Yer. 8:2 - Ebaibul

² ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Yer. 8:2 Iomraidhean Croise

2 Ŋirw. 17:16

Apotu ikes toŋero ŋakiciketa daadaŋ ŋuna ke Ekapolon Akuj kec, tosodo kitiyaut aŋuna kec ŋitorubei a ŋitak ŋiarei a ŋasuwa. Apotu todukut epir ŋolo etaletoi, kilipa neni a ŋitopon ka etopoloorito akuj Baal.

2 Ŋirw. 21:3

Abu iŋes toduku nabo ŋakiboisyo nenimukur ŋuna koloŋ abwaŋabwaŋaari papa keŋ Esekia, ŋuna arae ŋakilipet ŋakujo. Toduku iŋes ŋamuroeta ŋuna ilipere Baal. Kitiyau iŋes etorube a akuj a ŋinaberu a ŋina anyaritae Asera, lopite ŋolo koloŋ etiyaa erwosit Aab ŋolo a Ŋisirael. Kilip Manase tari neni a ŋikacer ka abu kitiya aŋuna kec.

2 Ŋirw. 21:5

Toduku iŋes ŋamuroeta ŋuna elipere ŋikacer nalapatui ŋunaarei alo Kai ka Akuj.

2 Ŋirw. 23:5

Kirita iŋes ŋisacaradotin ŋulu a ŋakujo a ŋun, ŋisacaradotin ŋulu kepotu ŋirwosi a Yudaya kiwuakis aŋuna ka ainanakin ŋainanakineta anenimukur, aneni ilipere ŋakujo alotaunio a Yudaya ka alo Yerusalem, ŋulu ainanakinete ŋainanakineta neni a Baal, neni ka akoloŋ, neni ke elap, neni a ŋirematom ka neni a ŋitopon ka neni a ŋiboorei a ŋic a ŋulu ecayete alokidiama.

Ŋikiru. 53:5

Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

Ŋikiru. 83:10

Ibu iyoŋ tomunya ikes alo En-Dor, apotu ikes tobosikis neni, toruwor ŋalup.

Ŋikiru. 83:11

Kitiya neni a ŋikarikok kec ŋuna ibu iyoŋ kitiya neni ka Oreb ka Seeb, kilou ŋikepukak kec daadaŋ lopite ŋolo ibunio iyoŋ kilounia Seba ka Salemuna,

Ekal. 6:3

Epedori ituŋanan ayakaunor ŋidwe amiat, ido kiboi ŋikaru ŋulu alalak, nai tari kelalak ŋirwa ŋulu ka akiyar keŋ, ani pa kelakara iŋes aloboro a ŋulu ajokak anakwap a na, kori pa kenuki iŋes ejok etwani, atemari ayoŋ ejok ikoku ŋini ebwaŋunitae akilo ituŋanan ŋin.

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 16:11

Iboŋokini iyoŋ ikes tema, ‘Erae ŋun, anerae apotu atapapaa kus okoŋero ayoŋ, aloto akiwuap ŋakujo ŋace ka etiyanakis ŋakujo ŋun, elipa neni kec, ido akaŋero ayoŋ ka nyiwuapa ŋikisila kaŋ

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 16:6

Etwakete ŋituŋa daadaŋ a akwap a na, ŋikapolok ka ŋulucaryo. Nyenukyo ikes, mam ituŋanan iwololoe aŋuna kec, mam ŋini egeri akuwan, mam akibany ŋitim aŋuna kec.

Yer. 19:13

Itoroniyaryo ŋakais a Yerusalem ka ŋakais a ŋirwosi a Yudaya, lopite ŋolo etoroniyarere Topes, itoroniyaryo ŋakais daadaŋ ŋuna aponi inakinae ŋainakineta alokidiama kec neni a ŋiboorei a ŋulu alokidiama ka neni ainanakinere ŋainakineta ŋuna a ŋimaten neni a ŋakujo a ŋace.’ ”

Yer. 22:19

Enukio iŋes lopite ŋolo enukere esigirya, iriyaryo iŋes kiŋa kimasarae kiŋa ŋipukei a Yerusalem.

