Yer. 9:8 - Ebaibul

⁸ Ekudito ikes ŋaŋajepa kec ikwa akau a ŋikaleŋeleŋe, irworosi ŋaŋajepa kec alyokonu jik, irworosi ikes daadaŋ ŋakiro ŋuna ka akoneo neni a ŋikidunyet kec, nai alotai kec eyeete ikes ŋuna ka adapun ŋikidunyet kec.

Yer. 9:8 Iomraidhean Croise

2 Sam. 3:27

Ani eboŋuni Abiner Eburon, toriko Yoab iŋes nawae, lopuke akirworikin ka iŋes make a ŋuluarei. A nen, abu Yoab totamu akinyaŋar Asael lokaato keŋ, ido abu kicum Abiner nakook toar.

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 12:3

Elipi Ekapolon kisililiŋ ŋakituka ŋuna itobobotoi ŋun, kisililiŋ ŋaŋajepa ŋuna iturosi nooi ŋun

Ŋikiru. 120:3

Iyes ŋikalyokonok, anukiro itiyakini Akuj neni kus? Iyes ŋikamodyanakinak, anu ŋace itiyakini Akuj neni kus?

Ŋikiru. 28:3

Nyikitubok ayoŋ ka ŋulu aronok kaapei, nyikitubok ayoŋ ka ŋulu itiyaete ŋuna aronok, ŋulu irworosi ŋuna ke ekisil neni a ŋikidunyet kec, toyai bo amoitanut lotai kec.

Ŋikiru. 35:20

Nyirworosi ikes ŋuna ka akoneo, nai etukete ŋakiro ŋuna ka amodiyo, aŋuna ka aremokinor ŋituŋa, ŋulu iboiyete anakwap itopoloorito ekisil.

Ŋikiru. 55:21

Ejokak ŋakiro ŋuna irworo iŋes, nai eyai ediŋet lotau keŋ; ejokak ŋakiro ŋuna irworo iŋes, nai ikiarete ikwa ŋileŋia ŋulu elemunitae anakuraroi.

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Ŋikiru. 62:5

Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

Ŋikiru. 64:8

Aŋuna a ŋakiro a ŋuna aronok a ŋuna irworosi ikes emunaari Akuj ikes; imuŋumuŋakinete ŋituŋa daadaŋ ŋulu iŋolikinete ikes ŋakyes ebulit.

Ŋakit. 25:18

Esuuda ŋolo irworo alyokonu neni a ikidunyet keŋ, ikoni iŋes erono abiro ŋinajiet, kori ekileŋ ŋolojiet, kori ekaleŋeleŋet ŋolo akwanan ŋolojiet.

Yer. 5:26

anerae eyakasi ŋasyaanisya lotuŋa kaŋ; elemanarete ikes ŋiboro a ŋuluce. Ikamete ikes ŋituŋa lopite ŋolo ikamya ekalokan ŋatapemo a atawuatat.

Yer. 5:9

Emaikina mono ayoŋ nyesican ikes aŋuna a ŋakiro a ŋun a? Nyemaikina mono ayoŋ enyaŋa ŋakiro a ŋituŋa ka akwap a ŋina ikoŋina a?

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Yer. 9:4

Tocoikinito ŋikidunyet kus ka nyikinyomito idio alotooma ŋiyeneta kus, anerae erae ŋiyeneta kus daadaŋ ŋulu amodyanakinak ka irimito ŋikidunyet kus daadaŋ erae ŋikamodiyanak.

Yer. 9:5

Emodyanakinete ikes daadaŋ ŋiyeneta kec ka mam ituŋanan irworo ŋakiro ŋuna a kire etatama ikes ŋaŋajepa kec akirworo alyokonu, itiyaete ikes ŋuna ka asecit ka apapanut nyepedorito akiki.

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.