Yoa. 1:3 - Ebaibul

³ Abu Akuj tosub ŋiboro daadaŋ aneni keŋ; kerae tomam iŋes, pa kesubunitae idiobore.

Yoa. 1:3 Iomraidhean Croise

Akisy. 1:1

Anakisyakinet, abu Akuj tosub kidiama ka akwap.

Akisy. 1:26

Tema nai Akuj, “Osubutu ŋituŋa eyakatar ŋasima yok, ikikwaan ka iwon; kipukata ikes ŋityaŋ ŋulu ka anam, ŋikyeny ŋulu alokidiama, ŋibaren ka ŋityaŋ daadaŋ ŋulu ka akwap ta ibore daadaŋ ŋini elyat alokwap.”

Ŋikiru. 102:25

Koloŋo sek, ibu iyoŋ tosub akwap, ido ibu iyoŋ anapedor kon tosub nakuj.

Ŋikiru. 33:6

Abu Ekapolon tosub nakuj a akirot a ŋina alimuni iŋes. abu Ekapolon tosub ibore daadaŋ ŋini eyai kidiama a ŋakiro a ŋuna alimuni iŋes.

Ŋakit. 8:30

Ayai ayoŋ diyete keŋ ikwapei ŋini eyeni akitiyaun ibore ejok, arae ayoŋ alakara aneni keŋ a ŋinakoloŋit, alelyani ayoŋ alokiŋaren a ŋinakoloŋit.

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Yoa. 1:10

Ayai Akirot nakwap, tosub Akuj akwap aneni keŋ, nai nyeyenuna akwap iŋes.

Yoa. 1:2

Ŋinapei anakisyakinet arukito iŋes ka Akuj.

1 Ŋikor. 8:6

nai aneni yok eyai Akuj apei bon, Papa ŋolo asubi ŋiboro daadaŋ, ŋolo ikiteyari iwon ka eyai iwon Ekapolon epei bon, Yesu Kristo ŋolo asubia Akuj ŋiboro daadaŋ, ido iŋes ikiyarya iwon.

Ŋiep. 3:9

Aponi daŋ okinakin akisileerekin lotuŋa epite ŋolo itiyakinia Akuj ŋuna imunono ŋuna elosikinit iŋes. Abu Akuj, ŋina erae akasuban a ŋiboro daadaŋ kiwua ŋuna imunono ŋun ŋikaru daadaŋ ŋulu alunyarosi;

Ŋibur. 11:3

Anupit iŋes ikiyenia iwon atemar kesubi Akuj akwap kan akirot keŋ, aŋun ibore ŋini ikite iwon, kitiyaunio aloboro a ŋulu nyetakanete.

1 Yoa. 5:1

Ŋini enupi atemar Yesu iŋes erae Kristo, erae iŋes ikoku ka Akuj, ŋini emina ekauruunan, emina ikoku keŋ daŋ.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”