Yoa. 1:29 - Ebaibul

²⁹ Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 1:29 Iomraidhean Croise

Awos. 28:38

Emaikina enapit Aron akaparaparat ŋin aloreet keŋ. Adyakaret daadaŋ ŋina eyakaun nainakineta ŋuna adaut Ŋisirael akitaleun ainakin ayoŋ, eruwor nakou ka Aron. Eruwor adyakaret ŋinaruba aneni ka Aron, nai Ŋisirael ŋuluce eruwor ŋulu italakarito Ekapolon.

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Isa. 53:7

Aponi iŋes kitokokiyanae ka kisicanae, nai nyelimuno iŋes akirot adio, ikwa ikale ŋinimesek ŋini erikoryo akiŋol, eliliŋi iŋes lopite ŋolo ililiŋia amesek alokiŋaren ŋulu etubete ŋajul keŋ; ikwaŋinapei abu iŋes nyelimu akirot adio.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Ŋilep. 10:17

“Kaanukiro pa inyamyata iyes ainakinet aŋuna ka asecit ŋin anakibois a ŋina italeunitoe? Anerae erae ŋin ainakinet ŋina eseg nooi, ido adau Akuj ainakin iyes ainakinet ŋin alemarya asecit aneni a ŋituŋa, tomookut ikes alokiŋaren Ekapolon.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Ekim. 18:1

Kirwor Ekapolon neni ka Aron tema, “Ŋiyany daadaŋ ŋulu iyanyere akibois ŋina asegan, eruwor nakou kon ka nakyes a ŋidwe kon a ŋulusapa ta nakyes a ŋituŋa a daadaŋ a ŋulu a ekabila a papa kon; nai iyanyi ŋulu iyanyere asacaradotonu, eruwor nakou kon bon ka nakyes a ŋidwe kon a ŋulusapa bon.

Ekim. 18:23

Nai ŋilepi ikes itiyaete ŋiticisyo aloeema a ŋolokilipet, asecit daadaŋ ŋina itiyaete ikes a nen, eruwor nakyes kec; eruwor ŋun ŋakiro ŋuna etubunitoe ŋuna emaikina kiwuapae ŋikaru ka ŋikaru. Nai nyeryamunete ŋadilup alo Isirael,

Ekim. 21:9

Abu nai Moses kitiyau etorube a emun a eburonis, ido kikacak lopir; apaki daadaŋ ŋina ekonyia emun ituŋanan idio, eŋoliyari ituŋanan ŋin neni a emun a ŋolo etiyaunitae ke eburonis, ido toyar.

Ekim. 7:27

etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

Ekim. 7:39

etaok, emesek, ikale ŋinimesek ŋini arae apolou keŋ ekaru epei. Arae ŋun ŋainakineta ŋuna epeyo;

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Yoa. 1:35

Akoloŋit ŋina atupakini ŋin, awuasi nabo Yoana ka ŋikasyomak keŋ ŋiarei anenipei.

Yoa. 1:36

Kiŋolik iŋes Yesu elosi, tolimok ŋikasyomak keŋ tema, “Kiŋolikisi Imesek ŋini ka Akuj.”

Yoa. 1:43

Akoloŋit ŋina atupakini ŋin, totyaku Yesu alosit nakwap a Galileya. Kiryamun iŋes ka Pilipo, tolimok tema, “Kiwuapakinae ayoŋ.”

Yoa. 2:1

Ani kelunyar ŋirwa ŋiarei, toyakaun ekiitanu lotaun ŋolo a Kana, nakwap a Galileya. Ayai toto a Yesu nasuban ŋun.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Yoa. 4:42

Tolimokis ŋituŋa ŋul aberu ŋin temasi, “Meere ŋakiro kon bon tokona ikinupitor isua iŋes, nai ikiira isua ŋilopeyek atemar, erae lo kire Ekaiunan ŋolo ka akwap.”

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Ŋitic. 13:39

Alotooma keŋ, ŋinituŋanan enupi, elacakinio anasecit a daadaŋ a ŋina pa apedorete Ŋikisila a Moses alacakin iŋes.

