Yer. 8:21 - Ebaibul

²¹ Akanomorit ayoŋ ikwapei enomoritor ŋituŋa kaŋ, egworo ayoŋ ka amin akadakinit neni kaŋ.

Yer. 8:21 Iomraidhean Croise

Neem. 2:3

Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 17:16

Nai nyimyekina ayoŋ araakau ekeyokon alotic kon, kori nyiitana ayoŋ aneni kon ainakin ayoŋ apaki ŋina ka akisicanio. Iyeni iyoŋ ŋakiro ŋuna abu ayoŋ olimu, eleereete ŋakiro kaŋ alokiŋaren kon.

Yer. 4:19

Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Yer. 8:20

Igworosi ŋituŋa ebasi, “Adaun apaki ŋinalemet, alunyar apaki ŋina ka akamu, nai eriŋa nyeiuna isua.”

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Aum. 3:1

Arae ayoŋ epei ŋolo adau akiŋolikin akisicanet, akisicanet ŋina ebunit ananyunyura ka Akuj.

Yoel 2:6

Ebuli ŋakwapin iŋolikinete iŋes; esecasi ŋireetin a ŋituŋa a ŋul a daadaŋ.

Naum 2:10

Enyasun Ninepe, mam ŋituŋa eriŋa iboiyete a nen, eturuwor ereŋorot, einaiya ekabule ŋituŋa daadaŋ, emaranete ŋakuŋin kec, esecec ŋireetin kec aŋuna a ekabule.

Luk. 19:41

Toapiya Yesu Yerusalem; ani iŋolikini, kikalou aŋuna a ŋituŋa a ŋulu ke etaun a ŋol,