Yoa. 12:26 - Ebaibul

²⁶ Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Yoa. 12:26 Iomraidhean Croise

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Ŋakit. 27:18

Ituŋanan ŋini edupi ŋiboboryo, enyami ŋaraito a ŋiboboryo a ŋul, ituŋanan ŋini iyokit ekapolon keŋ ejok, einakinio apolou.

Ekim. 14:24

Nai Kaleb bon eketiyan kaŋ, iŋes ayaari ayoŋ nakwap ŋina alosit iŋes akireb ka eruwor akwap ŋin ŋina a ŋiletok keŋ, anerae egelaana etau keŋ aneni a Ŋisirael a ŋuluce ka arubaki iŋes iwuapit ŋakiro kaŋ.

Ekim. 32:11

‘Kire mam ituŋanan alotuŋa a ŋulu etipeunete alo Ijipit ŋini erae ŋikaru ŋatomoniarei ka ŋikan ka adepar ŋini epedori akiŋolikin akwap ŋina abu ayoŋ ekoŋ ainakin Aburam, Isaka ka Yakob, anerae nyiwuapa ikes ŋuna kaŋ a acamit kec a daadaŋ,

Mat. 16:24

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Mat. 25:21

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyaror anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Mar. 8:34

Tonyarau Yesu asepic ka ŋikeekasyomak, tolimok ikes tema, “Ŋinituŋanan ecamit akiwuapakin ayoŋ, itemokino iŋes toŋero bon, toryoŋ emusalaba keŋ ekewuapak ayoŋ.

Luk. 12:37

Erereŋ nooi ŋiketiyak ŋulu erukauni ekapolon kec ekienyete apaki ŋina eboŋunio iŋes. Akalimokini ayoŋ iyes kire atemar, enyiki iŋes ŋilowi keŋ, kisiboik ikes tokorak akimuj.

Luk. 6:46

“Kaanukiro ikinyaritotor iyes ayoŋ ‘Ekapolon, Ekapolon,’ nyitiyaete bo ŋuna akalimokini ayoŋ iyes?

Luk. 9:23

Tolimok nai iŋes ikes daadaŋ tema, “Ŋinituŋanan ecamit akiwuapakin ayoŋ, itemokino toŋero bon, tosodi toryoŋ ekeemusalaba a ŋinakoloŋit ekewuapak ayoŋ.

Yoa. 10:27

Epupete ŋamesekin kaŋ ekaatoil, ayeni ayoŋ ikes ka ekewuapito ayoŋ.

Yoa. 13:16

Akalimokini ayoŋ iyes kire atemar, emam epito ŋolo epol akilo ekeekapolon, nabo daŋ emam ekiyakitono ŋolo epol akilo ŋolo iyakit iŋes.

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Yoa. 14:3

Ani kalot ayoŋ akitemokin akibois aŋuna kus, aboŋuni nai ayoŋ okocuna iyes neni kaŋ, ikotere kiboiyoto iyes daŋ aneni ayai ayoŋ.

Yoa. 15:20

Totamunito ŋuna adau ayoŋ alimokin iyes atemar, ‘Emam eketiyan ŋolo epol akilo ekeekapolon.’ Ani kekesicanito ikes ayoŋ, epote ikes akisican iyes daŋ; ani kiricakinito ikes ŋakiro kaŋ, iricakinete ŋuna kus daŋ.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Yoa. 21:22

Tolimok Yesu Petero tema, “Ani nai kerae acamit kaŋ aesikin iŋes kidoŋ nege tari ŋina aboŋunio ayoŋ, anu ikikamunito iyoŋ? Kiwuapakinae iyoŋ ayoŋ!”

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 14:18

Ituŋanan daadaŋ ŋini itiyanakini Kristo alopite a ŋol, elakar Akuj aŋuna keŋ ka itojokete ŋituŋa etic keŋ.

2 Ŋikor. 4:5

Nyikilimonokini isua ŋuna ikikamunito isua; nai ikilimonokini Yesu Kristo ikwapei Ekapolon, ka isua ikwapei ŋiketiyak kus aŋuna a Yesu.

2 Ŋikor. 5:8

Ikiyakar isua atitinyu, ido ikiburit isua nooi akimyekin ekuwane lo, ido oruko ke Ekapolon anakuj.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

Ŋikol. 3:24

anerae iyenete iyes atemar Ekapolon iŋes ikiinakini iyes eropit ŋolo iŋadakinit iŋes aŋuna a ŋituŋa keŋ. Kristo iŋes erae Ekapolon ŋolo a kire, ŋolo ijaanakinete iyes.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.

1 Yoa. 5:3

Epite lo iŋes erae amina Akuj: akiricakin Ŋakiciketa keŋ. Nyegogoŋ Ŋakiciketa keŋ,

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’