Yoa. 10:33 - Ebaibul

³³ Toboŋokis Ŋiyudayan iŋes temasi, “Meere aŋuna ke ediotic a ŋolo ajokan ikimasere isua iyoŋ, nai aŋuna iyanyia iyoŋ Akuj! Irae iyoŋ ituŋanan, nyo nai ibaakar iyoŋ ikwaanasi ka Akuj!”

Yoa. 10:33 Iomraidhean Croise

1 Ŋirw. 21:10

Tolemutu ŋikesitakinak a Nabos ŋiarei ŋulu erae ŋasyanisya, kisitakis Nabos aŋuna icenio Akuj ka erwosit; torikosi nai iyes iŋes kiŋa etaun tocaka a ŋamoru.”

Ŋikiru. 82:6

Abala ayoŋ, “Irae iyes ŋakujo, irae iyes daadaŋ ŋidwe ka Akuj a ŋina alokidiama nooi.

Ŋilep. 24:14

“Ya ekeyanyan ŋol kiŋa alomar; kimyek ŋituŋa daadaŋ ŋulu apupete ŋiyany keŋ kidokokis ŋakan kec nakou keŋ, ido ekaku, tocaka ŋituŋa daadaŋ ekile ŋol a ŋamoru.

Ŋilep. 24:16

Ituŋanan daadaŋ ŋini iyanyi ekiro ŋolo ke Ekapolon, emaikina toarae. Emaikina ŋituŋa daadaŋ tocaka iŋes a ŋamoru. Ituŋanan daadaŋ, kerae iŋes igelaanot, kori Esiraelit, ani kiyany iŋes ekiro ŋolo ke Ekapolon, emaikina toarae.

Yoa. 10:24

Tocunakinos Ŋiyudayan kirikaut Yesu temasi, “Ikitaŋayaŋayat mono iyoŋ isua tari ori? Ani kirae iyoŋ Kristo, tolimokinae ilereete.”

Yoa. 10:30

Ikirae ayoŋ ka Papa ŋipei.”

Yoa. 10:32

Tolimok Yesu ikes tema, “Eketoodik ayoŋ iyes ŋiticisyo ŋulu alalak ŋulu ajokak, ŋulu eponito aneni a Papa. Ali aloticisyo a ŋul icamitotor iyes akimasya ayoŋ a ŋamoru?”

Yoa. 19:7

Toboŋokis Ŋiyudayan temasi, “Eyakare isua Ekisil ŋolo ebala, itemokino iŋes totwan, anerae ebala, arae iŋes Lokoku ka Akuj.”

Yoa. 5:18

Ani iirarete ŋikarikok ŋakiro ŋun, toŋoa tocamito tari akiar Yesu; meere aŋuna abunio iŋes tobilia ekisil ŋolo a Sabato bon, nai daŋ aŋuna abaakar iŋes erae Akuj Papa keŋ--iŋes atemar iriyan ka iŋes.

Ŋirom. 13:1

Itemokino ŋinituŋanan tokerite ŋikapolok ŋulu ka apukan, anerae neni ka Akuj iŋes ebunitor apolou daadaŋ ka erae Akuj einakinit ikes apolou.

Ŋipil. 2:6

Ekoni iŋes Akuj, nai abu nyereikin arubakin iriyanikina ka Akuj.