Yer. 8:6 - Ebaibul

⁶ Abu ayoŋ opupok ŋakiro kec acamit akiirar, nai nyirworosi ikes ŋakiro ŋuna iyookino, mam ituŋanan ekii aronis keŋ tolimu tema, ‘Anukiro etiya ayoŋ?’ Elosi ŋinituŋanan a erot keŋ lopite ŋolo eemya aŋole lojie.

Yer. 8:6 Iomraidhean Croise

Yob 10:2

Alimokini ayoŋ Akuj atemar, nyikitubok ayoŋ; kimyekinae ayoŋ oyenu ŋuna ikitiŋitor iyoŋ ayoŋ ikiremokino.

Yob 34:31

“Eyai mono ituŋanan idio alimoki neni ka Akuj ebe, ‘Adau ayoŋ akidaŋidaŋ akisicanio; nyaboŋokini nabo ayoŋ akitiya aronis;

Yob 34:32

kitatamae ayoŋ ŋuna nyayeni ayoŋ, ani ketiyat ayoŋ ŋuna ka asecit, nyaboŋokini nabo akitiya a?’

Ŋikiru. 14:2

Iteunit Ekapolon alokidiama kwap neni a ŋituŋa, akiŋolikin erae keya ŋidi ŋulu eosok, ŋulu ilipete neni keŋ.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Yer. 23:25

Eira ayoŋ ŋuna irworosi ŋikadwarak ŋulu edwarete alyokonu alokiro kaŋ ebasi, ‘Abu ayoŋ eruja, abu ayoŋ eruja!’

Yer. 3:5

akaŋoikini mono iŋes ayoŋ ŋikaru ka ŋikaru ka erubakini mono iŋes eŋoit jik tari nasalunet a?’ Erae ŋol epite ŋolo irworotor iyes, nai idaut iyes akitiya aronis daadaŋ ŋina ipedorito akitiya.”

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Esek. 18:28

Aŋuna abunio ituŋanan ŋin totamunia ka toŋeryo aronis keŋ daadaŋ ŋina sek etiyat, eyari ituŋanan ŋin kire jik, nyetwani.

Esek. 22:30

Abu ayoŋ ewar aneni kec ituŋanan ŋini epedori adukokin nabo arwatata, ido towo anakiboisyo a ŋuna aritaanara anarwatata, toji aŋuna ka akwap keŋ alokiŋaren kaŋ, ikotere nai ayoŋ nyamunya akwap keŋ. Nai mam aneni kec ituŋanan abu ayoŋ oryamu.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Sepan. 3:7

Abu ayoŋ olimok etaun ŋol atemar, Kire jik, ikikeri iyoŋ ayoŋ, icamuni ŋuna sek iŋerit; nyikimuryakinete iyoŋ ŋuna daadaŋ adau ayoŋ alimokin iyoŋ. Nai eriŋa iŋes elelyanikinit akitiya ŋuna aronok lopite ŋolopei sek etiya.”

Agai 1:5

Aŋun nai tokona, ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 1:7

Ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.