Yoa. 1:51 - Ebaibul

⁵¹ Kiyatak iŋes tema, “Akalimokini ayoŋ iyes kire atemar, iŋolikinete iyes nakuj eŋaara ka ŋimalaikan elosete kidiama ka eponito kwap neni a Lokoku a Ituŋanan.”

Yoa. 1:51 Iomraidhean Croise

Akisy. 28:12

Ani ejotoe iŋes, kiruja, kiŋolik adoket ewoi anyoun alokwap tari nakuj; kiŋolik ŋimalaikan ŋulu ka Akuj elosete kidiama ka eponito kwap anadoket a ŋin.

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.

Mat. 26:24

Etwani Lokoku a Ituŋanan ikwaŋina igiritere Nakigireta aŋuna keŋ, nai eroko nooi ŋakiro ŋuna eryamuni ŋolo ipotori Lokoku a Ituŋanan! Kejoikinit koloŋ ekile ŋol nyidoun!”

Mat. 3:16

Ani kedaun Yesu akibatis, todoku iŋes anakipi tosodi toŋaari nakuj, kiŋolik iŋes Etau ŋolo ka Akuj ebuni alokidiama ikoni akuri, todo neni keŋ.

Mat. 4:11

Torotok nai Satan aneni a Yesu, tosodi potu ŋimalaikan ŋulu ka Akuj kiŋarakis iŋes.

Mat. 8:20

Toboŋok Yesu iŋes tema, “Eyakatar ŋikweei ŋaduyon ka eyakatar ŋikyeny ŋakais; nai emam Lokoku a Ituŋanan neni kieŋunet.”

Mat. 9:6

Nai acamit ayoŋ iyes toyenut atemar eyakar Lokoku a Ituŋanan apedor ŋinakisyoniyet ŋasecisya anakwap.” Tolimok iŋes ekaŋwalan tema, “Tonyou, tolema aperyet kon, tolot lore!”

Mar. 1:10

Ani elomuni Yesu anakipi, toanyuwa nakuj eŋaara, bu Etau ŋolo Asegan kidiama keŋ ikoni akuri.

Mar. 14:62

Toboŋok Yesu tema, “Arae; nabo iŋolikinete iyes Lokoku a Ituŋanan iboi aloteten Akuj ŋina alokidiama nooi ka ebuni alodowuon a ŋulu anakuj!”

Luk. 2:13

Ŋinapeipaki, bu asepic ŋina a ŋimalaikan anakuj, kimorikin ka emalaika ŋol, toeikis ipurosi Akuj ebasi,

Luk. 2:9

Totakanik emalaika ŋolo ke Ekapolon neni kec, tocaik akica ŋina ke Ekapolon ikes, tokuryaketa ikes nooi.

Luk. 22:43

Bu emalaika anakuj, kitogogoŋ iŋes.

Luk. 22:69

Nai ameun tokona, iboikin Lokoku a Ituŋanan teten Akuj ŋina alokidiama nooi!”

Luk. 24:4

Ani eriŋa ikes ewuasi a nen eŋayaŋayato a ŋakiro a ŋun, towua ŋinapeipaki ŋikilyok ŋiarei ŋulu anapito ŋilowi ŋulu amilimilete alodiye kec.

Luk. 3:21

Apeikoloŋit kedaun akibatis ŋituŋa daadaŋ, kibatisae Yesu daŋ. Ani eriŋa Yesu ilipi, toŋaar nakuj.

Yoa. 1:50

Tema Yesu, “Inup iyoŋ tokona aŋuna alimunio ayoŋ atemar akaanyuwarit iyoŋ alokwap ebobore a? Ibuni iyoŋ aanyun ŋakiro ŋuna apolok nooi akilo ŋun.”

Yoa. 10:1

Tolimu Yesu tema, “Akalimokini ayoŋ iyes kire atemar, ituŋanan ŋini nyelomari nanok ŋina a ŋamesekin alopuke, nai todoka tooma alowae ke ece, erae ituŋanan ŋin ekokolan ka ekademanaran.

Yoa. 10:7

Aŋun, tolimok Yesu ikes nabo tema, “Akalimokini ayoŋ iyes kire atemar, Arae Ayoŋ epuke ŋolo a ŋamesekin.

Yoa. 13:16

Akalimokini ayoŋ iyes kire atemar, emam epito ŋolo epol akilo ekeekapolon, nabo daŋ emam ekiyakitono ŋolo epol akilo ŋolo iyakit iŋes.

Yoa. 13:38

Toboŋok Yesu iŋes tema, “Ijali kire iyoŋ akiyar kon aŋuna kaŋ a? Akalimokini ayoŋ iyoŋ kire atemar, eriŋa ekokoroit nyeruuno, ipegi iyoŋ ŋapeget ŋauni atemar ikiyeni ayoŋ.”