Yer. 25:33

“Epetakin ŋawat a ŋituŋa a ŋulu eari Ekapolon kwap, ameun a epeiwae akisalet a akwap tari ŋoloce nyigworyo ŋituŋa ŋul, kori nyecunakinio, kori nyenukyo, imyekinio ikes a nen kikwaanikinos ka aoret alokidiama ŋalup.”

Yer. 31:40

Akadipaalat daadaŋ ŋina enukio ŋikatwak ka neni etukonokinio ekuron, ŋimanikorin daadaŋ todol tari nayonae Kidiron kiropo lokoona a epuke a ŋaŋolei ŋolo eyai Kide, eruwor nen daadaŋ akibois ŋina italeoritae aŋuna a Ekapolon. Nyemunaaryo nabo etaun, kori nyikamaryo.”

Yer. 36:30

Aŋun, alimu Ekapolon ŋakiro nu aŋuna a erwosit Yeoiakim a ŋolo a Yudaya: Nyeryamuni iŋes ituŋanan ŋini ilunyokin lokicoloŋ ŋolo ka apukan a Daudi, ido imasakinio akuwan keŋ nenilapat tonom akoloŋ naparan ka tonyam akaterot nakwaare.

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Yer. 9:21

Adolu atwanare lodirisae kus, aloma nakais a apukan kus, ebunit atwanare alemar ŋidwe kus alorotin ka ŋisorok analapatui a ŋuna ke etaun.

Yer. 9:22

Irworo Ekapolon ebala, ‘Eperete anariet ikwa aoret ŋawat a ŋituŋa a ŋulu etwakito, eyakaun ikes nen ikwaan ka ŋatukon a ŋakasirim ŋuna imyekini ekaleman emanikor, ido mam ituŋanan epedori acunakin iwapei ŋawat a ŋituŋa a ŋul.’

Esek. 29:5

Ekecutari ayoŋ iyoŋ naloŋisat, iyoŋ kaapei ka ŋikolya ŋulu eya nakipi ŋuna a ŋakitelesyo kon; Imasakin iyoŋ neni alapatan anariet, nyikidakunio iyoŋ a nen ikinuki. Adau ayoŋ ainakin iyoŋ ikwapei akimuj kec neni a ŋityaŋ a ŋulu ka akwap ka neni a ŋikyeny a ŋulu eporete.

Esek. 39:5

Itwanikini iyoŋ neni elapat anariet, ayoŋ Ekapolon Akuj adau alimun ŋun.

Esek. 6:5

Eperikini ayoŋ ŋalyalin a Ŋisirael kiŋaren ŋakujo kec; ido eelak ŋakoyo kus kirimokis ŋamuroeta kidiŋ.

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Sepan. 1:17

“Ayauni ayoŋ akiyaloloŋ lotuŋa, toloto ikes esibit ŋimudukanotin; anerae aseca ikes aneni ke Ekapolon, ebukoryo ŋaokot kec ikwa ŋalup ka imasaryo ŋawat kec ikwa aoret.

Sepan. 1:5

Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Ŋitic. 7:42

Ŋakiro ŋun abunio Akuj tomulenio ikes, kimyek ilipete ŋikacer ŋulu alokidiama, ikwapei igiritere lokitaabo ŋolo a ŋikadwarak ebe, ‘Ŋituŋa a Isirael, ipotu mono iyes iyaut ŋamuronisya ka ŋainakineta neni kaŋ ŋikaru ŋatomoniomwon analoŋisat a?

Ŋikis. 17:3

aŋuna alosyo akitiyanakin ŋakujo ŋace ka akilip neni kec, kerae neni ka akoloŋ, kori, a elap, kori a ŋiboorei ca daadaŋ ŋulu eya kidiama, a ŋulu nyakacamakinit ayoŋ iyes kilipa neni kec,

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.