Yoa. 1:10 - Ebaibul

¹⁰ Ayai Akirot nakwap, tosub Akuj akwap aneni keŋ, nai nyeyenuna akwap iŋes.

Yoa. 1:10 Iomraidhean Croise

Akisy. 16:13

Tolimok Agar ekiro ke Ekapolon a ŋolo erworo neni keŋ tema, “Irae iyoŋ Eliroi.” anerae abu Agar tema, “Eŋolik kire ayoŋ Ekapolon ka arubak ayari kadau akiŋolikin iŋes a?”

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 18:33

Ani kedau Ekapolon akirworo ka Aburaam, torotok kimyek Aburaam. Tosodi Aburaam toboŋo tolot nakibois keŋ.

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Yoa. 1:11

Abu iŋes bu lore keŋ, nai apotu ŋituŋa keŋ nyijaut iŋes.

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 1:3

Abu Akuj tosub ŋiboro daadaŋ aneni keŋ; kerae tomam iŋes, pa kesubunitae idiobore.

Yoa. 1:5

Ecai akica ŋin anakiryonut, nai nyilouna akiryonut akica.

Yoa. 17:25

Okoe Papa ŋolo ka akiyookino! Nyikiyeni iyoŋ akwap kire, nai akayeni ayoŋ iyoŋ; eyenete lu atemar ikiyakuunit iyoŋ ayoŋ.

Yoa. 5:17

Tolimok Yesu ikes tema, “Itiyae Papa kaŋ ŋapakio daadaŋ ka etiyae ayoŋ daŋ ikwaŋinapei.”

Ŋitic. 14:17

Tari kikote nen, itoodiunit iŋes jwi jwi akiteyenunet ŋina ka ayakau keŋ aloboro a ŋulu ajokak, a ŋulu itiyae iŋes; ikiinunui iŋes akiru alokidiama ka ŋapakio ŋuna elemeneneere; ikisimuji iŋes iyes ka ikitalakanari iyes.”

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

1 Ŋikor. 2:8

Amam tari ŋikepukak ŋulu ka akwap a na ŋulu ayenete ŋun, amam tari epei daŋ; kerae toyenunito, pa kibubukinito Ekapolon ŋolo ka apolou.

1 Ŋikor. 8:6

nai aneni yok eyai Akuj apei bon, Papa ŋolo asubi ŋiboro daadaŋ, ŋolo ikiteyari iwon ka eyai iwon Ekapolon epei bon, Yesu Kristo ŋolo asubia Akuj ŋiboro daadaŋ, ido iŋes ikiyarya iwon.

Ŋikol. 1:16

Anerae abu Akuj tosub alotooma keŋ ŋiboro daadaŋ ŋulu eyakasi kidiama ka ŋulu anakwap, ŋulu etakanete ka ŋulu nyetakanete, kaapei ka ŋipyan ŋulu eyakatar ŋapedorosyo, ŋikapolok, ŋikepukak ka ŋikawuokinitok akwap. Abu Akuj tosub akwap daadaŋ aneni keŋ ka aŋuna keŋ.

Ŋibur. 11:3

Anupit iŋes ikiyenia iwon atemar kesubi Akuj akwap kan akirot keŋ, aŋun ibore ŋini ikite iwon, kitiyaunio aloboro a ŋulu nyetakanete.

1 Yoa. 3:1

Toanyutu iyes epite ŋolo ikiminar iwon Akuj Papa! Amina ŋin, iŋes ikinyaritere iwon ŋidwe ka Akuj, ikirae kire ŋidwe keŋ. Nyikiyeni akwap iwon, anerae nyeyenuna iŋes Akuj.