Yer. 8:7 - Ebaibul

⁷ Eyeni tari ŋina erae acolikokot ŋapakio keŋ ka iyokiyete ŋakuryo, ŋikaporookokoe ka ŋiwalui apaki ŋina eponiata, nai nyeyenete ŋituŋa kaŋ ŋikisila a Ekapolon.

Yer. 8:7 Iomraidhean Croise

Eete a Ŋie. 2:12

Aturout ŋatur anariet, erae tokona na apaki ŋina eore, epupyo tokona iwon ŋitoilon a ŋakuryo erwosi anakwap yok.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Abak. 1:4

Aŋun, nyeriŋa emisitae ŋuna ebasi ŋikisila, emam ŋuna iyookino ŋuna itopolooritae, irikaete ŋulu aronok ŋulu iyookino. Aŋun, emanar akiyookino kaku.

Sakar 5:9

Ani eŋoliyari ayoŋ kidiama, abu eŋolik ŋaberu ŋaarei eporete a ŋabebenuk a ŋuna ikiwuakarete, ido aponito ŋaberu ŋun neni kaŋ. Ayakatar ikes ŋabebenuk ŋuna ikwaan ka ŋuna a acolikokot, apotu ikes kikyaasi ebukit topororyata.