirya tooma ŋaten ŋuna ke ekuyon a ŋolo apolon nooi. Kikamut ŋaten akou ka Abusalom, kidoŋ Abusalom ineno anaten a ŋun iyeliyelo. Toem aŋole-sigirya nariet.

Eete a Ŋie. 1:4

Yaarae ayoŋ, ewanyakisi atipei. Akayau ayoŋ erwosit nagulei ŋuna a ere keŋ. Ikilakari ka ikilelyani isua kaapei ka iyoŋ, ikipuri isua amina kon akilo ŋagwe. Aŋun, iyookinito ikes ikiminasi iyoŋ.

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Osea 11:4

Abu ayoŋ orik ikes a arimao ka amina, adakununui ayoŋ ikes, lopite ŋolo edakitere ikoku ŋinicici, abu ayoŋ etiditeun, ido etan ikes.

Ekim. 21:9

Abu nai Moses kitiyau etorube a emun a eburonis, ido kikacak lopir; apaki daadaŋ ŋina ekonyia emun ituŋanan idio, eŋoliyari ituŋanan ŋin neni a emun a ŋolo etiyaunitae ke eburonis, ido toyar.

Yoa. 1:7

Abunit iŋes akiteyenun ŋituŋa ŋakiro ŋuna ka akica, ikotere tonupyata daadaŋ aneni keŋ.

Yoa. 12:34

Toboŋokis ŋituŋa temasi, “Igiritae Lokisila atemar, eropari Kristo jik. Ikokini nai iyoŋ ibala, itemokino Lokoku a Ituŋanan kikyaarae ai? Ŋae mono Lokoku a Ituŋanan ŋol?”

Yoa. 18:32

(Etiyakinosi ŋun, ikotere kiyookinotor ŋakiro ŋuna alimunit Yesu, itoodiunit epite ŋolo etwania iŋes.)

Yoa. 19:17

Toloma iŋes kiŋa eryoŋit emusalaba keŋ tari neni enyaritae “Akuulu”, enyaritae a Ŋaburaniyae “Gologota.”

Yoa. 3:14

Ikwaŋina abunio Moses kikyaarya analoŋisat emun ŋolo etiyaunitae a asuat, itemokino Lokoku a Ituŋanan daŋ kikyaarae kidiama ikwaŋinapei,

Yoa. 6:44

Emam idiotuŋanan ŋini ebuni neni kaŋ, mati keyau Papa ŋolo ekeyakuunit ayoŋ iŋes neni kaŋ, eteyaru iŋes Akoloŋit ŋina esidyon.

Yoa. 8:28

Aŋun, tolimok Yesu ikes tema, “Ani kidaut iyes akikyaar Lokoku a Ituŋanan kidiama, iŋes nai iponiata iyes ayenun atemar ‘Arae Ayoŋ ŋolo Arae Ayoŋ,’ toyenutu daŋ atemar nyetiyae ayoŋ idiobore aŋuna ka apedor kaŋ bon, nai erworo ayoŋ ŋuna eketatamit Papa kaŋ alimor.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.