Yoa. 10:28 - Ebaibul

²⁸ Ainakini ayoŋ ikes akiyar ŋina nyedaun, nyebukorosi ikes jik, emam daŋ ŋini ekopori ikes anakan kaŋ.

Yoa. 10:28 Iomraidhean Croise

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Ŋikiru. 31:5

Nakan kon Ekapolon ewuakini ayoŋ etau kaŋ. tolakunae ayoŋ, Ekapolon, irae Akuj ŋina ikinyoma.

Ŋikiru. 37:28

anerae emina Ekapolon ŋulu iyookino, ido nyimyekini ŋulu ikinyomito iŋes. Iyokiyo ŋulu iyookino ŋikaru ka ŋikaru, nai emunyaryo ŋidwe a ŋulu aronok.

Ŋakit. 24:16

anerae tari daŋ keryamut ŋituŋa ŋulu iyookino ŋican ŋarwa ŋakanikaarei, etenete nabo, nai ereunete ŋican ŋituŋa ŋulu aronok.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Isa. 27:3

“Ayoŋ Ekapolon arae eketen emanikor a epiini, a ŋinapaki abuki ayoŋ iŋes ŋakipi. Ete ayoŋ iŋes nakwaare ka naparan, ikotere nyinyasu ituŋanan idio iŋes;

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Yer. 23:4

Aseuni ayoŋ ŋikepukak aŋuna kec ŋulu ipukaete ikes, nyeyakaunotor ikes akuryanu nabo, kori nyekadakini, kori mam ikes ipei daŋ ŋini eŋopiyari.”

Yer. 31:3

abu ayoŋ otakanu neni kec aneni alwanan. Adau ayoŋ aminakin iyes ka amina a ŋina a ŋikaru ka ŋikaru, aŋun, arubak ayoŋ ekekinyomit iyes.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Luk. 23:46

Kiworou Yesu tema, “Papa! Ewuak ayoŋ ekaatau nakan kon!” Kedau alimun ŋun, kiridak.

Yoa. 10:29

Papa kaŋ, ŋolo akainakini ayoŋ, epol iŋes akilo daadaŋ, emam idiotuŋanan ŋini epedori akopor ikes anakan a Papa.

Yoa. 11:25

Tolimok Yesu iŋes tema, “Arae Ayoŋ ayarun ka akiyar, ŋinituŋanan akanupi ayoŋ, eyaruni tari ketwana daŋ.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Yoa. 17:2

Anerae iinak iyoŋ Lokoku apedor ŋinakipukaet ŋituŋa daadaŋ, ikotere iinakini akiyar ŋina nyedaun neni a ŋulu daadaŋ ibu iyoŋ inak iŋes.

Yoa. 18:9

(Arae ŋun akisiyookinio ŋakiro ŋuna sek alimunit iŋes ebala, “Papa, mam alokidiŋ ŋulu ibu iyoŋ ikiinak ayoŋ ŋini etooliyo ayoŋ.”)

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Yoa. 6:37

Ituŋanan daadaŋ ŋini akainit ayoŋ Papa kaŋ ebuni neni kaŋ, nyeritari jik ayoŋ iŋes ebuni neni kaŋ;

Yoa. 6:47

Akalimokini ayoŋ iyes kire atemar, ŋini enupi, eryamuni akiyar ŋina nyedaun.

Yoa. 6:68

Toboŋok Simoni Petero iŋes tema, “Ekapolon, neni a ŋae ikilosi? Iyakar iyoŋ ŋakiro ŋuna ka akiyar a ŋina nyedaun.

Ŋitic. 7:59

Ani erubakinete ikes ecakete iŋes, kilip tema, “Ekapolon Yesu, kijaa etau kaŋ!”

Ŋirom. 5:17

Erae kire atemar aŋuna ka asecit a ipeituŋanan abu atwanare togeu akipuka, aŋuna a ipeituŋanan a ŋin. Nai etya ai ŋuna apotu alotooma ŋuna adau Yesu Kristo akitiya? Ŋulu daadaŋ eryamunete ajokis ka Akuj ŋina alalan ka ainakinet keŋ ŋina ecamunere ikes erae ŋulu iyookino, eyarete ikes tokona ka ipukato asecit aŋuna a Yesu Kristo.

Ŋirom. 5:2

Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋirom. 5:9

Aŋuna ka atwanare keŋ, adaun acamun iwon ikirae ŋulu ikiyookino alokiŋaren Akuj. Ani kikote nen, kire jik ikiuni Kristo iwon ananyunyura a ŋina ka Akuj.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

Ŋikis. 33:3

Okoe iyoŋ ŋolo ikiminasi ŋituŋa daadaŋ, iyoki iyoŋ ŋituŋa daadaŋ ŋulu asegak, ilipete ikes neni kon, iwuapito ikes ŋakiro ŋuna ilimokini iyoŋ ikes.

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

2 Ŋites. 2:13

Ŋikaitotoi, itemokino isua olakaros neni ka Akuj ŋapakio daadaŋ aŋuna kus a ŋulu ikimina Ekapolon. Anerae abu Akuj itoseu iyes anakisyakinet aŋuna ka aiuno alotooma akiteseguno kus aneni ke Etau a ŋolo Asegan ka alotooma anupit kus ŋakiro ŋuna a kire.

1 Tim. 1:16

nai aponi ekesyoni ayoŋ; ikotere nai itoodiuni Yesu Kristo akidaŋidaŋ keŋ daadaŋ alotooma ŋuna abu iŋes ekiŋaren kitiya neni kaŋ. Alopite a lo, abu eketuruwo ayoŋ akitaanyikinet neni a daadaŋ a ŋulu epote ekaku akinup Yesu, ido toryamut akiyar ŋina nyedaun.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

1 Yoa. 1:2

Ŋina esileereunere akiyar ŋin, ikipotu isua oanyuwasi iŋes ka ikiteyenunit ŋuna keŋ ka ikiserae neni kus akiyar ŋina nyedaun, ŋina aya kaapei ka Akuj Papa, ŋina aponi kisileereunoe neni kosi.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

1 Yoa. 2:25

Ibore ŋini ikiinit Lokoku iwon iŋes en: akiyar ŋina nyedaun.

1 Yoa. 5:11

Alimoret iŋes na: Ikiinak Akuj iwon akiyar ŋina nyedaun ka ebunit akiyar na aneni a Lokoku keŋ.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Yud. 1:21

Kiboiyete alotooma amina ŋina ka Akuj, eriŋa idarito iyes Ekapolon yok Yesu Kristo ainakin iyes akiyar ŋina nyedaun anakisyon keŋ.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

1 Sam. 2:9

Iuryari Ekapolon akiyar a ŋituŋa keŋ a ŋulu anupak, nai itoŋopiyari iŋes ŋikasecak, itolomari nakiryonut; anerae nyiloununui ituŋanan ŋinibore aŋuna ka agogoŋu keŋ a ilope.