Yer. 9:1 - Ebaibul

¹ Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Yer. 9:1 Iomraidhean Croise

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 42:3

Ŋakiyo kaŋ ikes erae akimuj kaŋ naparan ka nakwaare, ekeŋiseneneete ayoŋ ŋituŋa apaaran jwii ebe, “Ai bo eyai Akuj kon?”

Ŋikiru. 55:7

Kaporo nariet neni alwanan, eboi analoŋisat;

Isa. 16:9

Aŋun, egworo ayoŋ lopite ŋolo igworotor ŋituŋa a Yaser egworo ayoŋ aŋuna a ŋikito a epiini a Sibima. Okoe Esibon ka Eleale egworo ayoŋ abuki ŋakiyo aŋuna kus, anerae adaun ecelet ŋolo sek eyai elemio ŋaraito ka ŋikinyom.

Isa. 22:4

Aŋun, abu ayoŋ otema, “Nyipotu neni kaŋ, kimyekinae ayoŋ egwor nooi; nyikisirworiut ayoŋ aŋuna amunyarere ŋituŋa kaŋ ŋuluminan.”

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 4:19

Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Yer. 5:7

Alipite nai ekesyonio ayoŋ iyoŋ? Akaŋero ŋituŋa kon ayoŋ, ido ikoŋete elimito ŋulu nyerae Akuj. Ani etani ayoŋ ikes kimwoko, aloto ikes akilip neni a ŋakujo, eloseneneete ka atoonyi nakais a ŋakujo.

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Yer. 8:18

Adaun alelyanu kaŋ, eyai aryeba neni kaŋ, adyakakin etau kaŋ.

Yer. 9:18

emaikina ikes potu atipei kiwololoto aŋuna yok akitodol ŋina eleleiyaryata ŋakiyo anakonyen yok, kibwaliyasi ŋakiyo ŋakonyen yok,

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Osea 7:4

Erae ikes daadaŋ ŋulu emalaaka, ikwaan ikes ka ekeno ŋolo amwanan nooi, ŋolo nyemisit ekepon ŋamugati akikunyakin akim, ameun anapaki a ŋina emunaunia iŋes ŋakirya akitodol ŋina ebuunioto ŋakirya.