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Yoa. 16:20

Akalimokini ayoŋ iyes kire atemar, ipote iyes akigworo ka akiwolol, nai elelyani akwap nooi; ipote iyes akiyaloloŋ, nai ibelekin akiyaloloŋ kus toruwor alelyan.

Yoa. 16:23

“Ani ŋina edolunio Akoloŋit ŋin, emam idiobore ipote iyes akiŋit ayoŋ. Nai akalimokini ayoŋ iyes kire atemar, ibore daadaŋ ŋini iŋitasi iyes alokiro kaŋ, ebuni Papa kaŋ ainakin iyes.

Yoa. 21:18

Akalimokini ayoŋ iyoŋ kire atemar, ŋina iriŋaakar iyoŋ isorokana, ibu iyoŋ kitemonokin, tonyou tolot neni icamit. Nai ŋina imojoŋi, ikeari iyoŋ ŋakan kon, ikitemok icetuŋanan iyoŋ itoriko neni nyicamit iyoŋ alosit.”

Yoa. 3:3

Toboŋok Yesu iŋes tema, “Akalimokini ayoŋ iyoŋ kire atemar, emam ituŋanan epedori akiŋolikin Apukan ka Akuj, mati kidoun iŋes nabo.”

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Yoa. 5:19

Tolimok Yesu ikes tema, “Akalimokini ayoŋ iyes kire atemar, emam idiobore ŋini epedori Lokoku akitiya bon, nai itiyae iŋes ŋuna make iŋolikini iŋes Akuj Papa keŋ itiyae, anerae ŋuna daadaŋ itiyae Papa, itiyae Lokoku daŋ ikwaŋinapei.

Yoa. 5:27

Adau iŋes ainakin Lokoku apedor ŋina tubokinet, anerae erae iŋes Lokoku a Ituŋanan.

Yoa. 6:26

Toboŋok Yesu ikes tema, “Akalimokini ayoŋ iyes kire atemar, ikiwarito iyes ayoŋ meere aŋuna iponiata toyenut apolou a ŋakujuwuanisya, nai erae aŋuna iponiata kimuja ŋamugati, kimwoko.

Yoa. 6:32

Tolimok Yesu ikes tema, “Akalimokini ayoŋ iyes kire atemar, pa arae Moses ikiini iyes akimuj ŋina anakuj, nai Papa kaŋ ikiinakini iyes akimuj ŋina a kire ŋina anakuj.

Yoa. 6:47

Akalimokini ayoŋ iyes kire atemar, ŋini enupi, eryamuni akiyar ŋina nyedaun.

Yoa. 6:53

Aŋun, tolimok Yesu ikes tema, “Akalimokini ayoŋ iyes kire atemar, ani pa kimuja iyes akuwan a Lokoku a Ituŋanan ka tomata ŋaokot keŋ, nyiyakaunotor akiyar tooma kus.

Yoa. 8:34

Toboŋok nai Yesu ikes tema, “Akalimokini ayoŋ iyes kire atemar, ŋini eseci, aruwor epito ŋolo ka asecit.

Yoa. 8:51

Akalimokini ayoŋ iyes kire atemar, ŋini iricakini ŋakiro kaŋ, nyetwani jik.”

Yoa. 8:58

Tolimok Yesu ikes tema, “Akalimokini ayoŋ iyes kire atemar, tari eriŋa Aburaam nyeuruuna, Arae Ayoŋ ŋolo Arae Ayoŋ!”

Ŋitic. 10:11

Toanyuwa iŋes nakuj eŋaara ka iyooliunitoe kwap ibore ŋini ekoni anaŋga ŋina apolon, iyooliunitoe kwap alocileta a ŋuluomwon.

Ŋitic. 7:56

Tocelu Stepano tema, “Kiŋolikisi! Ete ayoŋ nakuj eŋaara ka Lokoku a Ituŋanan ewuoi alowae a ŋolo aloteten Akuj!”

2 Ŋites. 1:7

ka ikisieŋuni iyes ŋulu iryamunito ŋican ka ikisieŋuni isua daŋ. Itiyakini iŋes ŋun apaki ŋina etakanunia Ekapolon Yesu anakuj kaapei ka ŋimalaikan keŋ ŋulu eyakatar apedor.

2 Ŋites. 1:9

Eryamunete ikes akisicanio ŋina ka akinyasuno a ŋina nyesaluni; etyakaryo ikes aneni ke Ekapolon ka nyiŋolikinete ikes apolou ka apedor keŋ.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Yud. 1:14

Arae ikotere ikes abunio Enok ŋolo a ŋikanikaarei alokidiŋ ŋipapae ŋulu ka Adam todwarya tema, “Topupokisi! Erukunete Ekapolon ka ŋimalaikan keŋ ŋulu nyimarun,

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 4:1

Ani kelunyar ŋun, abu oanyuwa ekek eŋaara anakuj! Abu nabo eira etoil ŋolo sek aris ayoŋ keira irworo neni kaŋ ikwa arupepe ebala, “Bua laalo eketoodik ŋuna itemokino totakanut ekaku a nu.”