Yoa. 11:24 - Ebaibul

²⁴ Tolimok Marita iŋes tema, “Ayeni ayoŋ atemar iteyarunio iŋes Akoloŋit ŋina esidyon.”

Yoa. 11:24 Iomraidhean Croise

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Osea 13:14

Alakuni ayoŋ ikes anapedor a ŋina ka akibois a ŋikatwak nyalakuni ayoŋ ikes anatwanare. Okoe atwanare ai eya ŋakicanicaneta kon? Okoe akibois a ŋikatwak, ai eyai akinyasun kon? Nyesyonikini ayoŋ ŋituŋa lu jik!

Osea 6:2

Kelunyar ŋirwa ŋiarei, ikitojokukini iŋes iwon nabo, kelunyar ŋirwa ŋiuni ikiteyaruni iŋes iwon ikotere ikiyari alokiŋaren keŋ.

Luk. 14:14

Iryamuni iyoŋ arereŋu, anerae emam ikes ibore ikiinakinete iyoŋ. Ikitaci iyoŋ Akuj akoloŋit ŋina eyaruniata ŋituŋa ŋulu ajokak.”

Yoa. 11:23

Tolimok Yesu iŋes tema, “Eyaruni lokaato kon!”

Yoa. 6:39

Acamit a ŋolo ekeyakuunit ayoŋ, iŋes na: nyitemokino ayoŋ etooliyo idiotuŋanan ŋini akainaki iŋes ayoŋ; nai akilo, eteyaru ikes Akoloŋit ŋina esidyon.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

Ŋitic. 24:15

Egeno ayoŋ neni ka Akuj, ikwaŋinapei igenotor ikes lu, ebe eyarunete ŋikatwak ŋulu iyookino kaapei ka ŋulu nyiyookino.

Ŋibur. 11:35

Anupit iŋes aponiata ŋaberu toryamuniata nabo ŋiyeneta kec ŋulu sek atwakito, anerae aponi kiteyarunae. Apotu ŋice towuout alacakino, ido kisicanae totwaka, anerae acamito ikes akiteyaruno nakiyar ŋina ajokan adepar.