Yoa. 1:38 - Ebaibul

³⁸ Kiŋoliya Yesu kaku, kiŋolik ikes iwuapito iŋes, kiŋit tema, “Nyo iwarito iyes?” Toboŋokis ikes temasi, “Rabbi (iŋes atemar Eketataman)! Ai eyai ekonire?”

Yoa. 1:38 Iomraidhean Croise

1 Ŋirw. 10:8

Okoe etya alakara a ŋikilyok a akwap kon ai! Okoe etya alakara a ŋikapolok anapukan kon ai a ŋulu irukito ka iyoŋ jwi jwi topupete ŋakiro ŋuna ka aosou ŋuna irworo iyoŋ ai!

Ŋikiru. 27:4

Ibore ipei ŋini eitanit ayoŋ, ŋini adau ayoŋ akiŋit Ekapolon; iŋes akiboi alo Kai ke Ekapolon ŋirwa daadaŋ ŋulu ka akiyar kaŋ, arubakini ete akibuses ŋina ke Ekapolon ka akiwar acamit keŋ alo Kai keŋ.

Ŋakit. 13:20

Ituŋanan ŋini erukito ka ŋikaosok, eruwor ŋini eos, nai ituŋanan ŋini erukito ka ŋibaŋaanotin, eryamuni ŋican.

Ŋakit. 3:18

Erae aosou ekitoe ŋolo ka akiyar aneni a ŋulu einakina neni ka aosou, eryamunete ŋulu einakina neni ka aosou ŋarereŋisyo.

Ŋakit. 8:34

Erereŋ ituŋanan ŋini epupi ŋakiro kaŋ, erereŋ ŋini iboi a ŋinakoloŋit alopukei kaŋ, erereŋ ŋini idarit alodiyete ŋipukei kaŋ aryamun ŋuna ecamit.

Aum. 5:19

Nai okoe Ekapolon, iyoŋ irae erwosit ŋolo a ŋikaru ka ŋikaru. Erubakini apukan kon ananyameta a daadaŋ.

Luk. 10:39

Ayai nakaato keŋ a Marita ŋina anyaritae Maria, ŋina abu kiboikin nakejen a Yesu akipup ŋakiro ŋuna etatami iŋes.

Luk. 14:25

Ani elosete ŋasepico ŋuna a ŋituŋa ka Yesu kaapei, toboboŋ Yesu tolimok ikes tema,

Luk. 15:20

Tonyou nai iŋes, tolot neni a papa keŋ. “Ani eriŋa iŋes elwana, towuat papa keŋ iŋes ebunit kisyoni iŋes, kikomak kisiryamia, totunakin, tonu iŋes.

Luk. 19:5

Ani edoli Yesu lokitoe ŋol, kireo kidiama tolimok Sakayo tema, “Sakayo, todoku atipei, acamit ayoŋ aruwor epeyonon nakoloŋit na alokai kon.”

Luk. 22:61

Toboboŋ Ekapolon Yesu kitek Petero. Totamu Petero ŋakiro ŋuna alimokinit Yesu iŋes atemar, “Eriŋa ekokoroit nyeruuno nakoloŋit na, ipegi iyoŋ ŋapeget ŋauni atemar ikiyeni ayoŋ.”

Luk. 8:38

Tosodi ekile ŋolo sek eritaryo ŋipyan aneni keŋ, kimaima Yesu arukor ka iŋes. Nai kitoboŋo Yesu iŋes lore keŋ tema,

Yoa. 1:37

Ani iirarete ŋikasyomak ŋuluarei ŋakiro ŋun, kiwuapakis ikes Yesu.

Yoa. 1:39

Toboŋok Yesu ikes tema, “Potu, ido ianyunete.” Toloto nai ikes, toanyut neni eboiyo iŋes, toruko ka iŋes akoloŋit ŋin. Aapiyarit apaki ŋin ŋisaae ŋitomon ŋulu ka apaaran.

Yoa. 1:49

Toboŋok Nasaniel tema, “Eketataman, irae iyoŋ Lokoku ka Akuj ka irae Erwosit ŋolo a Isirael.”

Yoa. 12:21

Toloto ikes neni a Pilipo (a ŋolo abunit alo Betesaida, anakwap a Galileya), tolimokis iŋes temasi, “Ekapolon, ikicamit isua aanyun Yesu!”

Yoa. 18:4

Ayeni Yesu ŋakiro daadaŋ ŋuna itiyakinio neni keŋ, kikomau kiŋaren kec, kiŋit tema, “Ŋae iwarito iyes?”

Yoa. 18:7

Kiŋit Yesu ikes nabo tema, “Ŋae iwarito iyes?” Temasi ikes, “Yesu ŋolo a Nasaret.”

Yoa. 3:2

Abu iŋes tolot nakwaare neni a Yesu tolimok tema, “Eketataman, ikiyeni isua atemar irae iyoŋ eketataman ŋolo ibunit aneni ka Akuj, anerae emam idiotuŋanan epedori akitiya ŋakujuwuanisya ŋuna itiyae iyoŋ, mati erukito Akuj ka iŋes.”

Yoa. 3:26

Potu ikes neni a Yoana temasi, “Eketataman, itamunit iyoŋ ekile ŋolo irukitotor iyoŋ alo Kide aŋolol Yorodan, ŋolo ibu iyoŋ ikiteyenik isua a? Ibatisae iŋes ŋituŋa tokona ka acunar ŋituŋa daadaŋ neni keŋ!”

Yoa. 4:31

Ani eriŋa ikes eponito, kimaimaa ŋikasyomak Yesu temasi, “Eketataman, kimuj kare ca!”

Yoa. 6:25

Ani eryamunete ŋituŋa Yesu alokekwaye anam, kiŋita iŋes temasi, “Eketataman, ori idolunio iyoŋ nege?”

Ŋitic. 10:21

Todoka nai Petero kwap, tolimok ŋikilyok ŋuluuni tema, “Ayoŋ iŋes ŋolo iitanito iyes. Anukiro iponitotor iyes?”

Ŋitic. 10:29

Aŋun, ani akaomunio ayoŋ, abu nyawou. Eŋita nai ayoŋ ŋakiro ŋuna ikinyaritotor iyes ayoŋ.”

Rus. 1:16

Tema Rus, “Nyikidyek ayoŋ akimyekin iyoŋ, aboŋor emyek akiwuapit iyoŋ, anerae neni ilosi iyoŋ, alosi ayoŋ daŋ. Neni iboikin iyoŋ, eboikin ayoŋ daŋ. Ŋituŋa kon eruwor ŋituŋa kaŋ ka Akuj kon eruwor Akuj kaŋ.