Yoa. 10:10 - Ebaibul

¹⁰ Elomuni ekokolan akoko bon, akiar ka akinyasun ŋamesekin; nai abunit ayoŋ ainakin ikes akiyar, akiyar ŋina ka akileile.

Yoa. 10:10 Iomraidhean Croise

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mat. 18:11

Anerae abuni Lokoku a Ituŋanan aiun ŋulu eolito.]

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 21:13

tolimok ikes tema, “Igiritae Nakigireta atemar, ebala Akuj, ‘Enyarao Akai kaŋ Akai ŋinakilipet.’ Nai tokona ituruwosi iyes iŋes Akai ŋina eŋopitotor ŋikokolak.”

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mar. 11:17

Kisyak Yesu akitatam ebala, “Elimunitoe alotooma Ŋakigireta ebe, ‘Enyarao Akai kaŋ Akai ŋina ilipyata ŋituŋa ŋulu a ŋibukui a daadaŋ,’ nai tokona, ituruwosi iyes iŋes Akai ŋina eŋopitotor ŋikokolak!”

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Yoa. 10:1

Tolimu Yesu tema, “Akalimokini ayoŋ iyes kire atemar, ituŋanan ŋini nyelomari nanok ŋina a ŋamesekin alopuke, nai todoka tooma alowae ke ece, erae ituŋanan ŋin ekokolan ka ekademanaran.

Yoa. 10:11

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

Yoa. 12:47

Ani kiira ituŋanan ŋakiro kaŋ nyiwuapak, nyatubokini ayoŋ iŋes. Pa abuni ayoŋ atubonokin ŋituŋa ŋulu ka akwap, nai aiun ikes.

Yoa. 12:6

Pa alimunit iŋes ŋun aŋuna esyonitotor iŋes ŋikulyak, nai aŋuna araakar ekokolan. Eŋadae iŋes ecwee ŋolo a ŋisiliŋa ka alemanari ŋisiliŋa ŋulu ewuakinitae tooma keŋ.

Yoa. 3:17

Anerae pa eyakuunit Akuj Lokoku keŋ atubokin akwap, nai ikotere eunio akwap aŋuna keŋ.

Yoa. 5:40

Nai iwounito bo iyes aponare neni kaŋ, ikotere toryamuniata akiyar.

Yoa. 6:33

Anerae akimuj ŋina ka Akuj iŋes ŋina ebunit anakuj ainakin akwap akiyar.”

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Ŋirom. 2:21

Ani nai kitatami iyoŋ ŋuluce, nyo bo nyitatamar iyoŋ bon? Itatami iyoŋ ŋuluce ibala “Nyikoko” -- nai nyikokoenene iyoŋ a?

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

Ŋibur. 6:17

Ikwaŋinapei, acamit Akuj akisileerekin neni a ŋulu eikinit iŋes atemar nyilocokini iŋes ŋuna adau akiikin. Aŋun, abu kiyatak akikoŋiet nakiikinet keŋ.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

2 Pet. 1:11

Alopite a lo, iryamunete iyes apedor ŋinalomaret Napukan ŋina nyedaun, ŋina ke Ekapolon ka Ekaiunan Yesu Kristo.