Ŋitic. 8:32

Ŋakiro ŋuna asyomi ekile ŋol a Nakigireta ikes nu: “Ikwa amesek ŋina erikoryo akiŋol kori ikwa ililiŋia imesek alokiŋaren ekatubon ŋajul keŋ, nyelimuno iŋes adiokirot.

1 Ŋikor. 15:3

Abu ayoŋ mono ekobu neni kus ŋakiro ŋuna apolok, ŋuna abu ayoŋ ejau: Abu Kristo totwan aŋuna a ŋasecisya yok, ikwaŋina igiritere Nakigireta.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 1:4

Abu Kristo tojal akiyar keŋ, ikotere isyoniyo ŋasecisya yok, ido itolacak iwon anakwap a na a ŋina ipukat ŋolo Aronon. Arae ŋin acamit ŋina ka Akuj Papa yok.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 2:17

Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 14:1

Abu eŋolik oanyuwa Imesek ewuoi alomoru a ŋolo enyaritae Sion; arukito ka ŋituŋa ŋalipyo amiat ka ŋatomoniomwon ka ŋiomwon, ŋulu egiritae ekiro a Imesek ka ŋolo a Papa keŋ loreetin kec.

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 19:7

Olelyana ka olakaros, epuro apolou keŋ! Anerae adol apaki ŋina a ŋasuban a ŋuna ke ekiitanu a Imesek, itemokino daŋ ateran keŋ aŋuna keŋ.

Akis. 19:9

Okolimok nai emalaika tema, “Kigir nu: erereŋ ŋulu enyaritae nasuban ŋuna ke ekiitanu a Imesek.” Tema nabo emalaika, “Erae ŋakiro ŋun ŋuna a kire ŋuna ka Akuj.”

Akis. 21:14

Adukokinitae arwatata ŋina ke etaun a ŋol namoru ŋunatomon ka ŋaarei ŋuna ka akisyakinet, ŋuna egiritae ŋirorwa ŋulu a Ŋikiyakia a ŋulutomon ka ŋiarei a ŋulu a Imesek.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.

Akis. 21:9

Abu nai emalaika epei a ŋulukanikaarei, ŋolo ayakar ŋabakulei ŋunakanikaarei ŋuna eleleba ŋakisicaneta ŋunakanikaarei ŋuna esidyok, bu neni kaŋ tema, “Bua, eketoodikini ateran, aberu a Imesek.”

Akis. 5:6

Abu ayoŋ eŋolik Imesek ewuoi alokidiŋ ekicoloŋ irikaunito ŋisubuna ŋuluomwon ka ŋikatukok. Atakani Imesek esibit earitae. Ayakar iŋes ŋamomwar ŋakanikaarei ka ŋakonyen ŋakanikaarei, ŋulu erae ŋitai ŋulukanikaarei ŋulu ka Akuj ŋulu iyakiyaritae nakwap daadaŋ.

Akis. 5:8

Ani kedau iŋes alemar ekitaabo, apotu ŋisubuna ŋuluomwon ka ŋikatukok ŋulutomoniarei ka ŋiomwon toramakinos kwap kiŋaren Imesek. Ayakar ŋolosubuna ka ŋolokatukon aduŋgu ka abakule ŋina etiyaunitae a egolid, kileleba eminae ŋolo ke ekinyate ŋolo erae ŋakilipasinei ŋuna a ŋituŋa a ŋulu ka Akuj.

Akis. 6:1

Abu eŋolik Imesek eŋaari akipucet ŋina esyaunan a ŋunakanikaarei. Abu eira epei alosubuna a ŋuluomwon elimuni a etoil a ŋolo acela ikwa agirokinet ebala, “Bua!”

Akis. 6:16

Temasi ikes neni a ŋimoru ka ŋatabab, “Tocakunos kare ca neni kosi ikiwua anakonyen a ŋolo iboi alokicoloŋ ka ananyunyura a ŋina a Imesek!

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”