Yoa. 1:12 - Ebaibul

¹² Nai ŋulu daadaŋ apotu kijaut iŋes, tonupa ekiro keŋ, abu iŋes inak ikes apedor ŋina ruworet ŋidwe ŋulu ka Akuj.

Yoa. 1:12 Iomraidhean Croise

2 Sam. 7:24

Ituruwo iyoŋ Ŋisirael kire jik ŋituŋa kon a alope ŋikaru ka ŋikaru, okoe Ekapolon, idau iyoŋ aruwor Akuj kec.

Isa. 56:5

ainakini ayoŋ ikes ŋirorwa ŋulu etamunitae jik alo Kai kaŋ ka alotooma ŋarwatatain kaŋ, ŋirorwa ŋulu iloito tari ŋulu a ŋidwe a ŋulusapa ka ŋulupesur. Ainakini ayoŋ ikes ekiro ŋolo a ŋikaru ka ŋikaru ŋolo nyepedoryo alemar.

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Mat. 10:40

“Ituŋanan ŋini ikijauni iyes, ekejau ayoŋ, nabo ŋini ekejauni ayoŋ, ejau iŋes ŋini ekeyakuunit ayoŋ.

Mat. 12:21

Iwuakinete ŋakwapin daadaŋ akigeno kec neni keŋ.”

Mat. 18:5

Ituŋanan ŋini ijauni ikoku ŋini cici ŋini ikoni en alokiro kaŋ, ekejau iŋes ayoŋ.

Yoa. 1:11

Abu iŋes bu lore keŋ, nai apotu ŋituŋa keŋ nyijaut iŋes.

Yoa. 1:7

Abunit iŋes akiteyenun ŋituŋa ŋakiro ŋuna ka akica, ikotere tonupyata daadaŋ aneni keŋ.

Yoa. 11:52

Meere aŋuna ka akwap a ŋin bon, nai ikotere ecunakini iwapei ŋidwe ŋulu ka Akuj, ŋulu ielara.

Yoa. 2:23

Ani eriŋa Yesu eyai Yerusalem, alorwa a ŋulu a Paska, apotu ŋituŋa ŋulu alalak tonupa ekiro keŋ, anerae eteete ŋakujuwuanisya ŋuna etiyae iŋes.

Yoa. 20:31

Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Yoa. 3:18

Iŋes ŋini enupi Lokoku ka Akuj, nyetubokinio; ŋini nyenupi, etubokinitae sek, anerae nyenupit iŋes ekiro a Lokoku ka Akuj a ŋolo donupei.

Ŋitic. 3:16

Aŋuna ka anupit ekiro a Yesu, aponi kitaŋaleunoe ekile lo ŋolo iteete ka ŋolo iyenete iyes. Anupit Yesu iŋes ainaki ekile lo aŋaleun kire ikwaŋina iteoto iyes daadaŋ.

Ŋirom. 8:14

Ŋituŋa daadaŋ ŋulu erikit Etau ŋolo ka Akuj, ikes erae ŋidwe ŋulu ka Akuj.

Ŋirom. 8:16

Imorikin Etau ŋolo ka Akuj ka ŋitai yok alimor atemar ikirae iwon kire ŋidwe ŋulu ka Akuj.

Ŋirom. 8:19

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋigal. 4:6

Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!”

Ŋikol. 2:6

Ikwapei nai icamuniata iyes Yesu Kristo erae Ekapolon kus, torubakisi iyarete anakimorikina ka iŋes.

2 Pet. 1:4

Alopite a lo, ikiinak iŋes iwon ŋainakineta ŋuna apolok nooi, ŋuna abu ikiik, ikotere topedoryata iyes abucar alokibure a ŋolo ka akwap a na; a ŋolo eyauni atwanare, ido toruworos ŋikamorak ŋulu ka akujuwuanut keŋ.

1 Yoa. 3:1

Toanyutu iyes epite ŋolo ikiminar iwon Akuj Papa! Amina ŋin, iŋes ikinyaritere iwon ŋidwe ka Akuj, ikirae kire ŋidwe keŋ. Nyikiyeni akwap iwon, anerae nyeyenuna iŋes Akuj.

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.

1 Yoa. 3:23

Akiciket ŋina ka Akuj iŋes na ebe, itemokino iwon onupa alokiro a Lokoku keŋ, Yesu Kristo ka ominin make, ikwapei ikicikakinitor iŋes iwon.