Yer. 9:11 - Ebaibul

¹¹ Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Yer. 9:11 Iomraidhean Croise

Neem. 4:2

Tolimu iŋes epupete ŋituŋa ŋulu etiyaata Iŋes etic ŋolo ka apukan ka ŋasigarya ŋuna a Samaria tema, “Nyo itiyaete Ŋiyudayan lu epalag lu? Epedorete mono ikes akinyakakin arwatata daadaŋ a? Einakinete ikes ŋamuronisya a? Edukokinete mono ikes arwatata alotooma apei koloŋit a? Ekutunete mono ikes ŋamoru aneni etukotor icunyitae a?”

Ŋikiru. 107:43

Emaikina ituŋanan daadaŋ ŋini eos topupok ŋakiro ŋun, totamatama ŋuna ka amina; ke Ekapolon a ŋina nyiryaŋiryaŋa.

Ŋikiru. 44:19

Nai ikiesik iyoŋ isua ikwa ŋamesekin ŋuna imyekinitae aneni eya ŋikweei, ikiesik iyoŋ isua anakiryonut a ŋina iryono cuc.

Ŋikiru. 79:1

Okoe Akuj, apotu ŋituŋa a ŋakwapin akirem akwap kon, amunaasi ikes Akai kon ŋina asegan, abwaŋabwaŋaasi ikes Yerusalem aruwor ŋamoru ŋuna etukosi.

Isa. 13:22

Epote ŋibuin arwore anaduketa keŋ a ŋuna aoyak ka elomarete ŋikweei nakais kec ŋuna ka apukan, aapuu apaki ŋina inyasunere Babilon, adaun ŋirwa keŋ.”

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 34:13

Erupete ŋikukwa anakais a ŋuna ka apukan, eruworosi ŋaduketa kec ŋunajiet ŋamon a ŋikukwa. Eruwor nen akibois a ŋikweei ka neni iboiyoto ŋikaleeso.

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Yer. 1:15

Anyaraunit ayoŋ tokona ŋituŋa a ŋikabilae daadaŋ a ŋapukasinei a ŋuna alo Kuju, tosodi epote ikes, ido iwuakinete ŋirwosi kec daadaŋ ŋikicoloŋo kec ŋulukipukaet lopukei a Yerusalem imanito ŋarwatatain ŋuna ewuato iŋes daadaŋ ka imanito ŋitaunio a Yudaya daadaŋ.

Yer. 10:22

Kiirasi ecelet! Topupokisi, ebunit, ebunit egurigur ŋolo apolon anakwap a ŋina alo Kuju; ebunit iŋes akituruwor ŋitaunio a Yudaya daadaŋ ŋireŋoroto, akituruwor nen neni iboiyoto ŋikweei.

Yer. 16:10

“Kidau iyoŋ alimokin ŋituŋa lu ŋakiro ŋun, ido ikiŋita ikes iyoŋ ebe, ‘Kaanukiro alimunio Ekapolon ŋakiro ŋuna aronok nooi ŋun ikimanit isua? Nyo erae asecit kosi? Anisecit etiyae isua ikimania Ekapolon Akuj kosi?’

Yer. 25:11

Inyasunio akwap na daadaŋ ka eruwor acaryoit, ido epote ŋituŋa a ŋakwapin a ŋun akitiyanakin erwosit a Babilon ŋikaru ŋatomonikanikaarei.

Yer. 25:18

Ŋituŋa ŋulu apotu tomata epiini ikes lu: Ŋituŋa a Yerusalem ka ŋituŋa a ŋitaunio a Yudaya, ŋirwosi keŋ ka ŋikapolok. Apotu ŋitaunio ŋul toruworos ŋireŋoroto, ŋicaryo ŋulu ejamuwanaryo ka ŋulu icenio, lopite ŋolo eyakatar nakoloŋit na.

Yer. 26:18

“Abu koloŋ Mika ŋolo abunit alo Moreses, ŋolo adwarenene alorwa a ŋulu epukator erwosit Esekia ŋolo a Yudaya, tolimok ŋituŋa a Yudaya daadaŋ tema, ‘Ŋakiro ŋuna irworo Ekapolon ŋolo a ŋajoresyo ikes nu: Eruwor Sion neni itao ikwa emanikor, eruwor Yerusalem neni etukotor ŋamoru ŋuna eritakina kwap ka eruwor emukura ŋolo ka Akai ka Akuj amoni.’

Yer. 26:9

Kaanukiro idwarya iyoŋ alokiro ke Ekapolon atemar ikwaanikin Akai na ka Silo ka eruwor etaun lo ereŋorot ŋolo emam ŋituŋa iboiyete alotooma?” Tosodi apotu ŋituŋa daadaŋ tocunun, kirimokis Yeremia kidiŋ alo Kai ka Akuj.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 44:2

Tema Yeremia, “Alimu Ekapolon ŋolo a ŋajoresyo, Akuj a Ŋisirael ebe, ‘Iŋolikis iyes ŋilopeyek ŋican ŋulu abu ayoŋ oyau neni a ŋituŋa a Yerusalem ka lotuŋa ŋulu a ŋitaunio a Yudaya a daadaŋ. Kiŋolikisi ŋakiboisyo ŋun tokona, erae ŋireŋoroto, mam ituŋanan iboi alotooma kec,

Yer. 49:33

“Eruwor Asor neni eperete ŋikweei, eruwor ecaryoit ŋikaru ka ŋikaru; mam ituŋanan elosi akiboi nen, kori elomi nabo lotaun ŋol.”

Yer. 50:3

“Eponito alo Kuju ŋituŋa a akwap ŋulu itijikinete iŋes, itoruworete ikes akwap a Babilon ereŋorot ka mam ituŋanan ebuni akiboi a nen, eemete ŋityaŋ ka ŋituŋa a nen.

Yer. 51:37

ido eruwor Babilon ŋatukon a ŋamoru a ŋuna eritakinitae kwap ka neni iboiyoto ŋikweei, akibois ŋina ikitubuli iŋolikini ka ŋina ejutuwanaryo, ŋina emam ŋituŋa iboikin tooma keŋ.

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 3:47

Adaut ŋimoe kosi akitubul isua ka alokit isua, adaut akinyasun ka amunaar isua.

Ŋilep. 26:32

Enyasuni ayoŋ akwap kus, ikotere ŋimoe kus ŋulu epote akiboi a nen eumokinete a ŋakiro a ŋun.

Mika 1:6

Aŋun, eturuwori ayoŋ Samaria ereŋorot ŋolo etukotor ŋamoru anariet, akibois ŋina edupyo ŋikito ŋulu ke epiini, abukori ayoŋ ŋamoru keŋ nakadipaalat, ido emyek neni sek awuatar ŋarwatatain keŋ ileere.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Mika 6:16

anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.