Yer. 9:7 - Ebaibul

⁷ “Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Yer. 9:7 Iomraidhean Croise

2 Sam. 13:26

Tema Abusalom, “Ani pa kilosi iyoŋ, kimyek lokaapa kaŋ Aminon orukosi ka isua.” Kiŋit erwosit iŋes tema, “Kaanukiro emaikina iŋes torukosi ka iyoŋ?”

2 Ŋakiro a ŋirwa 36:15

Abu Ekapolon Akuj atapapaa a ŋituŋa a Yudaya ka Yerusalem torubak iyakiyanari ŋikadwarak akisirworiun ŋituŋa a Yudaya ka Yerusalem, anerae esyonit Akuj ikes kaapei ka Akai keŋ.

Ŋikiru. 120:4

Ikigumugumui iŋes iyes a ŋikaleŋeleŋe a ŋulu akwanak a ŋulu a ŋikajiok, ikicunyi a ŋatotol a ŋuna eriraete.

Ŋikiru. 55:22

Tolimok ŋican kon neni ke Ekapolon. ikiyoki iŋes iyoŋ; nyimyekini iŋes ŋulu iyookino kilounae.

Ŋikiru. 62:5

Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

Isa. 1:25

Anapedor kaŋ, akaremokin ayoŋ iyoŋ; alemari ayoŋ neni aronon aneni kon, lopite ŋolo eliere asuwat ka alemari ayoŋ ŋuna nyejokak aneni kus.

Isa. 48:10

Topupokisi, eketojoku ayoŋ iyes nai meere ikwa esilipa; ekekatak ayoŋ iyes anakimyekin ŋimoe ikisican iyes.

Isa. 59:3

Nyesegak ŋakan kus, anerae iara iyes ŋituŋa, itiyaete iyes asecit a ŋimoyo kus ka irworosi iyes ŋuna ka alyokonu, ileleba ŋakiro ŋuna aronok naŋajepa kus.

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Yer. 6:27

“Yeremia, eketuruwo ayoŋ iyoŋ aneni a ŋituŋa kaŋ ŋolo ipedori akitojokun ka aliiun ŋituŋa kaŋ alopitesyo kec, ikotere nai iyoŋ iyenuni ka ikatakini akitojokun ŋuna iwuapito ikes.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mal. 3:3

Ebuni iŋes atubokin, totyak ŋiletok ikwaŋina eliyere ŋasuwa kori esilipa ipoo, itojoki iŋes ŋisacaradotin, ido toliwae ikes ikwa egolid ka esilipa, akitodol ŋina eryamunia Ekapolon ŋituŋa ŋulu iyookino ŋulu epedorete ayaun ŋainakineta ŋuna ajokak neni keŋ.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Pet. 4:12

Ŋikaakonei ŋuluminan, nyiumokis aŋuna a ŋakikatanakineta a ŋuna apipilak a ŋuna iryamunito iyes; esibit ibore ŋini nyitemokino iyes toryamut.