Yoa. 10:3 - Ebaibul

³ Ebuni eketen ŋolo ke epuke aŋaar iŋes, iirarete ŋamesekin etoil keŋ, enyarae iŋes ŋamesekin keŋ a ŋirorwa kec, tomia ikes kiŋa.

Yoa. 10:3 Iomraidhean Croise

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Awos. 33:17

Tema Ekapolon neni a Moses, “Acamuni ayoŋ ŋakiro ŋun, ŋuna ilipa iyoŋ; anerae ijokiar iyoŋ aneni kaŋ ka ayeni ayoŋ ekiro kon.”

Ŋakit. 27:23

Emaikina ituŋanan eyeni ejok epite ŋolo eyakatar ŋamesekin keŋ, kidarite ejok ŋibaren kon;

Eete a Ŋie. 8:13

iyoŋ ŋolo iboi alomanikorin epupete ŋarukitos kaŋ etoil kon, kimyekinae ayoŋ eira etoil kon.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 10:16

Eyakasi ŋamesekin kaŋ ŋace ŋuna emam alosipan a lo; itemokino ayoŋ ocun ikes daŋ ka iirarete ikes etoil kaŋ; toruworos nai ikes epeisipan ŋolo ke epeikeyokon.

Yoa. 10:4

Ani keyau iŋes ŋamesekin keŋ daadaŋ kiŋa, iŋarenikini iŋes ikes, ido kiwuapakis ŋamesekin iŋes, anerae eyenete ikes etoil keŋ.

Yoa. 10:9

Arae Ayoŋ epuke; ituŋanan ŋini elomuni kitoru neni kaŋ, eiun iŋes; elomuni iŋes tooma ka elomari kiŋa, toryamu akimuj.

Yoa. 6:37

Ituŋanan daadaŋ ŋini akainit ayoŋ Papa kaŋ ebuni neni kaŋ, nyeritari jik ayoŋ iŋes ebuni neni kaŋ;

Yoa. 6:45

Igirit ekadwaran epei ebe, ‘Ebuni Akuj akitatam ŋituŋa daadaŋ.’ Ŋulu iirarete Papa, toyenut aneni kaŋ, epote neni kaŋ.

Ŋirom. 8:30

Aŋun, abu Akuj tonyarau ŋituŋa daadaŋ ŋulu aris iŋes ketyaka nawae ka ŋulu abu iŋes tonyara daŋ, abu kituruwo ŋulu iyookino alokiŋaren keŋ ka ŋulu abu iŋes kituruwo ŋulu iyookino alokiŋaren keŋ, abu kitopoloo ikes.

1 Ŋikor. 16:9

Anerae ayakar tokona ayoŋ apaki ŋina ajokan ŋina itemokino ayoŋ etiyaa etic ŋolo apolon ŋolo emaikina etiya, tari kelalak ŋiketepegak a ne.

Ŋipil. 4:3

Acamit ayoŋ iyoŋ daŋ Sisipo ŋolo irae erukitos kaŋ ananupit, kiŋarak ŋaberu ŋun; anerae ikitiya ayoŋ ka ikes ka agogoŋu nooi akisera Ŋakiro ŋuna Ajokak, kaapei ka Kilement ka ŋuluce daadaŋ ŋulu ikitiyae ka ayoŋ, ŋulu igiritae ŋirorwa kec Lokitaabo ŋolo ka Akiyar.

Ŋikol. 4:3

Kilipeneneete aŋuna kosi daŋ, ikotere ikiinakini Akuj isua apaki ŋina ajokan ŋina limonokinet ŋakiro ŋuna imunono, ŋuna erae ŋakiro a Kristo, ŋuna erae ikes pei ayakar ayoŋ mabus.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

1 Yoa. 4:6

Nai ikirae iwon ŋulu ka Akuj. Ŋini eyeni Akuj, epupi ŋakiro yok ka ŋini nyerae ituŋanan ŋini ka Akuj, nyepupi ŋakiro yok. Epite ŋol ikiyenunia iwon Etau ŋolo a kire ka ŋolo ka alyokonu.

3 Yoa. 1:14

egeno ayoŋ abunore atipei aanyun ka iyes, erworo kaapei ka iyes. Toyai neni kus ekisil. Ikimalaete iyes ŋikonei. Kimalata ŋikonei yok daadaŋ.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 3:20

Kiira! Awuoi ayoŋ alokek, ekoŋikoŋi. Ani kiira ituŋanan etoil kaŋ, ido toŋaa ekek, alomuni ayoŋ neni keŋ, emuja ka iŋes ka ikimuji iŋes ka ayoŋ.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”