Yoa. 11:47 - Ebaibul

⁴⁷ Tocunakinos nai ŋisacaradotin ŋulu apolok ka Ŋiparisayon Natukot kec temasi, “Okoe, ikikokini ai? Kire itiyae ekile lo ŋakujuwuanisya ŋuna alalak.

Yoa. 11:47 Iomraidhean Croise

Mat. 26:3

Apotu nai ŋisacaradotin ŋulu apolok ka ŋikatukok tocunakinos kai a Kaipa a ŋolo apolokinit ŋisacaradotin;

Mat. 5:22

Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.

Mar. 14:1

Ani idoŋit ŋirwa ŋiarei todol akoloŋit ŋina a Paska, ŋina a ŋasuban a ŋamugati a ŋuna emam ŋakinyalet; kiwara ŋisacaradotin ŋulu apolok ka ŋiketatamak a Ŋikisila epite ŋolo kikamunet Yesu pa eyenio, toaryata iŋes.

Luk. 22:2

Ewarito ŋisacaradotin ŋulu apolok ka ŋiketatamak a Ŋikisila atukun epite ŋoloaret Yesu, nai akuryanito ikes aŋuna a ŋituŋa.

Yoa. 11:57

Aris nai ŋisacaradotin ŋulu apolok ka Ŋiparisayon kicika ŋituŋa atemar, ani ŋini eyeni neni eyai Yesu, itemokino kitaanyu ikes, ikotere kikamunae iŋes.

Yoa. 12:19

Kirworikinos nai Ŋiparisayon make temasi, “Toanyuwasi tokona, emam idiobore ŋini ikipedori iwon akitiyakin. Kiŋolikisi! Ewuapakis ŋituŋa daadaŋ iŋes!”

Yoa. 2:11

Arae ŋin akujuwuanut ŋina esyaunan ŋina etiyae Yesu alo Kana, anakwap a ŋina a Galileya. Alopite a ŋol kisileerek iŋes ikes apolou keŋ, tonupa ŋikasyomak keŋ iŋes.

Yoa. 6:2

Totupakis ŋituŋa ŋulu alalak Yesu, anerae keris ikes kiŋolikis ŋakujuwuanisya ŋuna etaŋaleunio Yesu ŋituŋa ŋulu adyakasi.

Yoa. 7:32

Kiirasi Ŋiparisayon ŋituŋa iŋaiŋaatar Yesu, kiyakiyasi nai ikes ka ŋisacaradotin ŋulu apolok ŋiketeok Akai ka Akuj akikamun iŋes.

Yoa. 7:45

Ani eboŋunete ŋisigarya, kiŋita ŋisacaradotin ŋulu apolok ka Ŋiparisayon ikes temasi, “Kaanukiro pa irikunioto iyes iŋes laalo?”

Ŋitic. 5:21

Kitiyata Ŋikiyakia ikwaŋina alimokinitere: ani taparacu eriŋa elilim, tolomasi Kai ka Akuj, kisyakis akitatam ŋituŋa. Ani edolunete Esacaradoti ŋolo Apolon nooi ka ŋirukitos keŋ, tonyaraut Atukot ka ŋikatukok daadaŋ ŋulu a Isirael iwapei. Kiyakiyasi nai ikes ŋisigarya mabus ayaun Ŋikiyakia.

Ŋitic. 5:24

Ani iirarete ekapolokiniton ŋiketeok ŋulu ka Akai ka Akuj ka ŋisacaradotin ŋulu apolok ŋakiro nu, totaaŋaŋa ikes nooi temasi, “Anu ta etakanunete aŋuna a ŋakiro a nu?”