Yoa. 10:16 - Ebaibul

¹⁶ Eyakasi ŋamesekin kaŋ ŋace ŋuna emam alosipan a lo; itemokino ayoŋ ocun ikes daŋ ka iirarete ikes etoil kaŋ; toruworos nai ikes epeisipan ŋolo ke epeikeyokon.

Yoa. 10:16 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Ŋikiru. 86:9

Ibu iyoŋ tosub ŋituŋa daadaŋ, aŋun epote ikes akilip neni kon, okoe Ekapolon; epote ikes akitopoloor ekiro kon;

Ekal. 12:11

Ikwaan ŋakiro a ŋikaosok ka ŋamorokin ŋuna eiitaaka ŋuna isitiyaete ŋikeyokok a ŋamesekin akiyokiyo, ikwaan ŋakitadapeta ŋuna igirito ŋikaosok ka ŋisumari ŋulu egogoŋ aneni ibubukinitoe. Erae Akuj abu inak ŋikaosok ŋakiro ŋun, Akuj ŋina erae Ekeyokon yok a daadaŋ.

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 43:6

Alimokini ayoŋ ŋituŋa ŋulu alo Kide ebe, “Tojala ikes,” alimokini ayoŋ ŋituŋa ŋulu alo Kwap ebe, “Nyiwouniata ikes; yautu ŋidwe kaŋ ŋulusapa aneni alwanan ka ŋidwe kaŋ ŋulupesur anakisaleta a akwap.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Esek. 34:23

“Ewuakini ayoŋ ekeyokon epei kiyok ikes, ekeyokon ŋol iŋes Daudi eketiyan kaŋ, itani iŋes ŋamesekin kaŋ, iyokiuni ejok erae ekeyokon kec.

Esek. 34:6

Apotu ŋamesekin kaŋ kielaros, apotu kitwaŋata alokidiama ŋikamukumukui daadaŋ ka anawaetin a ŋikamukumukui a daadaŋ a ŋulu aoyak, apotu ŋamesekin kielaros nakwap daadaŋ, todaun ituŋanan iwarari, kori iŋitanari neni eya.

Esek. 37:22

Eturuwori ayoŋ ikes apukan apei anakwap alokidiama ŋikamukumukui ŋulu a Isirael. Ipukae ikes daadaŋ erwosit epei bon, mam nabo nyetyakasi ikes toruwor ŋakwapin ŋaarei, kori ŋapukasinei ŋaarei.

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Luk. 15:8

“Kori ikokini ai aberu ŋina eyakar ŋisilipae ŋitomon, ido tocakar epei? Emam mono nyinokakini iŋes etaa, topyeu akai, kiwar ŋiwaetin ka akai daadaŋ tari ŋina eryamunia a?

Yoa. 10:11

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

Yoa. 10:2

Nai ituŋanan ŋini elomari alopuke a ŋolo ka anok, erae iŋes kire ekeyokon ŋolo a ŋamesekin.

Yoa. 10:27

Epupete ŋamesekin kaŋ ekaatoil, ayeni ayoŋ ikes ka ekewuapito ayoŋ.

Yoa. 10:3

Ebuni eketen ŋolo ke epuke aŋaar iŋes, iirarete ŋamesekin etoil keŋ, enyarae iŋes ŋamesekin keŋ a ŋirorwa kec, tomia ikes kiŋa.

Yoa. 10:4

Ani keyau iŋes ŋamesekin keŋ daadaŋ kiŋa, iŋarenikini iŋes ikes, ido kiwuapakis ŋamesekin iŋes, anerae eyenete ikes etoil keŋ.

Yoa. 10:5

Nyiwuapakinete ikes ituŋanan ŋini egelaana, nai esurorosi nariet, anerae nyeyenete ikes ŋitoilon a ŋituŋa a ŋulu gelayek.”

Yoa. 11:52

Meere aŋuna ka akwap a ŋin bon, nai ikotere ecunakini iwapei ŋidwe ŋulu ka Akuj, ŋulu ielara.

Yoa. 17:20

“Nyelipakinit ayoŋ ikes make, nai elipakinit tari ŋulu akanupete ayoŋ aŋuna ka akitatam kec.

Yoa. 6:37

Ituŋanan daadaŋ ŋini akainit ayoŋ Papa kaŋ ebuni neni kaŋ, nyeritari jik ayoŋ iŋes ebuni neni kaŋ;

Ŋitic. 15:14

Adau Simoni Petero alimun epite ŋolo esyaunia Akuj alemun ateker keŋ alotooma ŋituŋa ŋulu nyerae Ŋiyudayan, kituruwo ŋulu keŋ.

Ŋitic. 18:10

anerae ikirukit ayoŋ ka iyoŋ. Emam ituŋanan epedori akiwan iyoŋ, anerae ŋituŋa ŋulu alalak alotaun a lo, erae ŋulu kaŋ.”

Ŋitic. 22:14

Tema nai iŋes, ‘Ikiseu iyoŋ Akuj ŋina atapapaa yok ayenun acamit keŋ, aanyun Eketiyan keŋ ŋolo iyookino ka akiirar iŋes irworo a etoil keŋ ke elope.

Ŋirom. 11:25

Ŋikaitotoi kaŋ, eya ŋakiro ŋuna a kire ŋuna ka akimunono ŋuna acamit ayoŋ iyes toyenut. Ikitojoŋoe nen iyes akitam atemar kori iosok iyes. Ikote ŋakiro ne: nyerae akisyaanua Ŋisirael a ŋice ŋinaruba, nai edaun anapaki a ŋina ecamuniata daadaŋ ŋulu eseunitae aneni a ŋulu nyerae Ŋiyudayan ŋakiro ka Akuj.

2 Ŋites. 2:13

Ŋikaitotoi, itemokino isua olakaros neni ka Akuj ŋapakio daadaŋ aŋuna kus a ŋulu ikimina Ekapolon. Anerae abu Akuj itoseu iyes anakisyakinet aŋuna ka aiuno alotooma akiteseguno kus aneni ke Etau a ŋolo Asegan ka alotooma anupit kus ŋakiro ŋuna a kire.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.

Akis. 3:20

Kiira! Awuoi ayoŋ alokek, ekoŋikoŋi. Ani kiira ituŋanan etoil kaŋ, ido toŋaa ekek, alomuni ayoŋ neni keŋ, emuja ka iŋes ka ikimuji iŋes ka ayoŋ.