Yoa. 11:25 - Ebaibul

²⁵ Tolimok Yesu iŋes tema, “Arae Ayoŋ ayarun ka akiyar, ŋinituŋanan akanupi ayoŋ, eyaruni tari ketwana daŋ.

Yoa. 11:25 Iomraidhean Croise

Ŋikiru. 36:9

Neni kon eyai eitanit ŋolo ka akiyar; nakica kon iŋes ikiteo isua akica.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Isa. 38:16

“Okoe Ekapolon, eyarete ŋituŋa tari anakiro a ŋuna ikote nu, etau kaŋ daŋ eyai napodo ŋina ikoni ŋin. Okoe kitaŋaleunoe ayoŋ ka kituruworoe ayoŋ ŋolo apedori akiyar.

Luk. 23:43

Tolimok Yesu iŋes tema, “Akalimokini ayoŋ iyoŋ kire atemar, napeikoloŋit na ikiruki iyoŋ ka ayoŋ anajakaanut a ŋina ka Akuj!”

Yoa. 1:4

Ayai akiyar daadaŋ neni keŋ, arae akiyar ŋin akica aŋuna a ŋituŋa.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 5:26

Ikwaŋinapei eyakar Papa akiyar tooma keŋ, ainaki iŋes Lokoku keŋ daŋ akiyar ikwaŋinapei.

Yoa. 6:35

Tolimok Yesu ikes tema, “Arae Ayoŋ akimuj ŋina ka akiyar. Ŋini enyami akimuj ŋin, nyenyami akoro jik ka ŋini akanupi ayoŋ, nyenyami akure jik.

Yoa. 6:44

Emam idiotuŋanan ŋini ebuni neni kaŋ, mati keyau Papa ŋolo ekeyakuunit ayoŋ iŋes neni kaŋ, eteyaru iŋes Akoloŋit ŋina esidyon.

Ŋitic. 3:15

Ido toara ekainakinan akiyar ŋolo abu Akuj kiteyaru alokatwak. Ikirae isua ŋisuudae ŋulu a ŋakiro a ŋun.

Ŋirom. 4:17

ikwapei igiritere Nakigireta ebe, “Ayoŋ Akuj eketuruwo iyoŋ papa a ŋibukui a ŋulu alalak.” Aŋun, erae Aburaam Paapa yok alokiŋaren Akuj ŋina abu iŋes tonup--Akuj ŋina iteyarununui ŋikatwak, ŋina iteyakauni analimunet keŋ ibore ŋini sek pa ayai.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

1 Ŋikor. 15:18

Iŋes nabo atemar, tari ŋulu atwaka enupito Kristo daŋ abukorosi.

1 Ŋikor. 15:29

Anukiro nai elosikinito ŋituŋa ŋulu ibatisao aŋuna a ŋikatwak a ŋulu nyibatisatae? Ani pa kiteyarunio ŋikatwak, ikwapei ebaakatar ŋice, kaanukiro nai ibatisaere ŋituŋa ŋul aŋuna a ŋikatwak?

2 Ŋikor. 4:14

Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

Ŋipil. 3:10

Eitanit ayoŋ ayenun Kristo ka aanyun apedor ŋina ka ayarun keŋ ka akimor alocan keŋ, ekwaanikinotor ka iŋes anatwanare keŋ;

1 Ŋites. 4:14

Ikinupit iwon atemar abu Yesu totwan ka abu toyaru, ikwaŋinapei, iteyaruni Akuj ŋikatwak ŋulu sek anupito Yesu, ido ya ikes kaapei ka Kristo neni keŋ.

Akis. 1:18

Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.

Akis. 20:5

(Nyeyarut ŋikatwak ŋuluce akitodol ŋina alunyarotor ŋikaru aliput apei.) Erae ŋin ayarun alokatwak ŋina esyaunan.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.