Yer. 9:22 - Ebaibul

²² Irworo Ekapolon ebala, ‘Eperete anariet ikwa aoret ŋawat a ŋituŋa a ŋulu etwakito, eyakaun ikes nen ikwaan ka ŋatukon a ŋakasirim ŋuna imyekini ekaleman emanikor, ido mam ituŋanan epedori acunakin iwapei ŋawat a ŋituŋa a ŋul.’

Yer. 9:22 Iomraidhean Croise

2 Ŋirw. 20:13

Abu Esekia kijau ŋipeyok ŋul, kitoodik ikes ebari keŋ daadaŋ ŋolo eŋadatae nakais: Esilipa, egolid, ŋiboro ŋulu itoboboete akimuj, akimyet ŋina epol egyelit, ŋiboro ŋulu ke ejie ka ibore daadaŋ ŋini eŋadat iŋes. Emam akai ŋina iŋadatae ebari keŋ tari apei ŋina abu kidoŋ nyitoodikina iŋes ŋipeyok ŋul. Kitoodik iŋes akai a erwosit ka akwap keŋ daadaŋ.

2 Ŋirw. 20:15

Kiŋit Isaya erwosit tema, “Inyoni eŋolikis ikes alokai kon?” Toboŋok Esekia tema, “Eŋolikis ikes ibore daadaŋ. Emam ibore anakais aŋuna iŋadao ŋiboro ŋini nyitoodikina ayoŋ ikes.”

2 Ŋirw. 9:37

Iledario akuwan a Yesebel alo Yesireel kikok aoret, ido todaun epite ŋolo eyenunia ituŋanan idio atemar erae iŋes Yesebel.’ ”

Yob 5:13

ikamununui Akuj ŋikaosok anaosou kec, itasalununui Akuj atipei ŋuna eyeete ŋulu irworosi itojokasi.

Ŋikiru. 49:7

Emam ituŋanan elakuni ituŋanan ŋinice a akiyar keŋ, emam ibore einakini ituŋanan Akuj aŋuna ka alakun akiyar keŋ,

Ŋikiru. 83:10

Ibu iyoŋ tomunya ikes alo En-Dor, apotu ikes tobosikis neni, toruwor ŋalup.

Ŋakit. 18:11

Ikwaan ebari aneni a ŋikabarak ka etaun ŋolo egogoŋ aŋuna edukukio ejok, anatameta kec, ikwaan ebari kec ka ŋarwatatain a etaun ŋuna aoyak.

Ŋakit. 23:4

Nyituupa bon aŋirikinit akiburuburakin aryamun ebari, toyakatar aosou ŋina itoodiunit atemar ititinyikinit iyoŋ.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 25:33

“Epetakin ŋawat a ŋituŋa a ŋulu eari Ekapolon kwap, ameun a epeiwae akisalet a akwap tari ŋoloce nyigworyo ŋituŋa ŋul, kori nyecunakinio, kori nyenukyo, imyekinio ikes a nen kikwaanikinos ka aoret alokidiama ŋalup.”

Yer. 6:21

Aŋun, alimu Ekapolon ŋakiro nu, “Kiirasi ewuak ayoŋ aŋuna a ŋituŋa a lu, akigukinet ŋina isibusokini ikes, isibusokini akigukinet ŋin ŋikauruunak ka ŋidwe, emunyarosi ŋikidunyet ka ŋikonei.

Yer. 7:33

eruworosi ŋawat a ŋituŋa a ŋul akimuj a ŋikyeny a ŋulu eporete ka akimuj a ŋityaŋ ka akwap, mam ituŋanan iritari ŋikyeny ka ŋityaŋ ŋul a nen.

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Abak. 1:11

Ani nai elomarete nen, topyasi ibore daadaŋ lopite ŋolo epyaa ekuwuam, ido nai torotokis. Erae ikes ŋituŋa ŋulu iilit ŋulu aŋero ŋikisila. Ituruworito ikes apedor akuj kec.”

Sepan. 1:17

“Ayauni ayoŋ akiyaloloŋ lotuŋa, toloto ikes esibit ŋimudukanotin; anerae aseca ikes aneni ke Ekapolon, ebukoryo ŋaokot kec ikwa ŋalup ka imasaryo ŋawat kec ikwa aoret.

Ŋikis. 8:17

Nyetema ituŋanan ebe, “Erae agogoŋu ka apedor kaŋ a ilope iŋes aryamunia ayoŋ abaru na.”