Yer. 9:26 - Ebaibul

²⁶ Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Yer. 9:26 Iomraidhean Croise

Yer. 10:1

Okoe ŋituŋa a Isirael, kiirasi ŋakiro ŋuna ikilimokinit Ekapolon iyes,

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 40:11

Ikwaŋinapei ani iirarete Ŋiyudayan ŋulu aya Moab ka nakwap a Ŋiamoni ŋulu aya Edom ta nakwapin ŋunace atemar emyek erwosit a Babilon ŋipiya a ŋituŋa alo Yudaya ka aseu Gedalia lokoku ka Aikam a ŋolo arae lokoku a Sapan akipuka ŋituŋa ŋul,

Yer. 49:32

Eŋataryo ŋikaala kec, eŋataryo ŋaatuk kec. Ealari ayoŋ lowaetin daadaŋ ŋituŋa ŋulu ebanyito ŋakyes kec, ka ayauni ayoŋ neni kec ŋican alowaetin a daadaŋ.

Yer. 6:10

Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Esek. 31:18

“Ekitoe ali alo Eden epedoryo akisikwaan ka iyoŋ anapolou kon a ŋina ailiilon ikimasakinio tokona iyoŋ kwap kaapei ka ŋikito a Eden, ikiwuakin nakibois a ŋikatwak, iperi iyoŋ aneni eperyoto ŋulu nyileŋeritae, aneni eperyoto ŋulu aaryo a ekileŋ. Erae Parao ka ŋajoresyo keŋ irworo Ekapolon ŋakiro kec a ne.”

Esek. 32:19

Tolimok Ijipit ebe, ‘Ibus mono iyoŋ nooi akilo ŋakwapin ŋunace a? Toloma kwap! Emaikina iyoŋ ikinuki kaapei ka ŋulu nyenupito neni ka Akuj.’

Esek. 44:7

Ŋace ŋuna iatakis iyes nasiilyo kus ikes nu, iyaut iyes nakibois kaŋ ŋina asegan ŋituŋa ŋulugelaanotin ŋulu nyileŋeritae, ŋituŋa ŋulu nyekewuapito ayoŋ, elomete ŋituŋa ŋul akiyany Akai ka Akuj eriŋa iyes iyaunito neni kaŋ akimuj kaŋ, asepwae ka ŋaokot a ŋainakineta. Iŋero iyes acamunet kaŋ ka iyes anakitiya asiilyo kus ŋin daadaŋ.

Esek. 44:9

“‘Alimu ayoŋ Ekapolon Akuj atemar mam ituŋanan ŋinigelaanot ŋini nyileŋeritae, ŋini emaikina toloma nakibois kaŋ ŋina asegan, tari ituŋanan daadaŋ ŋinigelaanot ŋini iboiyete ka Ŋisirael, nyecamakinitae elomari nakibois kaŋ ŋina asegan.

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”